AMOS 2:4 - Khasi CL Bible (BSI)

⁴ U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

KA BAIBL

⁴ Kumne u ong U Trai: “Namar lai tylli ki jingryngkang ki Judah, shisha, namar saw tylli, ngan ym pynphai noh ïa ka jingpynshitom na ki; namar ki la kyntait noh ïa ka hukum U Trai, bad kim shym sumar ïa ki aiñ jong u, bad ki jinglamler jong ki, ki la pynsakma ïa ki, ha kiba ki kpa jong ki, ki la ju ïaid:

AMOS 2:4 ပူးပေါင်းရင်းမြစ်များ

2 SYIEM 17:19

Hynrei wat ki paid Judah ruh kim shym kohnguh ïa ki aiñ U Trai U Blei jong ki; ki pyrthuh bud ïa ki rukom ba dang bat da ki paid Israel.

2 KHRONIKL 25:14

Haba u Amasaïah u la wan phai na ka jingjop ïa ki Edom, u wanrah ïa ki bleithaw jong ki lem bad u, u pynïeng ïa ki, u la mane ïa ki, bad u thang jingiwbih ïa ki.

2 KHRONIKL 30:7

Wat long kum ki kpa tymmen jong phi bad ki para Israel jong phi kiba la lyndet ïa U Trai U Blei jong ki. Kumba phi ïohi, u la pynshitom tyngeh ïa ki.

NEHEMAÏAH 1:7

Ngi la leh bymman pyrshah ïa me bad ngim shym la leh ïa kaei kaba me la hukum. Ngim shym la sumar ïa ki hukum kiba me la ai ha ngi lyngba u Moses, u shakri jong me.

NEHEMAÏAH 9:26

“Hynrei ki briew jong me ki ïaleh pyrshah bad leh bymkohnguh ïa me; ki phai dien noh na ka Hukum jong me. Ki pynïap ïa ki nongïathuhlypa kiba maham ïa ki,

ISAÏAH 28:15

Phi sarong ba phi la pynlong ïa ka jingïateh bad ka jingïap bad poi sha ka jingïakut bad ka pyrthei kiba ïap. Phi sngewthikna ba phin lait na ka jingjot haba kan wan, namar phi shaniah ha ki jinglamler bad ki jingshukor ban pyllait ïa phi.

ISAÏAH 44:20

Ka long ka jingsngewthuh kumba bam dpei. Ki jingmut ba-bieit jong u ki la ïalam bakla ïa u ha kaba u don sha lyndet ka jingïarap. Un ym pdiang ha lade ba ka bleithaw ba u bat ha ka kti jong u kam long satia ka blei.

JEREMAÏAH 16:11

Nangta ïathuh ïa ki ba U Trai u la ong, ‘Ki kpa tymmen jong phi ki la phai dien noh na nga bad ki la mane bad shakri ïa kiwei pat ki blei. Ki la iehnoh ïa nga bad kim shym kohnguh ïa ki jinghikai jong nga.

JEREMAÏAH 16:12

Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

JEREMAÏAH 17:27

Hynrei ki dei ban kohnguh ïa nga bad rakhe ïa ka Sabbaton kum ka sngi bakyntang. Kim dei ban kit kano kano ka jingkit lyngba ki khyrdop jong ka Jerusalem ha kata ka sngi, namar lada ki leh kumta, ngan buh ïa ki khyrdop jong ka Jerusalem ha ka ding. Ka ding kan bam duh ïa ki ïingsyiem jong ka Jerusalem, bad yn ym don mano mano ba lah ban pynlip ïa ka.”

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

JEREMAÏAH 8:9

Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?

JEREMAÏAH 9:14

Pynban, ki la long kiba mutlop bad ki la mane ïa ki bleithaw u Baal kumba ki kpa jong ki, ki la hikai ïa ki ban leh.

ESEKIEL 13:22

“Da ki jinglamler jong phi, phi pynnoh mynsiem ïa ki briew babha, kiba ngam kwah ba kin sngewmong. Phi khang ïa ki briew basniew ban iehnoh ïa kaba sniew bad pyllait ïa ka jingim jong ki.

ESEKIEL 20:13

Hynrei wat ha ka ri shyiap ki la ïaleh pyrshah ïa nga. Ki la pynkheiñ ïa ki aiñ jong nga bad ki la kyntait ïa ki hukum jong nga, kiba wallam jingim ïa uno uno uba kohnguh ïa ki. Ki la pyntngit khoit ïa ka Sabbaton. Nga la kloi ban shah ïa ki ban sngew ïa ka jingbitar jong nga hangta ha ka ri shyiap bad ban pynjot ïa ki.

