AMOS 3:10 - Khasi CL Bible (BSI)

¹⁰ U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

KA BAIBL

¹⁰ “Naba kim nang ïa ka ban leh hok,” ong U Trai, “ki ïakynton ïa ka jingleh-jubor bad ka jinglute ha la ki ïingbah.”

AMOS 3:10 ပူးပေါင်းရင်းမြစ်များ

Ka Kitab U Job 20:21

Haba u bam, ym ju don jingpynsah tam, hynrei mynta um don shuh ka jingpahuh pahai.

SALM 14:4

“Hato kim tip?” U Trai u kylli. “Hato kine ki nongleh kam sniew kim tip ei ei? Ki im da kaba lute ïa ki briew jong nga, bad kim ju duwai sha nga.”

PROBERB 1:13

Ngin ïoh kurup ïa ki markordor kiba har rukom bad pyndap ïa la ki ïing da ki mar lute!

PROBERB 11:16

Ka briew kaba sbun ka long kaba la ñiewkor, hynrei ka briew khlem ka jinglong babha ka long ka jingjahburom. Ki briew kiba jaipdeh kin ym don pisa satia, hynrei ki briew kiba minot thop kin riewspah.

PROBERB 28:5

Ki briew kiba sniew kim sngewthuh kaei ka jinglehhok, hynrei kito kiba mane ïa U Trai ki sngewthuh bha ïa ka.

EKLESIASTIS 4:1

Nangta nga la khmih biang ha baroh ki jingbymlehhok kaba trei ha kane ka pyrthei. Kiba la shah banbeiñ ki lynñiar, bad ym don mano mano ban ïarap ïa ki. Ym don mano mano ban ïarap ïa ki namar ki nongbanbeiñ jong ki, ki don ka bor ha ka liang jong ki.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 5:4

Nangta nga la pyrkhat, “Kine ki long tang kiba duk bad ki bym sngewthuh. Ki la leh bieit; kim tip ïa kaei kaba U Blei jong ki u dawa, ïa kaei U Trai u kwah ïa ki ban leh.

ESEKIEL 18:7

Um ju shukor lane lute ïano ïano. U pynphai ïa kaei kaba u nongshim ram u buh bynda; u bsa ïa kiba thngan bad u ai jaiñ ïa kiba lyngkhuit.

ESEKIEL 22:29

Kiba riewspah ki shukor bad ki lute. Ki leh bymdei ïa kiba duk bad ki shim kabu ïa ki nongwei.

ESEKIEL 8:17

U Trai u la ong ha nga, “Ko khun u briew, me ïohi ïa katai? Kine ki briew ka Judah kim pat hun tang kaba leh ïa ki kam ba-ijli kiba me la ïohi hangne bad ban pynphriang ïa ka ri da ka jingleh thombor. Em, ki dei ban wan bad leh ïa ki hangne hi ha ka Templ ban pynbitar shuh shuh ïa nga. Peit kumno ki beiñ ïa nga ha ka rukom kaba kham palat.

HOSIA 7:1

“Ha kano kano ka por ba nga kwah ban pynkhiah ïa ki briew jong nga ki Israel bad pynlong ïa ki ban manbha sa shisien pat, baroh kaba nga lah ban ïohi ka long ka jingbymman jong ki bad ka kam sniew kaba ki leh. Ki shukor uwei ïa uwei pat; ki rung jubor ha ki ïing bad ki tuh; ki lute ïa ki briew ha ki lynti bah.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

AMOS 5:7

Phi long kiba la tim, phi kiba pynkyllaiñ ïa ka jingbishar hok bad kiba shukor ïa ki briew ban pynduh ïa ki hok jong ki!

AMOS 6:12

Hato ki kulai ki ju mareh halor ki mawsiang? Hato ki briew ki ju lur ïa ka duriaw da ki masi dab? Pynban phi la pynkylla ïa ka jingbishar hok sha ka bih, bad ïa kaba dei sha ka bymdei.

AMOS 6:3

Phi kyntait ban pdiang ba ka sngi jong ka jingjot ka wan, hynrei kaei ba phi leh ka long tang ban pynjan ïa kata ka sngi.

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

MIKAH 6:10

Ha ki ïing jong ki briew kiba sniew don ki jingkynshew kiba ki la lum da kaba leh bymhok. Ki pyndonkam da ki jingthew bashukor, kaei kaei kaba nga isih.

SEPHANAÏAH 1:9

Ngan pynshitom ïa baroh kiba mane kum ki nongmane bleithaw bad kiba tuh bad pynïap khnang ban pyndap ïa ka ïing u kynrad jong ki da ka jinglute.

2 PETROS 3:5

Ki da thmu khnang ban leh klet ïa ka jingshisha ba U Blei u la ai ïa ka hukum la slem bah, bad ïa ki bneng bad ka khyndew la pynlong.