AMOS 3:14 - Khasi CL Bible (BSI)

¹⁴ “Ha ka sngi ba nga pynshitom ïa ki paid Israel na ka bynta ki pop jong ki, ngan pynjot ïa ki duwan ka Bethel. Ïa ki dong jong kawei pa kawei ka duwan yn pom noh bad kin hap ha madan.

KA BAIBL

¹⁴ “Naba ha kata ka sngi kaba ngan pynphai ïa ki jingpalat u Israel halor jong u, ngan khmih ruh ïa ki duwan ka Bethel, bad ïa ki reng jong ka duwan yn pom noh, bad kin hap ha khyndew.

AMOS 3:14 ပူးပေါင်းရင်းမြစ်များ

2 SYIEM 23:15

U Josaïah u la pyntwa ruh ïa ka jaka mane ha Bethel kaba la tei da u syiem Jeroboam u khun jong u Nebat, uba la ïalam ïa ki Israel ban leh pop. U Josaïah u la pyntwa ruh ïa ka duwan, u pynpait lyngkhot lyngkhai ïa ki maw jong ka, bad u pynlwet phum ïa ki; u la thang ruh ïa ka dur jong ka Asherah.

2 KHRONIKL 31:1

Hadien ba ka Jingkhawai Niam ka la kut, baroh ki paid Israel ki leit sha kawei pa kawei ka nongbah ha Judah bad ki pynpra ïa ki rishot maw, ki pyndkut ïa ki dur ka blei Asherah, bad ki pynjot ïa ki duwan bad ki jaka mane blei thala. Ki leh ïa kajuh ha baroh ki bynta basah jong ka Judah, bad ïa ki ri jong ki Benjamin, Ephraim bad Manasseh; nangta baroh na ki, ki leit phai sha ïing.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

AMOS 2:8

Ha man ka jaka mane blei ki rangbah ki thiah ha ki jaiñ ïa kaba ki la shim na kiba duk kiba la buh bynda na ka bynta ki ram. Ha ka templ U Blei jong ki, ki dih ïa ka waiñ ba ki la shim na kito kiba ki shah pisa.

AMOS 4:4

U Trai Nongsynshar u ong, “Ko ki paid Israel, khie leit sha ka jaka bakhuid ka Bethel bad leh pop, lada phi hap ban leh kumta! Khie leit sha Gilgal bad to leh pop da ka jingkhlaiñbor jong phi baroh! Ïaid shaphrang bad wallam ïa ki mrad ban kñia na ka step sha ka step, bad wallam ïa kawei-na-kaba-shiphew jong phi man la ka sngi kaba lai.

AMOS 7:10

Amasaïah, u lyngdoh ka Bethel, u la phah ka khubor sha u Jeroboam u syiem ka Israel: “U Amos u la ïasylla pyrshah ïa phi hapdeng ki briew. Ki jingkren jong u kin pynjot ïa ka ri.

AMOS 7:13

Wat ïathuhlypa shuh hangne ha Bethel. Kane ka dei ka jaka mane Blei jong u syiem, ka Templ jong ka hima.”

AMOS 7:9

Ïa ki jaka ha kiba ki khun ki ksiew u Isaak ki mane Blei yn sa pynjot noh. Ïa ki jaka kyntang jong ki Israel yn sa iehnoh ha ki jingjot. Ngan wallam ïa ka longïing syiem jong u syiem Jeroboam sha ka jingkut.”

AMOS 9:1

Nga la ïohi ïa U Trai ba u ïeng harud ka duwan. U la ai ka hukum: “Tied tyngeh ïa ki khlieh rishot jong ka Templ haduh ba ka shyngkub baroh kawei kan da khih. Pynpait ïa ki bad ai ba kin hap halor ki khlieh jong ki briew. Ngan pynïap ha ka thma ïa ki briew kiba dang sah. Yn ym don u ban ïohphet; wat uwei ruh un ym lait im.