AMOS 4:1 - Khasi CL Bible (BSI)

¹ To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

KA BAIBL

¹ “To sngew ïa kane ka ktien, phi ki masi ka Bashan, kiba shong ha u lum Samaria, kiba lehbeiñ ïa u baduk, kiba khñiot ïa u bakyrduh, kiba ong ha ki trai jong ki, ‘Wallam, bad to ngin ïadih.’

AMOS 4:1 ပူးပေါင်းရင်းမြစ်များ

1 SYIEM 16:24

bad nangta u thied ïa u lum ka Samaria da hynriew hajar ki sbai rupa na u briew uba kyrteng u Shemer. U Omri u la tei ka kut ïa u lum, u tei ka shnong hangta, bad u khot kyrteng ïa ka, ka Samaria, da kaba pynbud ïa ka kyrteng u Shemer, u trai ba-mynshuwa jong uta u lum.

Ka Kitab U Job 20:19

namar u la banbeiñ bad leh bymsuidñiew ïa kiba duk bad ba u knieh noh ïa ki ïing kiba kiwei ki la thaw,

Ka Kitab U Job 24:4

Ki khanglad ïa kiba duk ba kin ïoh ïa ki hok jong ki bad pynbor ïa kiba kyrduh ban phet rieh.

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 140:12

A Trai, nga tip ba me kyrshan na ka bynta kiba duk bad ïa ki hok jong kiba kyrduh.

SALM 22:12

Shibun ki nongshun ki kerkut ïa nga kum ki masi kyrtong; ki don baroh sawdong jong nga, kum ki masi kyrtong ba-itieng na ka ri Bashan.

PROBERB 22:7

Ki briew kiba duk ki long ki mraw jong u briew bariewspah, pan kylliang pisa bad phin long u mraw jong u nongai ram.

EKLESIASTIS 4:1

Nangta nga la khmih biang ha baroh ki jingbymlehhok kaba trei ha kane ka pyrthei. Kiba la shah banbeiñ ki lynñiar, bad ym don mano mano ban ïarap ïa ki. Ym don mano mano ban ïarap ïa ki namar ki nongbanbeiñ jong ki, ki don ka bor ha ka liang jong ki.

EKLESIASTIS 5:8

Wat lyngngoh haba phi ïohi ba ka sorkar ka banbeiñ ïa kiba duk bad kam ai ha ki ïa ka jinglehhok bad ïa ki hok jong ki. Ïa uwei pa uwei u rangbah synshar la ïada da uno uno uba kham halor bad ïa baroh ar la ïada da ki rangbah synshar kiba kham halor.

ISAÏAH 28:1

Ka hima Israel ka la kut! Ka burom jong ka, ka la jah kum ki pansngiat syntiew ha ki khlieh jong ki nongïalam buaid. Ïa ki khlieh basarong jong ki la pyniwbih bha, hynrei hangta ki ïathiah, ki buaid bhor.

ISAÏAH 5:8

Phi long kiba la tim. Phi thied bun tylli ki ïing bad ki lyngkha ban bynrap shuh shuh ïa kito kiba phi la don lypa. Shen yn ym don jaka ïano ïano pat ban shong ban sah bad tang ma phi hi phin shong ha ka ri.

ISAÏAH 56:12

‘Ïa ngin ïawad waiñ khyndiat,’ kine ki nongdih kyiad ki ong, ‘bad dih katba ngi lah! Lashai kan kham palat ban ïa kaba mynta!’ ”

ISAÏAH 58:6

“Ka rukom shah jingit kaba nga kwah ka dei kane: Pynduh noh ïa ki kynjri ka jingbanbeiñ bad ka lyngkor ka jingbymhok, bad ai ba kiba la shah banbeiñ kin ïoh laitluid.

