AMOS 3:7 - Khasi CL Bible (BSI)

⁷ U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

KA BAIBL

⁷ “Shisha U Trai U Blei un ym leh ei ei, khlem da pynpaw ïa la ka jingthmu ha la ki shakri ki nongïathuhlypa.

AMOS 3:7 ပူးပေါင်းရင်းမြစ်များ

JENESIS 18:17

Bad U Trai u ong ha lade, “Ngan nym buhrieh na u Abraham ïa kaei kaba ngan sa leh.

JENESIS 6:13

U Blei u ong ha u Noah, “Nga la kut jingmut ban pynduh noh ïa ki briew baroh. Ngan pynjot thiaw ïa ki namar ka pyrthei ka la jyllei da ki kam leh jubor jong ki.

2 SYIEM 22:13

“Khie leit bad kylli na U Trai na ka bynta jong nga bad na ka bynta ki briew baroh jong ka Judah shaphang ka jinghikai jong kane ka Kitab. U Trai u la bitar ïa ngi namar ba ki kpa tymmen jong ngi kim shym la leh ïa kaei ba kane ka Kitab ka ong ba dei ban leh.”

2 SYIEM 22:20

bad ïa ka jingpynshitom kaba ngan wallam ha Jerusalem kan nym wan haduh hadien ka jingïap jong phi. Ngan shah ïa phi ban ïap ha kaba suk.” Ki rangbah ki leit phai pat sha u syiem Josaïah bad kane ka khubor.

2 SYIEM 6:12

Uwei na ki u jubab, “Ko syiem kynrad, ym don uwei ruh. U Elisha u nongïathuhlypa u ïathuh ha u syiem ka Israel ïa kaei kaba phi ong wat ha kaba rieh hapoh ka kamra jong phi.”

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

ISAÏAH 18:4

U Trai u la ong ha nga, “Ngan jngoh sha tbian na bneng kumba ka umjer ka wandur jar jar ha ki miet basyiad ha ka aïom ot, kumba ka sngi ka phyrnai itynnat ha ka jingshit ka sngi.

JEREMAÏAH 23:22

Lada ki la tip ïa ki jingmut barieh jong nga, te kin jin da la pynbna ïa ka khubor jong nga sha ki briew jong nga, bad kin jin da la pynlong ïa ki ban iehnoh ïa ki jingim basniew ba ki im bad na ki kam bymman ba ki leh.

ESEKIEL 29:21

“Haba kata kan jia, ngan pynlong ïa ki paid Israel kiba khlaiñ bad ngan shah ïa me, ko Esekiel, ban kren ha kaba baroh kin ïohsngew ïa me, khnang ba kin tip ba nga long U Trai.”

DANIEL 11:2

Bad kaei kaba ngan ïathuh ïa me ka long kaba shisha.” U angel u la ong, “Sa lai ngut ki syiem kin synshar halor ka Persia, yn bud sa uba saw, u ban kham riewspah ban ïa baroh kiwei pat. Haba u la khlaiñbor bha bad riewspah eh un kob ïa ka hima Gris.

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

ÏOANNIS 15:15

Ngam khot shuh ïa phi ki shakri, namar u shakri um tip aïu u kynrad u leh. Pynban, nga khot ïa phi ki paralok, namar nga la ïathuh ïa phi ïa kiei kiei baroh kiba nga la ïohsngew na U Kpa jong nga.

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 1:19

Thoh te, ïa kiei kiei kiba me ïohi; kita kiei kiei kiba long mynta bad kita kiei kiei ki ban sa jia hadien.

JINGPYNPAW 10:7

Hynrei haba u angel uba hynñiew u put ïa la ka turoi, te U Blei un pyndep ïa ka jingthmu barieh jong u, kumba u la pynbna ha la ki shakri, ki nongïathuhlypa.”

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”

1 SAMUEL 9:15

Ha ka sngi kaba la dep U Trai u la ong ha u Samuel,