AMOS 3:2 - Khasi CL Bible (BSI)

² “Na baroh ki jaitbynriew ha ka pyrthei, phi long tang kawei kaba nga la ithuh bad sumar. Kata ka long kaei kaba la pynlong ïa ki pop jong phi kiba shyrkhei, bad kata ka long balei ba nga dei ban pynshitom ïa phi na ka bynta jong phi.”

KA BAIBL

² “Tang ma phi keiñ nga la ithuh na ki kur baroh ka pyrthei: namar kata, ngan pynwan phai halor jong phi ïa ki jingleh bymhok jong phi baroh.

AMOS 3:2 ပူးပေါင်းရင်းမြစ်များ

JENESIS 10:32

Kine ki briew baroh ki long ki khun ki ksiew jong u Noah, ha la ka jait ka jait, kat kum la ki jingkheiñ jait bapher bapher ha ka jinghiarpateng. Hadien ka jingshlei um, baroh ki jaitbynriew ha ka pyrthei ki hiarpateng na ki khun shynrang jong u Noah.

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

SALM 147:19

U ai ïa ka khubor jong u sha ki briew jong u, ki jingbthah bad ki aiñ jong u ïa ki Israel.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

ISAÏAH 63:19

Me ñiew ïa ngi kumba mem ju long u nongsynshar jong ngi, kumba ngim pat la ju long ki briew jong me.

JEREMAÏAH 1:15

namar nga khot ïa baroh ki jaitbynriew ha ka phang bashatei ban ïawan. Ki syiem jong ki kin pynïeng ïa ki khet jong ki ha ki khyrdop jong ka Jerusalem bad sawdong ïa ki kynroh jong ka bad ruh sawdong ïa kiwei pat ki nongbah jong ka Judah.

JEREMAÏAH 10:25

Pynphai ïa ka jingbitar jong me halor ki jaitbynriew ki bym mane ïa me bad halor ki briew kiba kyntait ïa me. Ki la pynïap ïa ki briew jong me; ki la pynjot khoit ïa ngi bad iehnoh ïa ka ri jong ngi ha ka jingjot jingpra.

JEREMAÏAH 11:22

Kumta U Trai Badonbor Baroh u la ong, “Ngan pynshitom ïa ki! Ki samla shynrang jong ki kin shah pynïap ha ka thma; ki khun jong ki kin ïapthngan.

JEREMAÏAH 13:21

Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

JEREMAÏAH 14:10

U Trai u ong shaphang kine ki briew, “Ki ieit ban phet noh na nga, bad kin ym lah ban bat synshar ïa lade. Kumta ngam shym la sngewbha bad ki. Ngan kynmaw ïa ki jingbakla kiba ki la leh bad ngan pynshitom ïa ki namar ki pop jong ki.”

JEREMAÏAH 9:25

U Trai u ong, “Ka por ka wan haba ngan pynshitom ïa ki briew ka Ijipt, ka Judah, ka Edom, ka Ammon, ka Moab, bad ki briew ka ri shyiap, kiba la ot lyngkot ïa ki shñiuh jong ki. Kine ki briew baroh ki long kiba la otsher, hynrei ki bym shym la bat ïa ka jutang kaba ka thmu. Ym don mano mano na kine ki briew bad ym don mano mano na ki paid Israel kiba la bat ïa kane ka jutang jong nga.”

ESEKIEL 5:9

Namar kiei kiei baroh kiba pha leh ki long kiba nga ijli, ngan pynshitom ïa ka Jerusalem ïa kaba ngam pat ju leh mynno mynno, bad ïa kaba ngan ym leh shuh lano lano ruh.

ESEKIEL 9:6

Pynïap ïa ki tymmen, ki samla shynrang, ki samla kynthei, ki longkmie bad ki khynnah rit. Hynrei wat ktah kti ïa uno uno uba don ka dak ha ka shyllangmat jong u. Sdang nangne na ka Templ jong nga.” Kumta ki la sdang na ki nongïalam kiba ïeng hangta ha ka Templ.

