AMOS 4:13 - Khasi CL Bible (BSI)

¹³ U Blei u long uta uba la thaw ïa ki lumbah bad uba pynlong ïa ki lyer. U pynpaw ïa la ki jingmut ha u briew; u pynkylla ïa ka sngi sha ka miet. U ïaid ha kiba kynjang jong ka pyrthei. Kane ka long ka kyrteng jong u: U Trai U Blei Badonbor Baroh!

KA BAIBL

¹³ Naba, ha khmih, uta uba shna ïa ki lum, bad uba thaw ïa ka lyer, bad uba ïathuh ha u briew kaei ka jingmut jong u, uba pynlong dum ïa ka step, bad uba ïuh halor ki jaka bajrong jong ka khyndew; “U Trai, U Blei ki paid” long ka kyrteng jong u.

AMOS 4:13 ပူးပေါင်းရင်းမြစ်များ

Ka Kitab U Job 9:7

U lah ban khang ïa ka sngi ba kan mih, bad ïa ki khlur ban tyngshaiñ mynmiet.

SALM 135:7

U wanrah ïa ki lyoh 'erïong na kiba kut ka pyrthei; u pynlong leilieh ïa ki 'erïong, bad u wanrah shabar ïa ka lyer na la ka jaka buh.

SALM 139:2

Me tip ïa kiei kiei baroh kiba nga leh; na jngai bah me sngewthuh ïa ki jingmut jong nga baroh.

SALM 147:18

Hadien pat u ai ka hukum, bad u thah u um; u phah ïa ka lyer, bad ka um ka tuid.

SALM 65:6

Me la buh ïa ki lumbah ha la ka jaka da ka jingkhlaiñ jong me, da kaba pyn-i ïa ka borbah jong me.

EKSODOS 10:22

U Moses u rah ïa la ka kti shajrong, bad kumta ka ri Ijipt baroh kawei ka la dum ngaiñ lai sngi lynter.

EKSODOS 14:20

U lyoh u wanrah jingdum ïa ki nong Ijipt, hynrei u ai jingshai ïa ki Israel, bad kumta baroh shi miet ki paidïapom kim shym ïawan jan para ma ki.

ISAÏAH 40:12

Don uno uno uba lah ban thew ïa ka duriaw-bah da ki lynghoh kti lane ban thew ïa ka sahit bneng da ki kti jong u? Don uno uno uba lah ban bat ïa ka khyndew jong ka pyrthei ha ka khuri lane thew ïa ki lumbah bad lumrit ha ki tarajur?

ISAÏAH 45:7

Nga thaw ïa ka jingshai bad ïa ka jingdum; nga wanrah ka jingkyrkhu bad ka jingjot. Ma nga, U Trai, nga leh ïa kine kiei kiei baroh.

ISAÏAH 47:4

U Blei Bakhuid jong ki Israel u pyllaitluid ïa ngi — ka kyrteng jong u ka long U Trai Badonbor Baroh.

ISAÏAH 48:2

Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

ISAÏAH 5:30

Haba kata ka sngi ka poi, kin kyrhuh halor ka Israel da kaba jam kum ka duriaw. Ha khmih ïa kane ka ri! Ka jingdum bad ka jinglyng-a! Ïa ka jingshai la nguid da ka jingdum.

JEREMAÏAH 10:13

Ha ka hukum jong u ki um shalor jong ka suiñbneng ki kyrhuh; u wallam ïa ki lyoh na kiba kut jong ka pyrthei. U pynlong ïa ka leilieh ban thaba ha u slap bad u phah ïa ka lyer na ka kamra buh tiar jong u.

JEREMAÏAH 10:16

U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

JEREMAÏAH 13:16

To pyndonburom ïa U Trai, U Blei jong phi, ha shuwa ba un wallam ïa ka jingdum, bad ba phi jynthut halor ki lumbah; ha shuwa ba un pynkylla sha ka jingdum synñia ïa ka jingshai kaba phi la kyrmen.

JEREMAÏAH 46:18

Ma nga, U Trai Badonbor Baroh, nga long u syiem. Nga long U Blei Uba im. Kumba u lum Tabor u ïeng kynjang tam ïa ki lum bad u lum Karmel u ïeng hajrong tam ïa ka duriaw, kumta kan long ka jingkhlaiñ jong uta uba tur ïaleh ïa me.

JEREMAÏAH 51:16

Ha ka hukum jong u ki um halor ka suiñbneng ki kyrhuh; u wallam ïa ki lyoh na kiba kut ka khyndew. U pynlong ïa ka leilieh ban thaba ha u slap bad u phah ïa ka lyer na ka kamra jingkynshew jong u.