ESEKIEL 20:16

Nga la pynlong ka jingkular namar ba ki la kyntait ïa ki hukum jong nga, ki la pynkheiñ ïa ki aiñ jong nga, bad ki la pyntngit ïa ka Sabbaton — ki la kham jied ban mane ïa ki bleithaw.

ESEKIEL 20:18

Pynban, nga la maham ïa ki samla hapdeng jong ki: Wat sumar ïa ki aiñ kiba ki kpa tymmen jong phi ki thaw; wat bud ïa ki rukom jong ki lane pyntngit ïa lade da ki bleithaw jong ki.

ESEKIEL 20:24

Nga la leh ïa kane namar ba ki la lah kyntait ïa ki hukum jong nga, ki la pynkheiñ ïa ki aiñ jong nga, ki la pyntngit ïa ka Sabbaton, bad mane ïa kijuh ki bleithaw kiba ki kpa tymmen jong ki, ki la shakri.

ESEKIEL 20:30

Mynta to ïathuh ïa ki Israel ïa kaei kaba ma nga, U Trai Nongsynshar nga ong: Balei phi dei ban leh ïa kijuh ki pop kiba ki kpa jong phi ki la leh bad ba phi ïabud nadien ki bleithaw jong ki?

ESEKIEL 22:28

Ki nongïathuhlypa ki la buhrieh ïa la ki pop kum kito kiba tap ïa ka kynroh da ka pushara lieh. Ki ïohi ïa ki jingïohipaw ba bakla bad ki pynmih la ki jong jingïathuhlypa ba bakla. Ki kam ba ki kren ïa ka ktien jong U Trai Nongsynshar, hynrei ma nga, U Trai, ngam shym la kren ha ki.

ESEKIEL 22:8

Phim don jingburom ïa ki jaka bakhuid, bad phim sumar ïa ka Sabbaton.

HOSIA 12:2

U Trai u don ka jingmudui ban wanlam pyrshah ïa ki paid Judah; un pynshitom ruh ïa ka Israel na ka bynta ka rukom leh ki briew jong ka. Un ainong ïa ki na ka bynta kaei ba ki la leh.

HOSIA 12:3

U kpa tymmen jong ki u Jakob u la ïaleh ïa u hynmen synrap jong u, u Iso, katba baroh ar ngut ki dang don hapoh ka kpoh ka kmie jong ki; haba u Jakob u la nang san, u ïaleh pyrshah ïa U Blei —

HOSIA 6:11

“Bad na ka bynta jong phi, ki paid Judah, nga la buh ka por ban pynshitom ïa phi ruh na ka bynta kaei kaba phi leh.

AMOS 1:3

U Trai u ong, “Ki briew jong ka Damaskos ki ïai leh pop, bad na ka bynta kane ngan pynshitom da shisha ïa ki; ki la shohbeiñ ïa ki briew ka Gilead da ka kam runar ba khleh bieit.

AMOS 3:2

“Na baroh ki jaitbynriew ha ka pyrthei, phi long tang kawei kaba nga la ithuh bad sumar. Kata ka long kaei kaba la pynlong ïa ki pop jong phi kiba shyrkhei, bad kata ka long balei ba nga dei ban pynshitom ïa phi na ka bynta jong phi.”

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

HABAKKUK 2:18

Kaei ka jingdonkam jong ka bleithaw? Ka long tang kaei kaei kaba la thaw da u briew, bad kam kren ei ei hynrei ka shukor. Kaei kaba bha ba ka leh ïa u nongthaw ba un shaniah ha ka — U Blei u bym lah wat ban kren!

Ka Shithi U Paul Sha Ki Nong Rom 1:25

Ki bujli ïa ka jingshisha U Blei da ka jinglamler; ki mane bad shakri ïa kaei kaba U Blei u la thaw, ha ka jaka ban mane bad shakri ïa U Nongthaw hi, ïa uba dei ban ïaroh junom! Amen.

1 THESSALONI 4:8

Kumta te, uno uno uba kyntait ïa kane ka jinghikai, um kyntait ïa u briew, hynrei ïa U Blei, uba ai ha phi ïa U Mynsiem Bakhuid jong u.

1 PETROS 1:18

Naba phi tip ïa kaei kaba la siew ban pyllaitluid ïa phi na ka rukom im bymmyntoi kaba la ïohpateng na ki kpa tymmen jong phi. Kam shym long kaei kaei ïa kaba lah ban pynjot, kum ka rupa ne ka ksiar;

NONGBISHAR 10:6

Sa shisien pat ki Israel ki la leh pop pyrshah ïa U Trai da kaba mane ïa ki Baal bad ïa ki Astarte, lem bad ïa ki blei jong ki Syria, jong ki Sidon, jong ki Moab, jong ki Ammon, bad jong ki Philistia. Ki la iehnoh ïa U Trai bad ki la sangeh ban mane ïa u.