AMOS 1:6 - Khasi CL Bible (BSI)

⁶ U Trai u ong, “Ki briew ka Gasa ki la ïai leh pop, bad na ka bynta kane ngan pynshitom da shisha ïa ki. Ki la ring ïa u paidbah baroh bad die noh ïa ki kum ki mraw ha ki briew ka Edom.

KA BAIBL

⁶ Kumne u ong U Trai: “Namar lai tylli ki jingryngkang ka Gasa, shisha, namar saw tylli, ngan ym pynphai noh ïa ka jingpynshitom na ka; namar ki la ring mraw ïa u paidbah baroh, ban aiti noh ïa ki ha u Edom:

AMOS 1:6 ပူးပေါင်းရင်းမြစ်များ

2 KHRONIKL 28:18

Ha kane kajuh ka por ki Philistia ruh ki hiarthma ïa ki shnong kiba ha ki kjat lum kiba shaphang sepngi bad ïa ka Judah bashaphang shathie. Ki la ïohknieh ïa ki nongbah jong ka Beth Shemesh, ka Aijalon, bad ïa ka Gederoth, bad ruh ïa ki nongbah jong ka Soko, ka Timnah, bad ka Gimso lem bad ki nongrit jong ki, bad ki shongduh hangta.

JEREMAÏAH 47:1

Ha shuwa ba u syiem jong ka Ijipt un tur ïaleh ïa ka Gasa, U Trai u la kren ha nga shaphang ka Philistia.

ESEKIEL 35:5

“Me la long u nongshun baïaineh ka Israel bad me shah ba ki briew jong ka kin shah pynïap ha ka por ka jingjynjar jong ka, ka por jong ka jingshah pynshitom bakhatduh namar ki pop jong ka.

JOEL 3:4

“Kaei kaba phi pyrshang ban leh ïa nga, ko Tyros bad Sidon, bad baroh ki jaka jong ka Philistia? Hato phi pyrshang ban siew pat ïa nga na ka bynta kaei kaei? Lada phi leh kumta, ngan siew kylliang kloi kloi pat ïa phi!

JOEL 3:6

Phi la rah noh ïa ki briew ka Judah bad Jerusalem jngai na ka ri jong ki hi bad die ïa ki ha ki Grik.

AMOS 1:11

U Trai u ong, “Ki briew ka Edom ki la ïai leh pop, bad na ka bynta kane ngan pynshitom da shisha ïa ki. Ki la beh krad ïa la ki hynmen ki para, ïa ki Israel bad khlem da pyn-i jingisynei ïa ki. Ka jingbitar jong ki kam don pud bad kim shah ba kin ïap.

AMOS 1:3

U Trai u ong, “Ki briew jong ka Damaskos ki ïai leh pop, bad na ka bynta kane ngan pynshitom da shisha ïa ki; ki la shohbeiñ ïa ki briew ka Gilead da ka kam runar ba khleh bieit.

AMOS 1:7

Kumta ngan phah ka ding ha ki kynroh nongbah ka Gasa, bad kan thang duh ïa ki kut jong ka.

AMOS 1:9

U Trai u ong, “Ki briew ka Tyros ki la ïai leh pop, bad na ka bynta kane ngan pynshitom da shisha ïa ki. Ki la ring ïa u paidbah baroh sha ka jinglongmraw ha ka ri ki Edom, bad kim shym bat ïa ka jutang ka jingïalong paralok ba ki la ïateh.

OBADAÏAH 1:11

Pha ïeng sharud ha kata ka sngi haba ki nongshun ki pynpra ïa ki khyrdop jong ki. Pha la long kaba sniew kum kito ki nongwei kiba rah noh ïa ka spah jong ka Jerusalem bad pynbynta ïa ka hapdeng jong ki hi.

SEKHARAÏAH 9:5

Ka nongbah Ashkelon kan ïohi ïa kane bad kan sheptieng. Ka nongbah Gasa kan ïohi ïa kane bad kan shah ka jingshitom bakhraw. Kumta ruh kan long ka Ekron, bad ïa ki jingkyrmen jong ka yn pynkhynñiuh. Ka Gasa kan duh noh ïa u syiem jong ka, bad ïa ka Ashkelon yn ieh kynjah.

KI KAM 8:26

U angel jong U Trai u la ong ha u Philip, “To khreh bad leit shaphang shathie sha kata ka lynti kaba leit na Jerusalem sha Gasa.” (Kane ka long ka lynti ka bym ju pyndonkam shuh mynta.)

1 SAMUEL 6:17

Kine ki dur u thung kiba da ka ksiar ba ki Philistia ki phah pat kum ka jingainguh namar ka jingpalat sha U Trai ki long na ka bynta kawei pa kawei ka shnong: Ka Ashdod, ka Gasa, ka Ashkelon, ka Gath, bad ka Ekron.