AMOS 3:12 - Khasi CL Bible (BSI)

¹² U Trai u ong, “Kumba u nongaplangbrot u shem pat sa tang ar tylli ki kjat, ne ka shkor jong ka langbrot ba u sing u la bam, kumta ruh yn pyllait im tang khyndiat ïa ki briew ka Samaria, kiba mynta ki shong shaniah ha ki jingthiah baremdor.

KA BAIBL

¹² Kumne u ong U Trai: “Kumba u nongaplangbrot u knieh ar tylli ki kjat, lane shi lyngkot ka shkor na ka shyntur u sing; kumta, yn knieh noh ïa ki khun Israel kiba shong ha Samaria ha ka dong i jingthiah, bad halor ki syngkhlieh muka jong ka jingthiah.

AMOS 3:12 ပူးပေါင်းရင်းမြစ်များ

1 SYIEM 20:30

Kiba lait im ki ïaphet ïap sha ka nongbah Aphek, ha kaba ki kynroh ka nongbah ki khyllem halor ki arphew hynñiew hajar ngut. U Benhadad ruh u lait phet shapoh ka nongbah bad u rieh ha ka kamra ba shadien jong ka ïing.

1 SYIEM 20:34

U Benhadad u ong ïa u, “Ngan ai pat ha phi ïa ki shnong ba u kpa jong nga u la shim na u kpa jong phi, bad phi lah ban tei ka jaka khaïi na ka bynta ïa lade ha Damaskos, kumba u kpa jong nga u leh ha Samaria.” U Ahab u jubab, “Halor kine ki kyndon, te ngan pyllait ïa phi.” U ïateh kular bad u bad u pyllait noh ïa u ban leit.

1 SYIEM 22:25

“Phin sa shem haba phin leit shadien ka kamra ban rieh,” U Mikaïah u jubab.

2 SYIEM 16:9

U Tiglath Pileser, haba jubab ïa ka jingkyrpad u Ahas, u tur sha khmat bad la ka kynhun shipai pyrshah ïa ka Damaskos, u kurup ïa ka, u pynïap ïa u syiem Resin, bad u ïalam koidi ïa ki briew sha Kir.

ESTHER 1:6

Ïa ka ïingsyiem la pynitynnat da ki pyrda bajngum bad balieh, ba la teh da ki tyllai linen sawjngum bani ha ki syrwiang rupa bad pyndait ha ki rishot maw marbl. Ïa ki jaka shong shaniah ha ka ïingsyiem, la shna da ka ksiar bad ka rupa, bad ïa ka madan la siang da u maw marbl balieh, maw marbl basaw, u mawkordor baphyrnai, bad u mawkordor bajngum.

ESTHER 7:8

U la dem ïa lade ha ka jaka shong shaniah jong ka Esther ban kyrpad na ka bynta ka jingisynei. Haba u syiem u wan phai pat shapoh kamra na ki kper, haba u ïohi ïa kane, u syiem u pyrta jam, “Hato une u briew un leh be-ijot ïa ka mahadei hangne hi ha khmat jong nga, ha ka ïingsyiem jong nga?” U syiem um pat kut bha ka jingkren, ba ki ïunukh ki tap ïa ka khlieh u Haman.

SALM 132:3

“Ngan ym leit sha ïing lane kiew ha ka jingthiah;

ISAÏAH 17:7

Haba kata ka sngi ka wan, ki briew kin phai sha U Nongthaw jong ki ban ïoh ïarap, U Blei bakhuid jong ki Israel.

ISAÏAH 31:4

U Trai u la ong ha nga, “Kam pher kumno ki nongaplangbrot ki kynhied bad ki pyrta, kim lah ban pyntieng ïa u sing ba un phet na ka jingri ba u la pynïap; ha kajuh ka rukom, ym don kano kano kaba lah ban khang ïa nga, U Trai Badonbor Baroh na kaba ïada ïa u Lum Seïon.

ISAÏAH 8:4

Ha shuwa ba u khynnah un heh un san ban ong ‘Mei’ bad ‘Pa’, ïa ka spah baroh jong ka Damaskos bad ïa ka mar lute baroh jong ka Samaria yn kit noh da u patsha ka Assyria.”

AMOS 6:4

Katno kaba sngewshyrkhei kan long ïa phi kiba thiah halor ki jingthiah baremdor, kiba ïakhawai da ki khun masi bad khunlangbrot!

AMOS 9:8

Ma nga, U Trai Nongsynshar, nga khmih ïa kane ka hima Israel kaba pop, bad ngan pynjot ïa ka na sla khyndew. Hynrei ngan ym pynjot ïa baroh ki khun ki ksiew u Jakob.