JEREMAÏAH 51:19

U Blei u Jakob um long kum ma ki; dei tang ma u uba la thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

DANIEL 2:28

Hynrei don U Blei ha bneng, uba pynpaw ïa ki jingmaïan. U la pyntip ïa u Syiem Kynrad kaei ka ban jia ha ka lawei. Mynta ngan ïathuh ha phi ïa ka jingphohsniew, ka jingïohipaw kaba phi lah ïoh mynba phi dang ïohthiah.

DANIEL 2:30

Mynta, ïa kane ka jingmaïan la pynpaw ha nga, ym namar ba nga kham stad ban ïa uno uno uwei pat, hynrei khnang ba u Syiem Kynrad u lah ban ïoh tip ïa ka jingmut jong ka jingphohsniew jong phi bad shemphang ïa ki jingpyrkhat kiba la wan ha phi.

HOSIA 12:6

Kumta mynta, ko ki khun ki ksiew u Jakob, shaniah ha U Blei jong phi bad wan phai pat sha u. Long kiba ïaineh bad kiba lehhok, bad ap da kaba ïaishah ïa U Blei jong phi ban leh.

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

AMOS 3:13

“To shahshkor mynta, bad maham ïa ki khun ki ksiew u Jakob,” ong U Trai Nongsynshar Badonbor Baroh,

AMOS 5:27

haba ngan ïalam ïa phi sha ka jinglongmraw sha ka ri sha lyndet ka Damaskos,” ong U Trai, uba ka kyrteng jong u ka long U Blei Badonbor Baroh.

AMOS 5:8

U Trai u la thaw ïa ki khlur, ki Pleïades bad Orion, u pynkylla ïa ka jingdum sha ka jingshai mynsngi, bad ïa ka sngi sha ka miet. U khot na ka bynta ki um jong ka duriaw bad theh ïa ki ha sla khyndew. Ka kyrteng jong u ka dei U Trai.

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

AMOS 8:9

Ka por ka poi haba ngan pynlong ïa ka sngi ba kan sep noh hamar shiteng sngi, bad ïa ka pyrthei ban dum ha ka por mynsngi. Ma nga, U Trai Nongsynshar, nga la kren.

AMOS 9:6

U Trai u tei ïa ka ïing jong u ha ki bneng, bad halor ka khyndew u buh ka jingtei jong ka sahit bneng. U khot ïa ki um ka duriaw bad u theh ïa ki ha sla pyrthei. Ka kyrteng jong u ka long U Trai!

MIKAH 1:3

U Trai u wan mih na ka jaka bakhuid jong u; un wan hiar bad ïaid ha kliar jong ki lumbah.

HABAKKUK 3:19

U Trai Nongsynshar u ai ha nga ka jingkhlaiñ. U pynlong ïa nga uba skhem ki kjat kum ka skei bad u sumar ïa nga halor ki lumbah.

SEKHARAÏAH 12:1

Kane ka dei ka khubor shaphang ka Israel na U Trai, U Trai uba la pyiar ïa ka suiñbneng, uba la thaw ïa ka pyrthei, bad uba la ai jingim ïa u briew. U ong,

MATHAÏOS 9:4

U Jisu u la tip ïa kaei kaba ki pyrkhat, kumta u la ong, “Balei phi ïa-pyrkhat ïa kine kiei kiei kiba sniew?

ÏOANNIS 2:25

Ym da donkam mano mano ban ïathuh ha u shaphang jong ki, namar u hi u la tip kaei kaba don ha ka dohnud jong ki.

ÏOANNIS 3:8

Ka lyer ka beh kat sha kaba ka mon; me ïohsngew ïa ka jingsawa ba ka pynmih, hynrei mem tip nangno ba ka wan lane shaei ba ka leit. Ka long kumta ïa uwei pa uwei ïa uba la kha na U Mynsiem.”

DEUTERONOMI 32:13

“U ai ba kin synshar ïa ki ri lum, bad ki bam ïa ki jingmih na ki lyngkha. Hapdeng ki mawsiang ki lap ïa ka ngap; ki diengsoh Olib jong ki, ki san ki plung ha ki jaka maw.

DEUTERONOMI 33:29

Suk shisha ma pha, ko Israel! ym don kaba kum ma pha, ka jaitbynriew ba la pyllait im da U Trai. U Trai hi u long ka stieh bad ka waitlam jong pha, ban ïada ïa pha bad ai ha pha ka jingjop. Ki nongshun jong pha kin wan dem wan nguh ïa pha, bad phan sa ïuhroit ïa ki.