AMOS 4:10 - Khasi CL Bible (BSI)

¹⁰ “Nga la phah ïa ka khlam ha phi kum kata kaba nga la phah ha Ijipt. Nga la pynïap ïa ki samla shynrang jong phi ha ka thma bad nga la knieh noh ïa ki kulai jong phi. Nga la pyndap ïa ki thliew khmut jong phi da ka jingiwtung ki metïap ha ki jaka shong dara jong phi. Katta ruh phim shym la wan phai pat sha nga.

KA BAIBL

¹⁰ “Nga la phah hapdeng jong phi da ka jingïapkhlam kum ka rukom ka Ijipt: ïa ki samla shynrang jong phi nga la pynïap da ka waitlam, bad nga la rah noh ïa ki kulai jong phi; bad ïa ka jingiwkhong ka jaka shong dara jong phi nga la pynkiew haduh ki thliew khmut jong phi: pynban, phim shym phai sha nga,” ong U Trai.

AMOS 4:10 ပူးပေါင်းရင်းမြစ်များ

2 SYIEM 10:32

Ha kata ka por U Trai u la sdang ban pynrit ïa ka jingheh jong ka ri Israel. U Hasael u syiem ka Syria u la hiarthma ïa baroh ka ri Israel kaba sha mihngi jong ka Jordan

2 SYIEM 13:3

Kumta U Trai u bitar ïa ki Israel, bad u shah ïa u Hasael u syiem ka Syria bad u khun jong u, u Benhadad ban jop ïa ki Israel na ka por sha ka por.

2 SYIEM 13:7

U Jehoahas um don ki shipai kieng atiar kiba dang sah, lait sa tang ki sanphew ngut ki shipai shong kulai, shiphew tylli ki kali ïapom, bad shiphew hajar ngut ki shipai ïaid kjat, namar u syiem ka Syria u la pynjot ïa kiwei, da kaba ïuh halor jong ki kum ïa u pui pui.

2 SYIEM 8:12

“Balei kynrad phi ïam?” u Hasael u kylli. U Elisha u jubab, “Namar ba nga tip ïa kiei kiei kiba shyrkhei kiba men leh pyrshah ïa ki paid Israel.” “Men sa wiang ding ïa ki kut jong ki, men sa pynïap ïa ki rangsamla bakynsai jong ki, men sa lynthaw ïa ki khun rit jong ki ha ban da ïap, bad men sa patar ïa ki kynthei jong ki kiba armet.”

EKSODOS 10:27

U Trai u la pynmutlop ïa u Pharaoh, bad um shym la shah ïa ki ban leit.

EKSODOS 10:3

Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

EKSODOS 8:19

Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

EKSODOS 9:12

Hynrei U Trai u la pynmutlop ïa u Pharaoh bad, kumba u la lah ong, u Pharaoh um shym shahshkor ïa u Moses bad u Aaron.

EKSODOS 9:17

Pynban me dang sngew hangamei, bad me kyntait ban pyllait ïa ki briew jong nga.

ISAÏAH 34:3

Yn ym tep ïa ki metïap jong ki, hynrei kin pyut hangta bad kin iwtung; bad ki lumbah kin saw da ka snam.

ISAÏAH 50:11

Phi baroh kiba ïasylla ban pynjot ïa kiwei yn pynjot ïa phi ha ki jingsylla jong phi hi. U Trai da lade hi un pynjia ïa kane; phin shahshitom ha ka jingkordit.

ISAÏAH 9:12

Ka Syria ha ka phang mihngi bad ka Philistia ha ka phang sepngi ki la ang la ka shyntur ban bam ïa ka Israel. Pynban la katta ruh ïa ka jingbitar jong U Trai ym shym pynkut; ka kti jong u ka dang kner ban pynshitom.

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

ISAÏAH 9:17

Bad kumta U Trai un ym shah ba uno uno u samla un lait phet, bad un ym pyn-i ka jingisynei ïano ïano na ki riewkynthei bad ki khunswet, namar baroh ki briew ki long kiba khlem blei bad bymman bad kaei kaei baroh kaba ki ong ka long kaba sniew. Pynban la katta ruh ïa ka jingbitar jong U Trai yn ym pynkut, hynrei ka kti jong u kan dang ïai kner ban pynshitom.

JEREMAÏAH 11:22

Kumta U Trai Badonbor Baroh u la ong, “Ngan pynshitom ïa ki! Ki samla shynrang jong ki kin shah pynïap ha ka thma; ki khun jong ki kin ïapthngan.

