AMOS 1:14 - Khasi CL Bible (BSI)

¹⁴ Kumta ngan phah ka ding ha ki kynroh ka nongbah Rabbah, bad kan thang duh ïa ki kut jong ka. Te kan don ki jingkhynwin ha ka sngi ïaleh thma, bad ka jingïaleh kaba jur kum ka 'erlangthari.

KA BAIBL

¹⁴ hynrei, ngan pynmeh ïa ka ding ha ka kynroh ka Rabbah, te kan bam duh ïa ki ïingbah jong ka, da ka jingkhynwin ha ka sngi ka thma, da ka 'erïong ha ka sngi ka lyer langthari:

AMOS 1:14 ပူးပေါင်းရင်းမြစ်များ

2 SAMUEL 11:1

Ha ka pyrem kaba bud, ha ka por jong ka snem haba ki syiem ki ju leit sha ka thma, u Dabid u la phah ïa u Joab lem bad ki rangbah pynïaidkam jong u bad ka kynhun shipai Israel; ki la jop ïa ki Ammon bad ki la kerkut ïa ka nongbah Rabbah. Hynrei u Dabid hi u la sah ha Jerusalem.

2 SAMUEL 12:26

Ha kajuh ka por u Joab u nang bteng ïa ka jingïaleh pyrshah ïa ka Rabbah, ka nongbah jong ki Ammon, bad u la jan ïohknieh ïa ka.

2 SAMUEL 12:31

bad u la pyntrei ïa ki briew jong ka ha ki kurat, ki mohkhiew, bad ki sdie nar, bad u la pynbor ïa ki ban trei ha kaba shna maw-it. U la leh kumjuh ïa ki briew jong kiwei pat ki nongrit jong ka Ammon baroh. Nangta ma u lem bad ki rangbah jong u ki la leit phai sha Jerusalem.

1 KHRONIKL 20:1

Ha ka pyrem kaba bud, ha ka por jong ka snem kaba ki syiem ki ju leit ïaleh thma, u Joab u ïalam ïa ka kynhun shipai bad hiarthma ïa ka ri jong ki Ammon; u syiem Dabid, pat u sah ha Jerusalem. Ki kerkut ïa ka nongbah Rabbah, ki tur ïaleh, bad pynjot ïa ka.

Ka Kitab U Job 39:25

Ha man ba riew ka turoi ki pah sngewshyrkhei; ki lah ban iw ïa ka thma ha shuwa ba kin poi hajan, bad ki sngew ïa ka sur hukum jong ki rangbah shipai.

SALM 83:15

to beh krad ïa ki da ka 'erïong jong me, bad pynsheptieng ïa ki da ka 'erlangthari jong me.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ISAÏAH 30:30

U Trai un shah ïa baroh ban ïohsngew ïa ka sur bamaïan jong u bad ïa ka bor jong ka jingbitar jong u. Kin don ki thylliej ding, ki jingjur eh u slap, ki phria bad u slap khlem sangeh.

ISAÏAH 9:5

Ïa ki juti jong ka kynhun shipai kaba hiarthma bad ïa ki jaiñ baroh kiba khah snam yn pynjot thiaw da ka ding.

JEREMAÏAH 23:19

Ka jingbitar jong U ka long ka 'erïong, ka 'erlangthari ka ban khih bitar halor ki khlieh jong ki bymman,

JEREMAÏAH 49:2

Hynrei ka por ka poi haba ngan pynlong ïa ki briew jong ka nongbah Rabbah ban ïohsngew ïa ka jingsawa jong ka thma, bad yn ieh ïa ka ha ka jingjot bad ïa ki nongrit jong ka ban thang haduh khyndew. Nangta ki Israel kin shim pat ïa la ka jaka na kito kiba la shim ïa ka na ki.

ESEKIEL 21:20

Kawei ka dak kan pyn-i ïa u syiem ïa ka lynti sha Rabbah ka nongbah ki Ammon, bad kawei pat ka lynti sha Judah, sha Jerusalem ka nongbah ba la ker kynroh.

ESEKIEL 21:22

Mynta! Ka kti kamon jong u ka bat ïa ka jingkdew ba la thoh ‘Jerusalem’! Ka ïathuh ïa u ban leit bad buh ïa ki dieng tyndung pynpra kynroh, ban pyrta ïa ka jingkyang thma, ban buh ïa ki dieng tyndung pynpra kynroh pyrshah ïa ki khyrdop, ban bret shajrong ïa ka khyndew ba la tih, bad ban tih ïa ki kharai.

ESEKIEL 21:25

“Me u nongsynshar uba bymman bad bymkhuid jong ki Israel, ka sngi jong me, ka sngi jong ka jingpynshitom ba kut, ka wan.

ESEKIEL 25:5

Ngan pynkylla ïa ka nongbah Rabbah sha ka jaka ba ri ïa ki ut, bad ïa ka ri ki Ammon baroh kawei sha ka jaka ban ri ïa ki langbrot, khnang ba phin tip ba nga long U Trai.

ESEKIEL 25:7

Namar ïa kaei kaba phi la leh, ngan aiti noh ïa phi sha ki kiwei ki jaitbynriew ki ban lute ïa phi bad pynjot ïa phi. Ngan pynjot lut ïa phi ba phin ym long shuh ka jaitbynriew lane ban don ka ri la ka jong. Te phin tip ba nga long U Trai.”

DANIEL 11:40

“Haba ka kynta kaba khatduh jong u syiem ka Syria ka la jan wan artat, u syiem ka Ijipt un tur ïaleh ïa u, bad u syiem ka Syria un ïaleh pyrshah da la ka bor baroh, da kaba pyndonkam ïa ki kali ïapom, ki kulai, bad ki liengbah kiba bun. Un hiarthma ïa kiba bun ki ri, kum ka jingshlei ki um.

AMOS 2:2

Ngan phah ka ding ha ka ri Moab bad kan thang duh ïa ki kut ka Kerioth. Ki briew ka Moab kin ïap hapdeng ka jingkhynwin jong ka thma katba ki shipai ki dang khynwin bad ki turoi ki dang sawa.

SEKHARAÏAH 7:14

Kum ka 'erïong nga la sar noh ïa ki ban shong ban sah ha ki ri nongwei. Ïa kane ka ri babha la iehnoh kynjah ïa ka, khlem don mano mano bashong ba sah hangta.”

DEUTERONOMI 3:11

(U Og u long u syiem uba khatduh na ki Rephaim. Ka jingthiah jong u, kaba la shna da u nar, ka long saw mitar ka lynter bad ar mitar ka pyngkiang, kat kum ka jingthew ba dei rukom. Dang lah ban ïohi ïa ka ha ka nongbah Rabbah jong ki Ammon.)