AMOS 4:11 - Khasi CL Bible (BSI)

¹¹ “Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

KA BAIBL

¹¹ “Nga la pynkyllon ïa kiba na phi kumba U Blei u la pynkyllon ïa ka Sodom bad ka Gomorra, bad phi, phi la long kum ka dieng tyllaw ba la weng noh na ka jinging; pynban, phim shym la phai sha nga,” ong U Trai.

AMOS 4:11 ပူးပေါင်းရင်းမြစ်များ

ISAÏAH 13:19

Ka Babilonia ka dei ka hima kaba itynnat tam na baroh, ka dei ka jingsngew sarong jong ki briew jong ka. Hynrei ma nga, U Trai, ngan pynkhyllem ïa ka Babilon kumba nga la leh ïa ka Sodom bad ka Gomorrah!

ISAÏAH 7:4

Ong ïa u ban da husiar, ban long jai jai, bad ban ym sheptieng lane khih jingmut. Ka jingbitar u Syiem Resin bad ki Syria jong u bad ka jong u Syiem Pekah kam long shuh kaba don jingma ban ïa ka tdem jong ki ar tylli ki shynraiñ dieng kiba don ding.

ISAÏAH 9:12

Ka Syria ha ka phang mihngi bad ka Philistia ha ka phang sepngi ki la ang la ka shyntur ban bam ïa ka Israel. Pynban la katta ruh ïa ka jingbitar jong U Trai ym shym pynkut; ka kti jong u ka dang kner ban pynshitom.

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 49:18

Kajuh hi kan jia ïa ka Edom kumba ka la jia ïa ka Sodom bad Gomorrah, mynba ïa ki bad ïa ki shnong ba-marjan la pynjot. Yn ym don ban sah biang hangta. Ma nga, U Trai, nga la kren.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 50:40

Kajuh kaei kaei kan jia ïa ka Babilon kumba ka la jia ïa ka Sodom bad Gomorrah, haba nga la pynjot ïa ki bad ïa ki shnong kiba marjan. Yn ym don ba shong shuh hangta. Ma nga, U Trai, nga la kren.

ESEKIEL 24:13

Ko Jerusalem, ki jingleh awria jong pha ki la pyntngit ïa pha. Wat la nga la pyrshang ban pynkhuid ïa pha, pha ïaisah ha ka jingtngit. Phan ym long khuid pat haduh ba phan da mad lut ïa ka jingbitar shla jong nga.

HOSIA 11:5

“Ki kyntait ban wan phai sha nga, bad kumta ki dei ban leit phai sha Ijipt, bad ki nong Assyria kin synshar halor jong ki.

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

AMOS 4:6

“Dei ma nga uba la wallam ïa ka jingïapthngan ha ki nongbah jong phi baroh, pynban phim shym la wan phai pat sha nga.

HAGGAI 2:17

Nga la phah ïa ki lyer ba-tyrkhong bad u phria ban pynjot ïa baroh kiba phi pyrshang ban thung, hynrei phim kylla-kaba-mut hi.

SEKHARAÏAH 3:2

U angel jong U Trai u la ong ha u Soitan, “To U Trai un pynrem ïa me, ko Soitan! To U Trai, uba ieit ïa ka Jerusalem, un pynrem ïa me. Une u briew u long kum u dieng ïa uba la sei noh na ka ding.”

Ka Shithi U Paul Sha Ki Nong Rom 9:29

Ka long kumba u Isaïah u la lah ong mynshuwa, “Lada U Trai Badonbor Baroh um shym la ieh ïa ngi katto katne kiba hiarpateng, ngin jin da la long kum ka Sodom, ngin jin da la long kum ka Gomorrah.”

1 KORINTH 3:15

Hynrei lada ïa ka jingtrei jong uno uno la thang duh noh, uta un duh ïa ka, hynrei ma u hi un ïohlait im, kumba u la lait im lyngba ka ding.

DEUTERONOMI 28:24

Ha ka jaka u slap, U Trai un pynkhie ka 'erïong pui pui bad ka 'erïong shyiap haduh ba phin da jot thiaw.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

2 PETROS 2:6

U Blei u la pynrem ïa ki nongbah ka Sodom bad ka Gomorrah, da kaba pynjot ïa ki da ka ding, bad u la pynlong ïa ki ka nongmuna jong kaei ka ban jia ha ki bymtip Blei.

JUDAH 1:23

to pyllait im ïa kiwei, da kaba knieh kynthet ïa ki na ka ding; bad ïa kiwei pat, to isynei da ka jingsheptieng, hynrei to da isih ïa ki jaiñphong jong ki hi, kiba la bit tngit da ki jingkwah brai bapop.

JUDAH 1:7

To kynmaw ïa ka Sodom bad Gomorrah, bad ki shnong ba-marjan, ha kaba ki briew ki leh kumba la leh kito ki angel bad ki kyrsum ha ki jingleh nuti bad bajakhlia: Ki shah ïa ka jingpynshitom ha ka ding bymjukut kum ka jingmaham ïa baroh.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.