DANIEL 9:12

Me la leh ïa kaei kaba me la ong ba men leh ha ngi bad ha ki nongsynshar jong ngi. Me la pynshitom ïa ka Jerusalem kham jur ban ïa kano kano kawei pat ka nongbah ha ka pyrthei,

HOSIA 2:13

Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

HOSIA 5:3

Nga tip ka Israel ka long kumno — kam lah ban rieh na nga. Ka la long ka bymïaineh, bad ki briew jong ka kim long kiba bit ban mane ïa nga.”

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 9:9

Ki la long sniew khlem jingkyrmen ha kaei kaei kaba ki leh, kumba ki la long ha Gibeah. U Blei un kynmaw ïa ka pop jong ki, bad un pynshitom ïa ki na ka bynta kata.

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

AMOS 3:3

Hato ar ngut ki briew ki ju sdang ïaleit jingleit lang khlem da pynkhreh ban ïakynduh?

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

MIKAH 2:3

Bad kumta U Trai u ong, “Nga dang thmu ban wallam ïa ka jingjot ha phi, bad phin ym lah ban lait na ka. Phin sa shem ïa lade ha ka jingeh, bad nangta phin ym ïaid sngewsarong shuh.

NAHUM 3:4

Ïa ka Ninebeh, ka nuti la nang pynshitom. Kaba khring bad kaba dap da ki jingpynshohbieit kiba ma, ka la pynshohbieit ïa ki jaitbynriew bad ka la ringmraw ïa ki.

KI KAM 17:26

Na uwei u briew u la thaw ïa ki jaitbynriew baroh ha ka pyrthei bad u la pynlong ïa ki ban shong ban sah ha kylleng ka pyrthei. U hi da lade u la pynskhem lypa ïa ki por kiba biang bad ïa ki pud jong ki jaka ha kaba kin shong kin sah.

Ka Shithi U Paul Sha Ki Nong Rom 2:9

Yn don ka jingjynjar bad ka jingpang na ka bynta kito baroh kiba leh ïa kaei kaba sniew, na ka bynta ki Jiw nyngkong bad na ka bynta ki Jentil ruh.

1 KORINTH 8:3

Hynrei ïa u briew uba ieit ïa U Blei la ithuh da u.

DEUTERONOMI 10:15

Hynrei ka jingieit U Trai ïa ki kpa tymmen jong phi ka long kaba khraw katta katta ba u la jied ïa phi napdeng ki jaitbynriew baroh, bad phi dang long haduh mynta ka jaitbynriew ba la jied jong u.

DEUTERONOMI 26:18

Mynta ka sngi U Trai u la pdiang ïa phi kum la ki jong ki briew, kumba u la kular ïa phi; bad u hukum ïa phi ban kohnguh ïa ki aiñ jong u baroh.

DEUTERONOMI 32:9

hynrei ïa ki khun ki ksiew u Jakob u la jied na ka bynta ïa lade.

DEUTERONOMI 4:32

“Phai sha ka mynnor, sha kata ka por shuwa ban kha ïa phi, ter shi ter haduh kata ka por mynba U Blei u la thaw ïa u briew ha ka pyrthei. Wad ha ka pyrthei baroh kawei. Hato kaei kaei kaba khraw kat kane ka la ju jia mynshuwa? Don mo u briew uba la ju ïohsngew ïa kaei kaei kaba kat kane?

DEUTERONOMI 7:6

Namar phi long kiba la pynkyntang khuid sha U Trai U Blei jong phi. U la jied ïa phi napdeng ki jaitbynriew baroh ha ka pyrthei ba phin long ka jaitbynriew kaba kyrpang jong u.

1 PETROS 4:17

Ka por ka la poi na ka bynta ka jingbishar ba kan sdang, bad ki briew jong U Blei hi kin long kiba nyngkong ban shah bishar. Lada ka sdang na ngi, kumno kan kut ha kito ki bym shym ngeit ïa ka Khubor Babha na U Blei?