AMOS 4:9 - Khasi CL Bible (BSI)

⁹ “Nga la phah ïa ka lyer khluit ban pyntyrkhong ïa ki jingthung jong phi. Ki puit ki la bam duh ïa baroh ki kper bad bri sohwaiñ jong phi, ki dieng Dumbur bad ki dieng Olib jong phi. Katta ruh phim shym la wan phai pat sha nga.

KA BAIBL

⁹ “Nga la shoh ïa phi da ka jingïap tram bad kaba bam khñiang: ïa ka jingkynrei ki kper jong phi bad ki brisoh Waiñ jong phi bad ki dieng Dumbur jong phi bad ki dieng Olib jong phi u puit u la bam duh: pynban, phim shym phai sha nga,” ong U Trai.

AMOS 4:9 ပူးပေါင်းရင်းမြစ်များ

1 SYIEM 8:37

“Haba don ka 'nemsniew ha ka ri, lane ka jingïapthem, lane ba ïa ki jingthung la pynjot da ka lyer khluit lane ka kynhun ki puit, lane haba ki briew jong me ki shah tur ïaleh ha ki nongshun jong ki, lane haba don ka jingpang hapdeng jong ki,

2 KHRONIKL 6:28

“Haba don ka 'nemsniew ha ka ri, lane ka jingïapthem, lane haba la pynduh khoit ïa ki jingthung jingtep da ki lyer khluit ne da ki kynhun ki puit lane haba ïa ki briew jong me la wan tur ïaleh da ki nongshun jong ki, lane haba don ka khlam lane ka jingpang hapdeng jong ki, to shahshkor ïa ki jingduwai jong ki.

ISAÏAH 1:5

Balei phi ïai ïeng ïaleh pyrshah ïa u? Hato phi kwah ban shah pynshitom kham palat shuh shuh? Ko Israel, ka khlieh jong phi ka la shah tap lypa da ki jingmong, bad ka dohnud bad jingpyrkhat jong phi ki pang.

ISAÏAH 50:11

Phi baroh kiba ïasylla ban pynjot ïa kiwei yn pynjot ïa phi ha ki jingsylla jong phi hi. U Trai da lade hi un pynjia ïa kane; phin shahshitom ha ka jingkordit.

ISAÏAH 9:12

Ka Syria ha ka phang mihngi bad ka Philistia ha ka phang sepngi ki la ang la ka shyntur ban bam ïa ka Israel. Pynban la katta ruh ïa ka jingbitar jong U Trai ym shym pynkut; ka kti jong u ka dang kner ban pynshitom.

JEREMAÏAH 3:10

Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

HOSIA 11:5

“Ki kyntait ban wan phai sha nga, bad kumta ki dei ban leit phai sha Ijipt, bad ki nong Assyria kin synshar halor jong ki.

JOEL 1:4

Ki kynhun jong ki puit, kawei hadien kawei ki la hiar halor ki jingthung; kaei kaba kawei ka kynhun ka la iehnoh, kawei pat ka kynhun ka bam duh.

JOEL 1:7

Ki la pynjot ïa ki brisoh jong ngi bad ki la ktha lut ïa ki dieng Dumbur jong ngi. Ki la bam lut ïa ki snep dieng, haduh bad ki tnat ki la kylla lieh.

JOEL 2:25

Ngan ai pat ha phi ïa kaei kaba phi la duh noh ha ki snem mynba ki kynhun jong ki puit ki la bam ïa ki jingthung jong phi. Dei ma nga uba la phah ïa kane ka kynhun pyrshah ïa phi.

AMOS 4:6

“Dei ma nga uba la wallam ïa ka jingïapthngan ha ki nongbah jong phi baroh, pynban phim shym la wan phai pat sha nga.

AMOS 4:8

Ha ka jingtlot namar ka jingsliang, ki briew jong kiba bun ki nongbah ki la leit sha ka nongbah kaba ki kyrmen ban ïoh um, hynrei kim ïoh ka umdih ka ban biang. Katta ruh phim shym la wan phai pat sha nga.

HABAKKUK 3:17

Wat la ki dieng Dumbur kim don soh bad ym don sohwaiñ ba mih ha ki dieng sohwaiñ, wat la u dieng Olib um sei ei ei bad ki lyngkha kim pynmih kew, wat la ki langbrot baroh ki ïap bad ki sem masi ki thylli,

HAGGAI 2:17

Nga la phah ïa ki lyer ba-tyrkhong bad u phria ban pynjot ïa baroh kiba phi pyrshang ban thung, hynrei phim kylla-kaba-mut hi.

MALAKHI 3:11

Ngan ym shah ïa ki khñiang ban pynjot ïa ki jingthung jingtep jong phi, bad ki dieng sohwaiñ jong phi kin dap da ki sohwaiñ.

DEUTERONOMI 28:22

U Trai un shoh ïa phi da ka jingkhrew, da ka khieshoh, da ka jingat thung, bad da ka jingshit kyr-ang; un phah ruh ïa ka jingryngkhiang, ki lyer khluit, ban pynjot ïa ki jingthung jong phi. Kine ki jingpynjot kin ïailong bad phi haduh ba phin da ïap.

DEUTERONOMI 28:42

Ki khñiang kin bam duh ïa ki dieng bad ki jingthung jong phi baroh.