AMOS 4:12 - Khasi CL Bible (BSI)

¹² “Kumta te, ko ki paid Israel, ngan pynshitom ïa phi. Bad namar ba ngan leh ïa kane, to pynkhreh ban mad ïa ka jingbishar jong nga!”

KA BAIBL

¹² “Namar kata, kumne ngan leh ïa me, ko Israel: bad namar ba ngan leh ïa kane ha me, to khreh ban ïakynduh bad U Blei jong me, ko Israel.”

AMOS 4:12 ပူးပေါင်းရင်းမြစ်များ

ISAÏAH 32:11

Phi la ju im suk, phim don ki jingkhuslai; hynrei mynta, to khynñiuh da ka jingsheptieng! To loit ïa la ki jaiñ bad teh da ki jaiñjot sawdong ïa la ka syngkai.

ISAÏAH 47:3

Ki briew kin ïohi ba pha long kaba lyngkhuit; kin ïohi ba la pynrit bad pynlehrain ïa pha. Ngan pynhiarkput, bad yn ym don ba lah ban pynsangeh ïa nga.”

ISAÏAH 64:2

Kin khynñiuh kum ka um ba dang shet halor ka ding kaba khluit. Ale bad pynpaw ïa ka bor jong me ha ki nongshun jong me, bad pynlong ïa ki jaitbynriew ban khynñiuh ha khmat jong me!

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

ESEKIEL 13:5

Kim sumar ïa ki jaka ha kaba ki kynroh ki la khyllem, lymne ba ki tei pat ïa ki kynroh, bad kumta ym lah ban ïada ïa ka Israel haba wan ka thma ha ka sngi ka jong U Trai.

ESEKIEL 22:30

Nga wad ïa uno uno uba lah ban tei ïa ka kynroh, uba lah ban ïeng ha ki jaka ha kaba ki kynroh ki twa bad ban ïada ïa ka ri haba ka jingbitar jong nga ka la jan ban pynjot ïa ka, hynrei ngam shem ïano ïano ruh.

HOSIA 13:8

Ngan tur ïaleh ïa phi kum ka dngiem kaba la duh ïa la ki khun, bad ngan tar arliang ïa phi. Kum u sing ngan bam ïa phi hangta hi, bad ngan tar ïa phi lyngkhot lyngkhai kum u mradkhlaw.

AMOS 2:14

Wat ki nongmareh stet kin ym lait im, ki rangbah kiba khlaiñ kin duh ïa la ka bor, bad ki shipai kin ym lah wat ban pyllait ïa la ka jong ka jingim.

MATHAÏOS 24:44

Kumta te, phi dei ban long kiba ïai pynkhreh, namar ba U Khun U Briew un wan ha ka kynta kaba phim shym khmih lynti ïa u.

MATHAÏOS 5:25

“Lada uno uno u wallam ka jingmudui pyrshah ïa phi bad ïalam ïa phi sha ka ïingbishar, to ïapynbeit noh ïa ka jingïakajia bad u katba dang don ka por ha shuwa ba phin poi sha ka ïingbishar. Shisien ba phi la don hangta, un aiti ïa phi sha u nongbishar, u ban aiti ïa phi sha u pulit, bad un set ïa phi ha ka ïingbyndi.

JINGPYNPAW 3:3

Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.