AMOS 3:8 - Khasi CL Bible (BSI)

⁸ Haba u sing u kyrhuh, uei uba lah ban lait na ka jingtieng? Haba U Trai Nongsynshar u kren, uei uba lah ban lait khlem pynbna ïa ka khubor jong u?

KA BAIBL

⁸ U sing u la kyrhuh, uei u ban ym sheptieng? U Trai U Blei u la kren, uei u ban ym ïathuhlypa?”

AMOS 3:8 ပူးပေါင်းရင်းမြစ်များ

ISAÏAH 21:10

Ko paid Israel jong nga, phi la shah shoh kumba shoh kew, hynrei mynta nga la pynbna ha phi ïa ka khubor babha ba nga la ïohsngew na U Trai Badonbor Baroh, U Blei jong ki Israel.

ISAÏAH 31:4

U Trai u la ong ha nga, “Kam pher kumno ki nongaplangbrot ki kynhied bad ki pyrta, kim lah ban pyntieng ïa u sing ba un phet na ka jingri ba u la pynïap; ha kajuh ka rukom, ym don kano kano kaba lah ban khang ïa nga, U Trai Badonbor Baroh na kaba ïada ïa u Lum Seïon.

JEREMAÏAH 20:9

Hynrei haba nga ong, “Ngan klet noh ïa U Trai bad ngan ym kren shuh ha ka kyrteng jong u,” te ka khubor jong me ka long kum ka ding kaba klang jylliew hapoh jong nga. Nga la pyrshang kat kaba nga lah ban kun ïa ka, hynrei ngam lah ban bat ïa ka.

JEREMAÏAH 26:12

Nangta nga la ong, “U Trai u la phah ïa nga ban pynbna ïa kaei kaei baroh kaba phi la ïohsngew ïa nga ba nga kren pyrshah ïa kane ka Templ bad pyrshah ïa kane ka nongbah.

ESEKIEL 29:21

“Haba kata kan jia, ngan pynlong ïa ki paid Israel kiba khlaiñ bad ngan shah ïa me, ko Esekiel, ban kren ha kaba baroh kin ïohsngew ïa me, khnang ba kin tip ba nga long U Trai.”

AMOS 1:2

U Amos u ong, “U Trai u kyrhuh na u lum Seïon; Ka sur jong u ka tied kum u pyrthat na Jerusalem. Ki jaka phlang ki tyrkhong, bad u phlang ha Lum Karmel u ïapstai.”

AMOS 2:12

Hynrei phi la pynlong ïa ki Nasir ban dih waiñ, bad phi la hukum ïa ki nongïathuhlypa ban ym kren ïa ka khubor jong nga.

AMOS 3:4

Hato u sing u ju kyrhuh ha khlaw lymda u la lap ei ei ban kynrup? Hato u sing samla u ju byrngem ha la krem lymda u la ïohkem ei ei?

KI KAM 4:20

Naba ngim lah ban sangeh ban kren ïa kaei kaba ma ngi hi ngi la ïohi bad ïohsngew.”

KI KAM 5:20

“Khie leit bad ïeng ha ka Templ, bad ïathuh ha ki briew baroh shaphang kane ka jingim bathymmai.”

KI KAM 5:29

U Petros bad kiwei pat ki apostol ki la phai ktien, “Ngi dei ban kohnguh ïa U Blei, ym ïa ki briew.

1 KORINTH 9:16

Ngam don hok ban kob tang namar ba nga ïalap ïa ka Gospel. La katta ruh, nga don hapoh ki hukum ban leh kumta. Bad katno kan long kaba shyrkhei ïa nga lada ngam shym la ïalap ïa ka gospel!

JINGPYNPAW 5:5

Te uwei na ki nongsharai balang u la ong ha nga, “Wat ïam. Ha khmih! U Sing na ka jait Judah, uba hiarpateng na u Dabid, u la ïoh ïa ka jingjop, bad u lah ban pynpait ïa ki hynñiew tylli ki jingpyndait bad ban plied ïa ka kot kli.”