JEREMAÏAH 15:3

Ma nga, U Trai, nga la kut jingmut ba saw tylli kiei kiei kiba shyrkhei kin jia ha ki: kin shah pynïap ha ka thma; ïa ki met jong ki yn patan noh da ki ksew; ki sim kin bam ïa ki, bad ki mradkhlaw kin bam ïa kaei kaba sah.

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

JEREMAÏAH 48:15

Ïa ka Moab bad ïa ki nongbah jong ka la pynjot, ïa ki samla shynrang bakynsai tam la pynïap. Nga long u syiem, U Trai Badonbor Baroh, bad nga la kren.

JEREMAÏAH 49:26

Ha kata ka sngi ïa ki samla shynrang yn pynïap ha ki lynti bah jong ka nongbah, bad ïa ki shipai jong ka baroh yn pynjot.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 6:11

Ka jingbitar jong me pyrshah ïa ki ka pluh ruh hapoh jong nga, A Trai, bad ngam lah ban kun slem shuh ïa ka.” Nangta U Trai u la ong ha nga, “To theh noh ïa ka jingbitar jong nga halor ki khynnah ha ki surok bad ha ki jingïalang jong ki samla shynrang. Ïa ki rangbah bad ki tnga jong ki yn shim noh, bad wat ïa kiba tymmen tam yn ym pynsah.

JEREMAÏAH 9:22

Ki metïap ki la saphriang ha kylleng, kum ki kynton sboh halor ki lyngkha, kum u riewhadem ba la ot bad iehnoh da ki nongot, u riewhadem u bym don mano mano ba lum. Kane ka long kaei kaba U Trai u la bthah ïa nga ban ong.”

HOSIA 11:5

“Ki kyntait ban wan phai sha nga, bad kumta ki dei ban leit phai sha Ijipt, bad ki nong Assyria kin synshar halor jong ki.

JOEL 2:20

Ngan weng ïa ka kynhun ki puit kaba la wan na shaphang shatei bad ngan pynphai katto katne na ki sha ka ri shyiap. Kito kiba don ha ki bynta ba ha khmat kin shah beh sha ka Duriaw Baïap, kito kiba don ha ka bynta ba hadien sha ka Duriaw Mediterranian. Ki metïap jong ki kin iwtung. Ngan pynjot ïa ki namar baroh kaba ki la leh ïa phi.

LEBITIKOS 26:16

Ngan pynngat ha phi ïa ka jingjynjar — ki jingpang bym lah pynkhiah, bad ki jingpang shit ki ban pynmatlah ïa phi bad ban pynlong ïa ka jingim jong phi ban sep-ei. Phin bet ïa u symbai, hynrei um myntoi ïa phi, naba ki nongshun jong phi kin jop ïa phi bad kin bam ïa kaba phi la thung.

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

AMOS 4:6

“Dei ma nga uba la wallam ïa ka jingïapthngan ha ki nongbah jong phi baroh, pynban phim shym la wan phai pat sha nga.

AMOS 8:3

Ha kata ka sngi, ki jingrwai ha ka ïingsyiem kin kylla long ki jinglynñiar ka jingïambriew. Ki metïap kin don kylleng sawdong. Kin sa shah bret noh ha ka jingjar jar.”

HAGGAI 2:17

Nga la phah ïa ki lyer ba-tyrkhong bad u phria ban pynjot ïa baroh kiba phi pyrshang ban thung, hynrei phim kylla-kaba-mut hi.

DEUTERONOMI 28:21

Un phah ha phi ïa ka jingpang kawei hadien kawei haduh ba yn ym don shuh uwei ruh na phi u ban lait im ha kata ka ri kaba phin sa ïohkynti.

DEUTERONOMI 28:22

U Trai un shoh ïa phi da ka jingkhrew, da ka khieshoh, da ka jingat thung, bad da ka jingshit kyr-ang; un phah ruh ïa ka jingryngkhiang, ki lyer khluit, ban pynjot ïa ki jingthung jong phi. Kine ki jingpynjot kin ïailong bad phi haduh ba phin da ïap.

DEUTERONOMI 28:60

Un pynngat ha phi sa shisien ïa ki jingpang kiba sngewshyrkhei, kiba phi la mad ha Ijipt, bad phin ym ïohkhiah.

DEUTERONOMI 7:15

U Trai un pyllait ïa phi na ka jait jingpang baroh, bad un ym pynngat ha phi wat tang kawei ruh na ki jingpang kiba sngewtriem ba phi la mad ha ka ri Ijipt, hynrei un pynngat ïa ki ha ki nongshun jong phi.