AMOS 2:7 - Khasi CL Bible (BSI)

⁷ Ki kyrdem ïa kiba tlot bad ki bymdonbor bad ki khynñiat sharud lynti ïa kiba duk. U briew bad u kpa jong u ki ïathiah shongkha ïa kajuh ka kynthei mraw, bad kumta ki pyntngit ïa ka kyrteng kaba khuid jong nga.

KA BAIBL

⁷ kiba ïuh roit ïa ka khlieh ki baduk hapoh ka khyndew, bad ki pynbakla ïa ka lynti jong uba lui lui: bad u briew bad la u kpa kin leit ha kajuh ka kynthei, ïa ka ban pynsang ïa ka kyrteng bakhuid jong nga:

AMOS 2:7 ပူးပေါင်းရင်းမြစ်များ

2 SAMUEL 12:14

Hynrei namar ba phi la pyn-i ïa kum kane ka jingñiewbeiñ ïa U Trai ha kaba leh ïa kane, u khun jong phi un ïap.”

1 SYIEM 21:4

U Ahab u leit phai sha la ïing, u da sngewsih bad bitar ïa kaei kaba u Naboth u ong ha u. U dem ha la ka jingthiah, u phai shaphang ka kynroh, bad um treh bam ei ei.

PROBERB 28:21

Kaba ñiewshiliang ka long kaba bakla. Hynrei don katto katne ki nongbishar ki ban leh bymdei ban ïoh wat tang kaba rit tam ka jingbamsap.

ISAÏAH 10:1

Phi long ba la tim! Phi thaw ïa ki aiñ bymhok ban banbeiñ ïa ki briew jong nga.

ISAÏAH 10:2

Kata ka long kumno ba phi khang ïa kiba duk na kaba ïohpdiang ïa ki hok jong ki bad na kaba ïohpdiang ïa ka jingbishar hok. Kata ka long kumno ba phi knieh ïa ka jingdon jingem kaba dei jong ki riewkynthei bad ki khunswet.

ISAÏAH 3:14

U Trai u wallam sha ka jingbishar ïa ki tymmen ki san bad ïa ki nongïalam. U pynlong ïa kane ka jingkynnoh: “Phi la lute ïa ki bri sohwaiñ bad ki ïing jong phi ki dap da kiei kiei kiba phi la shim na kiba duk.

ISAÏAH 3:15

Phim don hok ban khñiot ïa ki briew jong nga bad ban shim kabu ïa kiba duk. Ma nga U Nongsynshar U Trai Badonbor baroh nga la kren.”

ESEKIEL 22:11

Don kiba klim, bad kiwei ki pynbieit ïa la ki pyrsa kurim ne ïa la ki bakha kynthei.

ESEKIEL 36:20

Kat shaba ki leit, ki pynlehrain ïa ka kyrteng bakhuid jong nga, namar ba ki briew ki ïoh kynnoh, ‘Kine ki long ki briew jong U Trai, pynban ki hap ban mihnoh na ka ri jong u.’

HOSIA 4:14

Wat la katta ruh ngan ym pynshitom ïa ki na ka bynta kane, namar ma phi hi phi ïa-ïaid lang bad ki nuti kiba ha ka templ, bad ryngkat bad ki, phi ai ki jingkñia ba-thala. Kumba ka proberb ka ong, ‘Ki briew kiba khlem pyrkhat kin sa jot noh.’

LEBITIKOS 18:15

Wat ïathiah shongkha bad la ka pyrsa kurim

LEBITIKOS 18:21

Wat ai noh ïano ïano na ki khun jong me ba yn pyndonkam ha ka jingmane ïa u blei Molekh, naba kata kan pynjahburom ïa ka kyrteng U Blei, U Trai.

LEBITIKOS 18:8

Wat pynjahburom ïa la u kpa da kaba ïathiah shongkha bad kano kano na ki tnga jong u.

LEBITIKOS 20:3

Nga hi ngan phai pyrshah ïa uta u briew bad ngan ym ñiew shuh ïa u kum uwei na ki briew jong nga, namar u la ai ïa uwei na ki khun jong u ha u Molekh, bad kumta u pynbyrsieh ïa ka jaka kyntang jong nga bad u pynjahburom ïa ka kyrteng kaba khuid jong nga.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

AMOS 5:11

Phi la banbeiñ ïa kiba duk bad la shim jubor na ki ïa u kew jong ki. Bad kumta phin ym ïoh sah ha ki ïing maw ba-itynnat ba phi la tei lane dih waiñ na ki bri sohwaiñ kiba itynnat ba phi la thung.

AMOS 5:12

Nga tip haduh katno ki pop jong phi ki long kiba sngewshyrkhei bad katno kiba bun ki kam runar phi la leh. Phi pynshitom beiñ ïa ki briew kiba bha, phi bamsap, phi khang noh ïa kiba duk ban ïoh ïa ka jingbishar hok ha ki ïingbishar.

AMOS 8:4

To shahshkor ïa kane, phi kiba ïuhroit ïa kiba kyrduh bad kiba pyrshang ban pynjot ïa kiba duk ha ka ri.

MIKAH 2:2

Haba ki ikwah ïa ki lyngkha, ki shu knieh ïa ki; haba ki ikwah ïa ki ïing, ki shu shim ïa ki. Ym don ka longïing ne ka jingdon jingem jongno jongno kaba shongshngain.

MIKAH 2:9

Phi beh noh ïa ki kynthei jong ki briew jong nga na ki ïing ba ki ieit, bad phi lute khlem kut ïa ki jingkyrkhu jong nga na ki khun jong ki.

SEPHANAÏAH 3:3

Ki rangbah pynïaidkam jong ka ki long kum ki sing bakyrhuh; ki nongbishar jong ka ki long kum ki suri bathngan, kiba lalot eh kat ban pynsah sa tang ka shyieng haduh mynstep.

Ka Shithi U Paul Sha Ki Nong Rom 2:24

Ka Jingthoh Bakhuid ka ong, “Na ka daw jong phi ki Jiw, ki Jentil ki kren sniew ïa U Blei.”

1 KORINTH 5:1

Mynta, la don ka jingong kaba thikna ba ka don ka jingïaleh awria hapdeng jong phi kaba shyrkhei haduh katta katta ba wat ki bymngeit kin sngewrem ïa kata. La ïathuh ïa nga ba uwei u briew u ïathiah shongkha bad la ka meinah!