AMOS 1:3 - Khasi CL Bible (BSI)

³ U Trai u ong, “Ki briew jong ka Damaskos ki ïai leh pop, bad na ka bynta kane ngan pynshitom da shisha ïa ki; ki la shohbeiñ ïa ki briew ka Gilead da ka kam runar ba khleh bieit.

KA BAIBL

³ Kumne u ong U Trai: “Namar lai tylli ki jingryngkang ka Damaskos, shisha, namar saw tylli, ngan ym pynphai noh ïa ka jingpynshitom na ka; namar ki la shoh ïa ka Gilead da ki tiar shoh kba kiba da u nar:

AMOS 1:3 ပူးပေါင်းရင်းမြစ်များ

1 SYIEM 19:17

Uno uno uba dang lait im na ka jingshah pynïap ha u Hasael, un shah pynïap ha u Jehu, bad uno uno uba lait im na ka jingshah pynïap ha u Jehu un shah pynïap ha u Elisha.

2 SYIEM 13:3

Kumta U Trai u bitar ïa ki Israel, bad u shah ïa u Hasael u syiem ka Syria bad u khun jong u, u Benhadad ban jop ïa ki Israel na ka por sha ka por.

2 SYIEM 13:7

U Jehoahas um don ki shipai kieng atiar kiba dang sah, lait sa tang ki sanphew ngut ki shipai shong kulai, shiphew tylli ki kali ïapom, bad shiphew hajar ngut ki shipai ïaid kjat, namar u syiem ka Syria u la pynjot ïa kiwei, da kaba ïuh halor jong ki kum ïa u pui pui.

2 SYIEM 16:9

U Tiglath Pileser, haba jubab ïa ka jingkyrpad u Ahas, u tur sha khmat bad la ka kynhun shipai pyrshah ïa ka Damaskos, u kurup ïa ka, u pynïap ïa u syiem Resin, bad u ïalam koidi ïa ki briew sha Kir.

2 SYIEM 8:12

“Balei kynrad phi ïam?” u Hasael u kylli. U Elisha u jubab, “Namar ba nga tip ïa kiei kiei kiba shyrkhei kiba men leh pyrshah ïa ki paid Israel.” “Men sa wiang ding ïa ki kut jong ki, men sa pynïap ïa ki rangsamla bakynsai jong ki, men sa lynthaw ïa ki khun rit jong ki ha ban da ïap, bad men sa patar ïa ki kynthei jong ki kiba armet.”

Ka Kitab U Job 19:3

Na kawei ka por sha kawei pat phi pynjahburom ïa nga bad phim don ka jinglehrain haba phi krenbeiñ ïa nga.

Ka Kitab U Job 5:19

Na kawei ka por sha kawei pat un pyllait im ïa me na ka jingma;

PROBERB 6:16

Don hynñiew tylli kiei kiei kiba U Trai u isih bad um lah shah: Ka khmat kaba i-meng, u thylliej uba lamler, ki kti kiba pynïap ïa ki briew kiba lui lui, ka jingmut kaba pyrkhat ïa ki jingthmu basniew, ki kjat kiba kloi ban leh sniew, u sakhi uba ïathuh lamler kawei hadien kawei pat, bad u briew uba pynmih jingïakajia hapdeng ki paralok.

EKLESIASTIS 11:2

Buh ïa ki jingthep pisa jong phi ha ki jaka babun — wat ha kiba bun ki jaka — namar ba phim tip da lei lei ka jait jingsniewbok aïu kaba phin ïoh ha kane ka pyrthei.

ISAÏAH 28:27

Um ju pyndonkam da u diengtied uba khia ban shoh ïa ki symbai dil ne kumin; hynrei u pyndonkam da ki dieng kiba sting kiba biang ka jingheh.

ISAÏAH 41:15

Ngan pynlong ïa me kum ka kor khlur-kba, lem bad ki bniat kiba thymmai banep. Men tylliat ïa ki lumbah bad pynlwet ïa ki; ki lumrit kin lwet kum u pui pui.

ISAÏAH 7:16

Wat ha shuwa ba kata ka por kan wan, ïa ki ri jong kito ki ar ngut ki syiem kiba la pynshyrkhei ïa phi yn iehnoh.

ISAÏAH 7:8

Balei? Namar ba ka Syria kam long kaba kham khlaiñ ban ïa ka Damaskos, ka nongbah jong ka, bad ka Damaskos kam long kaba kham khlaiñ ban ïa u Syiem Resin. Katba ïa ka Israel, hapoh ki hynriewphew san snem yn sa pynkhynñiuh ïa ka ruh ban lait im kum ka jaitbynriew.

ISAÏAH 8:4

Ha shuwa ba u khynnah un heh un san ban ong ‘Mei’ bad ‘Pa’, ïa ka spah baroh jong ka Damaskos bad ïa ka mar lute baroh jong ka Samaria yn kit noh da u patsha ka Assyria.”

AMOS 1:11

U Trai u ong, “Ki briew ka Edom ki la ïai leh pop, bad na ka bynta kane ngan pynshitom da shisha ïa ki. Ki la beh krad ïa la ki hynmen ki para, ïa ki Israel bad khlem da pyn-i jingisynei ïa ki. Ka jingbitar jong ki kam don pud bad kim shah ba kin ïap.

AMOS 1:13

U Trai u ong, “Ki briew ka Ammon ki la ïai leh pop, bad na ka bynta kane ngan pynshitom da shisha ïa ki. Ha ki thma jong ki ban pynïoh bun ki jaka, ki la puid wat ïa ki kynthei kiba punkhun ha Gilead.

AMOS 1:6

U Trai u ong, “Ki briew ka Gasa ki la ïai leh pop, bad na ka bynta kane ngan pynshitom da shisha ïa ki. Ki la ring ïa u paidbah baroh bad die noh ïa ki kum ki mraw ha ki briew ka Edom.

AMOS 1:9

U Trai u ong, “Ki briew ka Tyros ki la ïai leh pop, bad na ka bynta kane ngan pynshitom da shisha ïa ki. Ki la ring ïa u paidbah baroh sha ka jinglongmraw ha ka ri ki Edom, bad kim shym bat ïa ka jutang ka jingïalong paralok ba ki la ïateh.

AMOS 2:1

U Trai u ong, “Ki briew jong ka Moab ki la ïai leh pop, bad na ka bynta kane ngan pynshitom da shisha ïa ki. Kim shym burom ïa ki shyieng u syiem Edom da kaba thang haduh ba kin da kylla dpei.

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

AMOS 2:6

U Trai u ong, “Ki paid Israel ki la ïai leh pop, bad na ka bynta kane ngan pynshitom da shisha ïa ki. Ki die sha ka jinglongmraw ïa ki briew kiba hok ki bym lah siew pat ïa ki ram jong ki, ki briew kiba duk ki bym lah siew pat wat ïa ka dor shi jur ki juti.

SEKHARAÏAH 9:1

Kane ka long ka khubor jong U Trai: U la rai pynshitom ïa ka ri Hadrakh bad ïa ka nongbah Damaskos. Ym tang ki jait Israel hynrei ka nongbah Syria ruh ka long ka jong U Trai.

SEKHARAÏAH 9:2

Ka Hamath, kaba ïakhap pud bad ka Hadrakh, ka long ruh ka jong u, bad kumta ruh ki long ki nongbah Tyros bad Sidon, lem bad ki jingtbit jong ki baroh.