JEREMAÏAH 50:11

U Trai u ong, “Ko ki paid ka Babilonia, phi la lute ïa ka jaitbynriew jong nga. Phi kmen bad phi sngewbha, phi da leh kum ka masi ba ïaid haba shoh kba ne kum u kulai uba pah,

JEREMAÏAH 50:27

Pynïap ïa ki shipai jong ki baroh! Mait ïa ki! Ki briew ka Babilonia ki la kordit! Ka por ka la poi ïa ki ban shah pynshitom!”

JEREMAÏAH 51:34

U syiem ka Babilonia u la pynkut ïa ka Jerusalem bad bam ïa ka. U pynthylli ïa ka nongbah kum ïa u khra; kum u mrad kynsha u la nguid ïa ka. U la shim kat ïa kaba u kwah bad bret noh ïa kiba sah.

JEREMAÏAH 6:6

U Trai Badonbor Baroh u la hukum ïa kine ki syiem ban khet ïa ki dieng bad ban shna ki kynton khnang ban kerkut ïa ka Jerusalem. U la ong, “Ngan pynshitom ïa kane ka nongbah namar ka la dap da ka jingbanbeiñ.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

ESEKIEL 18:12

U shukor ïa kiba duk, u lute, u bat noh ïa kaei kaba u nongshim ram u ai ha u kum ka bynda. U leit sha ki jaka mane blei thala, da kaba mane ïa ki bleithaw ba-ijli,

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

ESEKIEL 22:27

Ki rangbah sorkar ki long kum ki suri kiba patar lyngkhot ïa ki mrad ba ki la pynïap. Ki pynïap briew ba kin ïoh riewspah.

ESEKIEL 22:29

Kiba riewspah ki shukor bad ki lute. Ki leh bymdei ïa kiba duk bad ki shim kabu ïa ki nongwei.

ESEKIEL 22:7

Ym don uwei ruh ha ka nongbah uba burom ïa la ki kmie ki kpa. Phi shukor ïa ki nongwei bad shim kabu ïa ki riewkynthei bad ki khunswet.

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

ESEKIEL 39:18

Ki dei ban bam ïa ki met jong ki shipai bad dih ïa ka snam jong ki nongsynshar ka pyrthei, ïa ki baroh yn pynïap kumba pynïap ïa ki langbrot shynrang ne ki khunlangbrot ne ki blang ne ki masi dab kiba sngaid.

JOEL 3:3

Ki la kynting sbai ban rai mano ki ban ïoh ïa ki koidi. Ki la die mraw ïa ki khynnah shynrang bad khynnah kynthei ban siew na ka bynta ki nuti bad ka waiñ.

AMOS 3:1

Ko ki paid Israel, to sngew ïa kane ka khubor kaba U Trai u la kren shaphang jong phi, ka jaitbynriew baroh kawei kaba u la wan ïalam na ka ri Ijipt;

AMOS 3:3

Hato ar ngut ki briew ki ju sdang ïaleit jingleit lang khlem da pynkhreh ban ïakynduh?

AMOS 5:11

Phi la banbeiñ ïa kiba duk bad la shim jubor na ki ïa u kew jong ki. Bad kumta phin ym ïoh sah ha ki ïing maw ba-itynnat ba phi la tei lane dih waiñ na ki bri sohwaiñ kiba itynnat ba phi la thung.

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

AMOS 6:6

Phi dih waiñ na ki khuri ba-dap, bad phi pyndonkam da ki jingsleh kiba kynsai tam, hynrei phim shym ïam sngewsih halor ka jingshah pynjot ki Israel.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

JINGKHEIÑ 21:33

Nangta ki Israel ki la phai bad leit na ka lynti sha Bashan, bad u syiem Og jong ka Bashan u la wan mih bad la ka kynhun ïapom ban tur ïaleh ïa ki ha Edrei.

DEUTERONOMI 24:14

“Wat shukor ïa u shakri uba bylla, uba duk bad uba kyrduh, la u dei u para Israel lane u nongwei uba shong ha ki shnong jong phi.

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.