AMOS 4:7 - Khasi CL Bible (BSI)

⁷ Nga la khang ïa u slap haba ki jingthung ki dang donkam eh ïa u. Nga la pynhap slap ha kawei ka nongbah, hynrei ym ha kawei pat. U slap u la hap ha kawei ka lyngkha hynrei kawei pat ka lyngkha ka la tyrkhong.

KA BAIBL

⁷ “Bad nga la khang ruh ïa u slap na phi, haba dang don lai bnai haduh ka aïom ot: bad nga la pynhap slap ha kawei ka nongbah, bad nga la pynlong ban ym hap slap ha kawei pat ka nongbah. Kawei ka bynta ka la ïoh slap, te kata ka bynta ka bym shym ïoh slap ka la ïap tyrkhong.

AMOS 4:7 ပူးပေါင်းရင်းမြစ်များ

EKSODOS 10:22

U Moses u rah ïa la ka kti shajrong, bad kumta ka ri Ijipt baroh kawei ka la dum ngaiñ lai sngi lynter.

EKSODOS 10:23

Ki nong Ijipt kim ïohi shuh parabriew, bad ym don uwei ruh uba mih na la ïing ha kita ki sngi. Hynrei ha ka jaka ba ki Israel ki shong, ka don ka jingshai.

EKSODOS 8:22

Hynrei ngan pyllait ïa ka ri Goshen, ha kaba ki briew jong nga ki shong, ba kumta yn ym don skain hangta. Ngan leh ïa kane ba men tip ba nga U Trai nga trei ha kane ka ri.

EKSODOS 9:26

Ka thain Goshen, ha kaba ki Israel ki shong ki sah, ka long tang ma ka, ka jaka ha kaba u phria um shym hap.

EKSODOS 9:4

Ngan pynïapher ïa ki jingri jong ki Israel na ki jong ki nong Ijipt, bad kumta yn ym don wat kawei ruh ka jingri ki Israel ka ban ïap noh.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 14:3

Ki briew bariewspah ki phah ïa la ki shakri ban tong um; ki leit sha ki thliew pynlang um, hynrei kim shem um; ki wan phai pat bad ki khra thylli. Ki la noh mynsiem bad shaïong jingmut, ki buhrieh ïa la ki durkhmat.

JEREMAÏAH 14:4

Namar bym don slap bad ba ka khyndew ka la tyrkhong ki nongrep ki pang ka dohnud; ki buhrieh ïa la ki durkhmat.

JEREMAÏAH 3:3

Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

JOEL 2:23

“To lehkmen, ko ki briew ka Seïon, to shadkmen ha kaei kaba U Trai U Blei jong phi u la leh ïa phi. U la ai ïa phi ïa u slap synrai uba biang; u la theh ïa u slap tlang na ka bynta jong phi bad ïa u slap pyrem kumba mynshuwa.

SEKHARAÏAH 14:17

Lada kano kano ka jaitbynriew ka kyntait ban leit bad mane ïa U Trai Badonbor Baroh kum u syiem, te u slap un ym hap ha ka ri jong ki.

ÏOANNIS 4:35

Phi don ka jingong, ‘Sa saw bnai bad nangta pat ka aïom ot.’ Hynrei nga ong ïa phi, to da khmih ïa ki lyngkha; ki jingthung mynta ki la ih bad ki la dei ban ot!

1 KORINTH 4:7

Uei uba pynlong ïa phi ban sngew kham halor ïa kiwei pat? Hato ym dei U Blei uba la ai ha phi baroh kaba phi don? Kumta, te, kumno phi lah ban sngewsarong, kumba kaei kaba phi don, kam dei ka jingai sngewbha?

DEUTERONOMI 11:17

Lada phi leh kumta, U Trai un khie bitar ïa phi. Un khang khop ïa u slap, bad ka khyndew jong phi kan tyrkhong eh ba ki jingthung kin ym mih shuh. Te phin sa ïap shen hangta, wat la kata ka khyndew kaba u ai ha phi ka long kaba seisoh.

JAKOB 5:17

U Elijah u la long u briew kum ma ngi. U la duwai shitrhem ba kan ym hap slap, bad ym shym la hap slap halor ka khyndew haduh lai snem shiteng.

JINGPYNPAW 11:6

Ki don ka bor ban set ïa ka sahit bneng ba yn ym hap slap ha ka por ba ki pynbna ïa ka khubor U Blei. Ki don ka bor ruh halor ki pukri um, ban pynkylla snam ïa ki; ki don ka bor ruh ban shoh ïa ka khyndew da kano kano ka jait khlam katba shong ka mon jong ki.