AMOS 3:11 - Khasi CL Bible (BSI)

¹¹ Bad kumta, u nongshun un kerkut ïa ka ri, un pyntwa ïa ki jingker jong ki, bad un lute ïa ki ïing paki dulan jong ki.”

KA BAIBL

¹¹ Namar kata, kumne u ong U Trai U Blei: “u nongïaleh pyrshah un don, baroh sawdong ïa ka ri keiñ: te un pynduh ïa ka bor jong me na me, bad un lute ïa ki ïingbah jong me.”

AMOS 3:11 ပူးပေါင်းရင်းမြစ်များ

JENESIS 34:27

Hadien kata ka jingpynïap, kita kiwei pat ki khun shynrang jong u Jakob ki la lute ïa kata ka shnong ban pynhiarkput namar ka jingpynkheiñ burom ïa ka para jong ki.

2 SYIEM 15:19

U Tiglath Pileser, u patsha ka Assyria, u tur ïaleh ïa ka Israel, bad u Menahem u ai ïa u laiphew saw ton ka rupa ban ïoh ïa ka jingkyrshan jong u ban nang pynkhlaiñbor ïa u Menahem halor ka ri.

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

2 KHRONIKL 36:19

U thang ïa ka Templ bad ïa ka nongbah, lem bad ki ïingsyiem baroh bad ka spah jong ka, bad u pyntwa ïa ka kynroh jong ka nongbah.

Ka Kitab U Job 20:21

Haba u bam, ym ju don jingpynsah tam, hynrei mynta um don shuh ka jingpahuh pahai.

AMOS 2:5

Kumta ngan phah ka ding ha Judah bad kan thang duh ïa ki kut ka Jerusalem.”

AMOS 3:10

U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

AMOS 3:15

Ngan pynjot ïa ki ïingshong tlang bad ki ïingshong lyiur. Ki ïing ba la pynitynnat da ki bniat hati kin kyllon ha ka jingjot; man la kawei pa kawei ka ïing bah kan jot thiaw.”

AMOS 6:14

U Trai U Blei Badonbor Baroh da lade u ong, “Ko ki paid Israel, ngan phah ïa ka kynhun shipai nongwei ban knieh ïa ka ri jong phi. Kan banbeiñ ïa phi naduh ka Khim Hamath bashaphang shatei haduh ka wahduid Arabah bashaphang shathie.”

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”