AMOS 2:11 - Khasi CL Bible (BSI)

¹¹ Nga la jied katto katne na ki khun shynrang jong phi ban long ki nongïathuhlypa, bad katto katne na ki samla shynrang jong phi ban long ki Nasir. Hato kane kam long kaba shisha, ko ki paid Israel? Ma nga, U Trai nga la kren.

KA BAIBL

¹¹ Bad nga la pynmih na ki khun shynrang jong phi ban long nongïathuhlypa, bad na ki samla jong phi ki ban long ki Nasar. Hato kam long kumta, A phi ki khun Israel?” ong U Trai.

AMOS 2:11 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

1 SYIEM 18:4

bad haba ka Jesebel ka dang pynïap ïa ki nongïathuhlypa jong U Trai, u Obadaïah u la shim bad pynrieh ïa ki shispah ngut ki nongïathuhlypa ha ki krem, da kaba phiah ïa ki ha ki ar kynhun kiba sanphew ngut ha kawei kawei ka kynhun, bad u la pynbiang jingbam bad um ïa ki.)

1 SYIEM 19:16

pynsleh ïa u Jehu u khun jong u Nimshi kum u syiem ka Israel, bad pynsleh ïa u Elisha u khun jong u Shaphat na Abel Meholah ban long nongïathuhlypa hadien jong me.

1 SYIEM 20:13

Ha kajuh ka por, u nongïathuhlypa u leit sha u syiem Ahab, bad u la ong, “U Trai u ong, ‘Wat sheptieng ïa katai ka kynhun shipai kaba heh! Ngan ai jingjop ïa me halor jong ka mynta ka sngi, bad men ïoh tip ba nga dei U Trai.’ ”

1 SYIEM 20:35

Ha ka hukum U Trai u dkhot jong ka kynhun ki nongïathuhlypa u hukum ïa la u para nongïathuhlypa ban shoh ïa u.

1 SYIEM 20:41

U nongïathuhlypa u tar ïa ka jaiñ na ka khmat jong u, bad kumta hi u syiem u ithuh ïa u bad u long uwei na ki nongïathuhlypa.

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

2 SYIEM 17:13

U Trai u phah ïa ki nonglamktien bad ki nongïathuhlypa ban maham ïa ki Israel bad Judah: “Iehnoh noh ïa ki lynti kynriang bad kohnguh ïa ki hukum jong nga, ïa kiba la don ha ka Aiñ kaba nga la ai ïa ki kpa tymmen jong phi bad kaba nga la aiti pateng ha phi lyngba ki shakri jong nga bad ki nongïathuhlypa.”

2 SYIEM 6:1

Ha kawei ka sngi, ka kynhun ki nongïathuhlypa ha kaba u Elisha u dei peit ïa ki, ki ud ha u, “Ka jaka ha kaba ngi shong ka long kaba rit than eh!

2 KHRONIKL 36:15

U Trai, U Blei ki kpa tymmen jong ki, u ïai phah ïa ki nongïathuhlypa ban maham ïa ki briew jong u, namar ba u kwah ban da ïa ki bad ïa ka templ.

JEREMAÏAH 11:21

Ki rangbah jong ka Anathoth ki la kwah ïa nga ban shah pynïap, bad ki la ong ïa nga ba kin pynïap ïa nga lada nga dang ïai pynbna ïa ka khubor jong U Trai.

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 2:5

U Trai u ong, “Kaei ka jingkynnoh ba ki kpa tymmen jong phi ki la wanrah pyrshah ïa nga? Kaei kaba pynlong ïa ki ban phai noh na nga? Ki la ïamane ïa ki bleithaw bymdondor ei ei bad ki hi ki la kylla long ki bymdondor.

JEREMAÏAH 26:11

Nangta ki lyngdoh bad ki nongïathuhlypa ki la ong ha ki nongïalam bad ha ki briew, “Une u briew u dei hok ban shah pynrem ban ïap namar ba u kren pyrshah ïa ka nongbah jong ngi. Phi la ïohsngew ïa u da la ki jong ki shkor.”

JEREMAÏAH 7:25

Naduh ka sngi ba ki kpa tymmen jong phi ki la mihnoh na Ijipt haduh kane hi ka sngi, nga la ïai phah ïa ki shakri jong nga, ki nongïathuhlypa, sha phi.

SNGEWSYNEI 4:7

Ki khun syiem shynrang jong ngi ki long ki bym bit tngit bad kiba khuid kum ka ïor, kiba koit bakhiah bad kiba khlaiñ, kiba phyrnai da ka jingkoit jingkhiah.

MIKAH 2:6

Ki briew ki ïalap ha nga bad ki ong, “Wat ïalap ha ngi. Wat ïalap shaphang kata baroh. U Blei un ym pynjahburom ïa ngi.

KI KAM 4:18

Kumta ki la khot biang ïa ki shapoh bad ki la ong ïa ki ba kim dei da lei lei ban kren lane hikai ha ka kyrteng jong U Jisu.

KI KAM 5:28

“Ngi la ai ha phi ïa ki hukum bapyrkhing ban ym hikai ha ka kyrteng jong une u briew,” u la ong; “hynrei peit kaei kaba phi la leh! Phi la pynphriang ïa ka jinghikai jong phi kylleng ka Jerusalem, bad phi kwah ban pynlong ïa ngi kiba kitkhlieh na ka bynta ka jingïap jong u!”

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

DEUTERONOMI 18:18

Ngan phah ha ki ïa u nongïathuhlypa uba kum ma me napdeng ki para jait jong ki hi; ngan sa ïathuh ha u aïu un ong, bad un kren ha ki briew kat ïa kaba nga hukum.

1 SAMUEL 19:20

Ki ïohi ïa ka kynhun ki nongïathuhlypa ba ki ïashad bad ki ïarisa, lem bad ïa u Samuel uba u ïalam na khmat. Nangta U Mynsiem U Blei u wan hiar tyllep ha ki rangbah jong u Saul, bad ki ruh ki sdang ban ïashad bad ïarisa.

1 SAMUEL 3:20

Te ki Israel baroh, naduh kawei ka tduh jong ka ri haduh kawei pat ka tduh, ki tip ba u Samuel u long shisha u nongïathuhlypa jong U Trai.