AMOS 1:13 - Khasi CL Bible (BSI)

¹³ U Trai u ong, “Ki briew ka Ammon ki la ïai leh pop, bad na ka bynta kane ngan pynshitom da shisha ïa ki. Ha ki thma jong ki ban pynïoh bun ki jaka, ki la puid wat ïa ki kynthei kiba punkhun ha Gilead.

KA BAIBL

¹³ Kumne u ong U Trai: “Namar lai tylli ki jingryngkang ki khun u Ammon, shisha, namar saw tylli, ngan ym pynphai noh ïa ka jingpynshitom na ka; namar ki la tar ïa ki kynthei bapunkhun jong ka Gilead, khnang ba kin ïoh pynïar ïa la ka pud:

AMOS 1:13 ပူးပေါင်းရင်းမြစ်များ

2 SAMUEL 12:31

bad u la pyntrei ïa ki briew jong ka ha ki kurat, ki mohkhiew, bad ki sdie nar, bad u la pynbor ïa ki ban trei ha kaba shna maw-it. U la leh kumjuh ïa ki briew jong kiwei pat ki nongrit jong ka Ammon baroh. Nangta ma u lem bad ki rangbah jong u ki la leit phai sha Jerusalem.

2 SYIEM 15:16

Katba u Menahem u dang don ha lynti na Tirsah, u pynjot thiaw ïa ka nongbah Tappuah, ki nongshong shnong jong ka, bad ki ri ba-marjan, namar ka nongbah kam shym pyndem wait ha u. U patar wat ïa ki kpoh jong ki kynthei ba-armet baroh.

2 SYIEM 24:2

U Trai u phah ïa ki kynhun kieng atiar jong ka Babilonia, ka Syria, ka Moab, bad ka Ammon pyrshah ïa u Jehoïakim ban pynjot ïa ka Judah, kumba U Trai u la ong lyngba ki nongïathuhlypa ki shakri jong u ba un leh.

2 SYIEM 8:12

“Balei kynrad phi ïam?” u Hasael u kylli. U Elisha u jubab, “Namar ba nga tip ïa kiei kiei kiba shyrkhei kiba men leh pyrshah ïa ki paid Israel.” “Men sa wiang ding ïa ki kut jong ki, men sa pynïap ïa ki rangsamla bakynsai jong ki, men sa lynthaw ïa ki khun rit jong ki ha ban da ïap, bad men sa patar ïa ki kynthei jong ki kiba armet.”

2 KHRONIKL 20:1

Hadien katto katne por, ki kynhun shipai jong ka Moab bad ka Ammon, ryngkat bad kiba ïateh lok bad ki, ki Meun, ki hiarthma ïa ka Judah.

2 KHRONIKL 20:10

“Mynta ki briew jong ka Ammon, ka Moab bad ka Edom ki la tur ïaleh ïa ngi. Mynba ki kpa tymmen ki mihnoh na Ijipt, mem shym la shah ïa ki ban rung ha kito ki ri, kumta ba ki kpa tymmen jong ngi ki la hap ban ïaid sawdong jong ki bad mem shym la pynjot ïa ki.

NEHEMAÏAH 2:19

Haba u Sanballat, u Tobiah, bad u nong Arab uba kyrteng u Geshem ki la ïohsngew ïa kaei kaba ngi la thmu ban leh, ki rkhie ïa ngi bad ong, “Kaei kaba phi tharai phin leh? Hato phin ïaleh pyrshah ïa u patsha?”

SALM 83:7

ki briew jong ka Gebal, ki Ammon, bad ki Amalek, ki Philistia bad ki Tyros;

ISAÏAH 5:8

Phi long kiba la tim. Phi thied bun tylli ki ïing bad ki lyngkha ban bynrap shuh shuh ïa kito kiba phi la don lypa. Shen yn ym don jaka ïano ïano pat ban shong ban sah bad tang ma phi hi phin shong ha ka ri.

ESEKIEL 21:28

“Ko khun u briew, to ïathuhlypa. Pynbna ïa kaei kaba ma nga, U Trai Nongsynshar, nga ong ïa ki nong Ammon, kiba krenbeiñ ïa ki Israel. Ong ha ki: “ ‘Ka waitlam ka la kloi ban pynjot; ïa ka la pynphyrnai ban pynïap, ban thaba kum ka leilieh.

ESEKIEL 25:1

U Trai u la kren ha nga.

ESEKIEL 35:10

“Me la ong ba ki jaitbynriew baroh ar, ki Judah bad ki Israel, lem bad ki ri jong ki, ki long ki jong me bad ba men sa ïohkynti ïa ki, wat la ma nga, U Trai nga long U Blei jong ki.

HOSIA 13:16

Ïa ka Samaria yn pynshitom namar ka ïaleh pyrshah ïa nga. Ki briew jong ka kin ïap ha ka thma; ïa ki khunlung yn bret sha madan, ïa ki kynthei kiba punkhun yn patar.”

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

AMOS 1:3

U Trai u ong, “Ki briew jong ka Damaskos ki ïai leh pop, bad na ka bynta kane ngan pynshitom da shisha ïa ki; ki la shohbeiñ ïa ki briew ka Gilead da ka kam runar ba khleh bieit.

DEUTERONOMI 2:19

Te phin sa poi hajan ka ri ki Ammon, ki khun ki ksiew jong u Lot. Wat pynjynjar ïa ki lane ïaleh thma bad ki, namar ngan ym ai ei ei ïa phi na kata ka ri ïa kaba nga la ai ha ki.’ ”