AMOS 1:5 - Khasi CL Bible (BSI)

⁵ Ngan pynkheiñ ïa ki khyrdop nongbah ka Damaskos, bad ngan weng ïa ki nongshong shnong jong ka Them Aben, bad ïa u nongsynshar ka Betheden. Ki briew ka Syria kin shah ring kum ki koidi sha ri Kir.”

KA BAIBL

⁵ Bad ngan pynkheiñ ïa u narkhang khyrdop ka Damaskos, bad ngan pom noh ïa uta uba shong ha Ka Them Aben, bad ïa uta uba bat ïa u dieng synshar na ka ïing Eden: bad u paidlang ka Syria un leit shong mraw haduh Kir,” ong U Trai.

AMOS 1:5 ပူးပေါင်းရင်းမြစ်များ

2 SYIEM 14:28

Baroh kiei kiei kiba u Jeroboam Uba Ar u la leh, ki thma bashlur jong u, bad kumno u pynïoh pat ïa ka Damaskos bad ka Hamath sha ki Israel, la buh jingthoh ha Ka Histori Jong Ki Syiem Ka Israel.

2 SYIEM 16:9

U Tiglath Pileser, haba jubab ïa ka jingkyrpad u Ahas, u tur sha khmat bad la ka kynhun shipai pyrshah ïa ka Damaskos, u kurup ïa ka, u pynïap ïa u syiem Resin, bad u ïalam koidi ïa ki briew sha Kir.

ISAÏAH 22:6

Ki shipai na ka ri Elam ki la wan da kaba shong halor ki kulai, ki da kieng atiar da ki ryntieh bad ki khnam. Ki shipai na ka ri Kir ki la khreh ïa ki stieh jong ki.

ISAÏAH 43:14

U Blei uba khuid ki Israel, U Trai uba pynim ïa phi u ong, “Ban pynim ïa phi, ngan phah ïa ka kynhun shipai pyrshah ïa ka Babilon; ngan pynpait ïa ki khyrdop ka nongbah, bad ki jingrisa jong ki briew jong ka kin kylla jingïam.

ISAÏAH 8:4

Ha shuwa ba u khynnah un heh un san ban ong ‘Mei’ bad ‘Pa’, ïa ka spah baroh jong ka Damaskos bad ïa ka mar lute baroh jong ka Samaria yn kit noh da u patsha ka Assyria.”

JEREMAÏAH 50:36

Ka Jingïap ïa ki nongïathuhlypa bashukor jong ka — katno ki long kiba bieit! Ka Jingïap ïa ki shipai jong ka — katno ki long kiba sheptieng!

JEREMAÏAH 51:30

Ki shipai Babilonia ki la sangeh ban ïaleh bad ki sah ha ki kut jong ki. Ki la duh noh ïa ka jingshlur jong ki bad ki la long kum ki kynthei. Ïa ki khyrdop jong ka nongbah la pynpra, bad ki ïing ki don ha ka jingpluh.

SNGEWSYNEI 2:9

Ki khyrdop ki la shah tep ha ka kynton ba la pra, ïa ki nar ker jong ki la shoh lyngkhot. U syiem bad ki riewdonburom mynta ki don ha ka jingshah ringmraw. Ïa ka Aiñ ym shym la hikai shuh, bad ki nongïathuhlypa kim don shuh kino kino ki jingïohipaw na U Trai.

ESEKIEL 27:23

Ki nongbah ka Haran, Kanneh, bad Eden, ki nongkhaïi ka Sheba, ki nongbah ka Asshur bad Khilmad — baroh ki ïakhaïi pateng bad pha.

ESEKIEL 30:17

Ki samla shynrang jong ki nongbah ka Heliopolis bad Bubastis kin ïap ha ka thma, bad kiwei ki briew kin shah rah kum ki koidi.

HOSIA 10:8

Ïa ki jaka mane blei ha kliar lum Aben, ha kiba ki paid Israel ki mane ïa ki bleithaw, yn pynjot noh. Ki shiah bad ki ñiut kin san ha ki duwan jong ki; ki briew kin sa pyrta ha ki lumbah, “To buhrieh ïa ngi!” bad ha ki lumrit, “To tap ïa ngi.”

AMOS 5:5

Wat leit sha Beersheba ban mane Blei. Wat pyrshang ban wad ïa nga ha Bethel — ka Bethel kan ym long ei ei. Wat leit sha Gilgal — ïa ki briew jong ka la tim ba kin shah ringmraw.”

AMOS 9:7

U Trai u ong, “Ko ki paid Israel, nga da pyrkhat ïa ki briew ka Sudan kumba nga leh ïa phi. Nga la wallam ïa ki nong Philistia na Krit bad ïa ki nong Syria na Kir, kumba nga la wallam ïa phi na Ijipt.

NAHUM 3:13

Ki shipai jong pha ki long kum ki kynthei, bad ka ri jong pha ka ïeng khlem ka jingïada ha khmat ki nongshun jong pha. Ka ding kan pynjot ïa ki dieng khang khyrdop jong pha.