AMOS 2:12 - Khasi CL Bible (BSI)

¹² Hynrei phi la pynlong ïa ki Nasir ban dih waiñ, bad phi la hukum ïa ki nongïathuhlypa ban ym kren ïa ka khubor jong nga.

KA BAIBL

¹² “Hynrei, phi la pyndih ïa ki Nasar da ka Waiñ; bad phi la hukum ïa ki nongïathuhlypa, phi ïa-ong, ‘Wat ïathuhlypa.’

AMOS 2:12 ပူးပေါင်းရင်းမြစ်များ

ISAÏAH 30:10

Ki ong ïa ki nongïathuhlypa ban sngap jar. Ki ong, “Wat kren ha ngi shaphang kaei kaba dei. Ïathuh ha ngi ïa kaei kaba ngi kwah ban ïohsngew. Ai ba ki jingïohi rngai jong ngi kin sah bad ngi.

JEREMAÏAH 11:21

Ki rangbah jong ka Anathoth ki la kwah ïa nga ban shah pynïap, bad ki la ong ïa nga ba kin pynïap ïa nga lada nga dang ïai pynbna ïa ka khubor jong U Trai.

JEREMAÏAH 35:5

Nangta nga la buh ïa ki khuri bad ki pliang ba la dap waiñ ha khmat ki Rekhab, bad nga ong ïa ki, “To dih waiñ khyndiat.”

AMOS 7:13

Wat ïathuhlypa shuh hangne ha Bethel. Kane ka dei ka jaka mane Blei jong u syiem, ka Templ jong ka hima.”

AMOS 7:16

Kumta mynta, to shahshkor ïa kaei kaba U Trai u ong. Me bthah ïa nga ban sangeh kaba ïathuhlypa, ban sangeh kaba kren lamwir pyrshah ïa ki briew ka Israel.

MIKAH 2:6

Ki briew ki ïalap ha nga bad ki ong, “Wat ïalap ha ngi. Wat ïalap shaphang kata baroh. U Blei un ym pynjahburom ïa ngi.

JINGKHEIÑ 6:2

ban ai ïa kine ki jingbthah ïa ki paid Israel. Uno uno napdeng jong phi, u shynrang ne ka kynthei, kiba smai kyrpang ban long ki Nasir bad kiba pynkyntang ïa lade sha U Trai,

JINGKHEIÑ 6:3

ki dei ban kyndiah na ka waiñ bad ka kyiad. Phim dei ban dih ïa kano kano ka jingdih ba la shna na ki sohwaiñ, lane ban bam sohwaiñ, la uba dang shu kheit ne uba la thad rkhiang.