AMOS 5:10 - Khasi CL Bible (BSI)

¹⁰ Phi ki briew phi isih ïa uta uba pyrshah ïa ka jingbymhok bad kren ïa ka jingshisha baroh ha ka ïingbishar.

KA BAIBL

¹⁰ Ki shun ïa uba pynrem ha ka khyrdop, bad ki isih ïa uba kren hok.

AMOS 5:10 ပူးပေါင်းရင်းမြစ်များ

1 SYIEM 18:17

Haba u Ahab u ïohi ïa u, u ong, “Me la wan — u nongthaw jingkulmar basniew tam ha Israel!”

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

PROBERB 15:12

Ki briew kiba meng kim sngewtynnat ban shah sneng; kim ju pan ïa ki jingai jingmut na kito kiba kham stad.

ISAÏAH 29:21

U Blei un pynjot ïa kito kiba kren sniew ïa kiwei, kito kiba khanglad ïa ka jingpynshitom ïa ki riewrunar, bad kito kiba kren lamler ban khang ïa ki briew kiba hok ban ïoh ïa ka jingbishar hok.

ISAÏAH 59:15

Ka jinglonghok ka la nang duna katta katta ba uno uno uba kiar na kaba leh bymman u shem ïa lade ba u long u lanot jong ka kam runar.” U Trai u la ïohi ïa kane, bad ka la pynsngewsih ïa u ba ym don shuh ka jingbishar hok.

JEREMAÏAH 38:7

Kumno re kumno, u Ebedmelekh, u nong Sudan, u ïunukh uba trei ha ka ïingsyiem u la ïohsngew ba ki la thep ïa nga ha ka pung. Ha kata ka por u syiem u dang pynlong ka jingbishar ha ka Khyrdop Benjamin.

HOSIA 4:4

U Trai u ong, “Wat ai ba uno uno un kynnoh ïa ki briew lane pynrem ïa ki — ka jingmudui jong nga ka long pyrshah ïa phi ki lyngdoh.

LEBITIKOS 13:10

u ban khmih bniah ïa u. Lada ka don ka prum kaba lieh ha ka sniehdoh jong u kaba la pynlieh ïa u shñiuh bad kaba dap da ka ksuit,

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

ÏOANNIS 15:19

Lada phi long jong ka pyrthei, te ka pyrthei kan ieit ïa phi kum la ki jong hi. Hynrei nga la jied ïa phi na kane ka pyrthei, bad phim long shuh ki jong ka; na kata ka daw ka pyrthei ka shun ïa phi.

ÏOANNIS 3:20

Uno uno uba leh ïa kiei kiei kiba sniew u isih ïa ka jingshai bad un ym wan sha ka jingshai, namar um kwah ba ïa ki kam sniew jong u yn paw.

ÏOANNIS 7:7

Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

GALATIA 4:16

Hato nga la kylla long mynta u nongshun jong phi da kaba ïathuh ha phi ïa ka jingshisha?

JINGPYNPAW 11:10

Ki briew kiba shong ha ka pyrthei kin ïakmen namar ka jingïap jong kine ki ar ngut. Kin ïalehkmen bad kin ïa-ai jingai sngewbha markylliang, namar ba kita ki ar ngut ki nongïathuhlypa ki la wallam shibun ki jingshitom halor u bynriew.