AMOS 2:8 - Khasi CL Bible (BSI)

⁸ Ha man ka jaka mane blei ki rangbah ki thiah ha ki jaiñ ïa kaba ki la shim na kiba duk kiba la buh bynda na ka bynta ki ram. Ha ka templ U Blei jong ki, ki dih ïa ka waiñ ba ki la shim na kito kiba ki shah pisa.

KA BAIBL

⁸ bad halor ki jaiñ ba la bynda ki thiah hajan ki duwan baroh, bad ha ka ïing U Blei jong ki, ki dih ïa ka Waiñ jong kiba la shah daiñ kuna.

AMOS 2:8 ပူးပေါင်းရင်းမြစ်များ

EKSODOS 22:25

“Haba phi ai pisa kylliang ha uba duk na ki briew jong nga, wat leh kum u nongai ram ban dawa bai sut na u.

ISAÏAH 57:7

Phi leit sha ki lum kiba jrong ban kñia ainguh bad ïathiah shongkha.

ESEKIEL 18:12

U shukor ïa kiba duk, u lute, u bat noh ïa kaei kaba u nongshim ram u ai ha u kum ka bynda. U leit sha ki jaka mane blei thala, da kaba mane ïa ki bleithaw ba-ijli,

ESEKIEL 18:7

Um ju shukor lane lute ïano ïano. U pynphai ïa kaei kaba u nongshim ram u buh bynda; u bsa ïa kiba thngan bad u ai jaiñ ïa kiba lyngkhuit.

ESEKIEL 23:41

Ki da shong ha ki jingthiah ba-itynnat, bad ha khmat jong ki kin buh ïa ka miej ba la dap da kiei kiei kiba bha, ba kynthup ïa ki jingiwbih bad ka umphniang Olib kaba nga la ai ha ki.

HOSIA 4:8

Phi kylla riewspah na ki pop ki briew jong nga, bad kumta phi kwah ïa ki ban nang leh pop shuh shuh.

HOSIA 7:14

Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

AMOS 3:14

“Ha ka sngi ba nga pynshitom ïa ki paid Israel na ka bynta ki pop jong ki, ngan pynjot ïa ki duwan ka Bethel. Ïa ki dong jong kawei pa kawei ka duwan yn pom noh bad kin hap ha madan.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

AMOS 6:4

Katno kaba sngewshyrkhei kan long ïa phi kiba thiah halor ki jingthiah baremdor, kiba ïakhawai da ki khun masi bad khunlangbrot!

AMOS 6:6

Phi dih waiñ na ki khuri ba-dap, bad phi pyndonkam da ki jingsleh kiba kynsai tam, hynrei phim shym ïam sngewsih halor ka jingshah pynjot ki Israel.

1 KORINTH 10:21

Phim lah ban dih na ka khuri U Trai bad ruh na ka khuri ki ksuid; phim lah ban ïabam na ka miej U Trai bad ruh na ka miej ki ksuid.

1 KORINTH 10:7

Kumba ka Jingthoh Bakhuid ka ong, “U paidbah u la shong ha ka jingkhawai kaba la kylla long ka jingïadih buaid bad ka jingleh nuti.”

1 KORINTH 8:10

Tharai u briew uba ka jingïatiplem ka tlot ha kane ka bynta u ïohi ïa phi uba don kata kaba khot “ka jingtip”, ba phi shong bam ha ka templ jong ka bleithaw; hato kane kam pynshlur ïa uta ban bam ïa ka jingbam ba la kñia sha ki bleithaw?

NONGBISHAR 9:27

Baroh ki ïaleit sha la ki bri sohwaiñ bad kheit ïa ki sohwaiñ, ki shna waiñ na ki, bad ki pynlong ka jingïaleh kmen. Ki leit sha ka templ jong u blei jong ki, ha kaba ki la ïabam bad ïadih bad ki krenbeiñ ïa u Abimelekh.