AMOS 1:1 - Khasi CL Bible (BSI)

¹ Kine ki long ki ktien u Amos, u nongaplangbrot na ka shnong Tekoa. Ar snem shuwa u jumai, mynba u Ussaïah u long u syiem ka Judah, bad u Jeroboam u khun jong u Joash u long u syiem ka Israel, U Blei u la pynpaw ha u Amos ïa kine kiei kiei baroh shaphang ki Israel.

KA BAIBL

¹ Ki ktien u Amos, uba la long hapdeng ki nongaplangbrot ka Tekoa, kiba u la ïohi shaphang ki Israel ha ki sngi u Ussiah u syiem ka Judah, bad ha ki sngi u Jeroboam u khun u Joash u syiem ki Israel, ar snem shuwa u jumai.

AMOS 1:1 ပူးပေါင်းရင်းမြစ်များ

2 SAMUEL 14:2

kumta u phah khot ïa ka kynthei kaba sian kaba shong ha Tekoa. Haba ka la wan poi, u ong ha ka, “Leh mynleh kumba phi don ha kaba ïambriew; kup ïa ki jaiñ ïambriew, bad wat sad ïa la u shñiuh. Leh kum ka briew kaba la ïambriew la slem bah.

1 SYIEM 19:19

U Elijah u la mihnoh bad shem ïa u Elisha ba u dang pynlur ïa shi jur ki masi dab; la don khatwei jur ki masi dab kiba don ha ki lyngkor ha khmat jong u, bad u dang pynlur ïa kiba khatduh. U Elijah u la law noh ïa la ka barandi bad u la pynkup ha u Elisha.

2 SYIEM 14:21

Ki paidbah Judah te ki pynkup syiem ïa u khun jong u, u Ussaïah uba don khathynriew snem ka rta.

2 SYIEM 14:23

Ha ka snem kaba khatsan jong ka jingsynshar u Amasaïah u khun jong u Joash kum u syiem ka Judah, u Jeroboam u khun jong u Jehoash u long syiem ka Israel, bad u synshar sawphew wei snem ha Samaria.

2 KHRONIKL 11:6

ka Bethlehem, ka Etam, ka Tekoa, ka Bethsur, ka Soko, ka Adullam, ka Gath, ka Mareshah, ka Siph, ka Adoraim, ka Lakhish, ka Asekah, ka Sorah, ka Aijalon bad ka Hebron.

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

EKSODOS 3:1

Ha kawei ka sngi katba u Moses u dang ap ïa ka kynhun langbrot jong u Jethro, u kthaw kurim jong u, u lyngdoh ka Midian, u ïalam ïa kata ka kynhun lyngba ka ri shyiap, bad u wan poi ha Sinai, u lum uba khuid.

ISAÏAH 1:1

Kane ka kitab ka don ki khubor shaphang ka Judah bad ka Jerusalem kaba U Blei u la pynpaw ha u Isaïah u khun jong u Amos ha ka por ha kaba u Ussaïah, u Jotham, u Ahas bad u Hesekaïah ki long ki syiem ka Judah.

JEREMAÏAH 1:1

Kane ka kitab ka dei ka jingïathuh ïa kaei kaba la kren da u Jeremaïah, u khun jong u Hilkaïah, uwei na ki lyngdoh jong ka shnong Anathoth ha ka thain Benjamin.

JEREMAÏAH 28:8

Ki nongïathuhlypa kiba la kren slem bah mynshuwa, ha shuwa ka por jong nga bad jong phi, ki la ïathuhlypa shaphang kata ka thma, ka jingïapthngan, bad ïa ka jingpang ki ban wan ha ki jaitbynriew babun bad ha ki hima bakhrawbor.

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

JEREMAÏAH 7:27

“Kumta, ko Jeremaïah, men kren ïa kine ki kyntien baroh ha ki briew jong nga, hynrei kin ym shahshkor ïa me; men khot ïa ki, hynrei kin ym jubab.

HOSIA 1:1

Kane ka long ka khubor ba U Trai u la ai ha u Hosia u khun jong u Beri, ha ki sngi mynba u Ussaïah, u Jotham, u Ahas, bad u Hesekaïah ki long ki syiem ha Judah, bad u Jeroboam u khun jong u Joash u long syiem ha Israel.

AMOS 7:14

U Amos u jubab, “Ngam dei kum uta u jait nongïathuhlypa, uba ïathuhlypa na ka bynta ban ïoh jingsiew. Nga dei u nongri jingri, bad nga sumar ïa ki dieng Dumbur.

MIKAH 1:1

Ha ka por ba u Jotham, u Ahas, bad u Hesekaïah ki la long ki syiem ka Judah, U Trai u la ai ïa kane ka khubor ha u Mikah, uba na ka shnong Moresheth. U Trai u la pynpaw ha u Mikah ïa kine kiei kiei baroh shaphang ka Samaria bad ka Jerusalem.

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

MATHAÏOS 4:18

Katba U Jisu u dang ïaid harud ka Duriaw Galilaïa, u la ïohi ïa ki ar ngut shi para kiba long ki nongtong dohkha, u Simon (ïa uba la khot u Petros) bad u para jong u, u Andriw, ba ki dang tong dohkha ha ka duriaw da ka jar.

1 KORINTH 1:27

U Blei u la jied khnang ïa kaei kaba ka pyrthei ka kheiñ ba ka long kaba ibieit khnang ban pynlehrain ïa kiba stad, bad u la jied ïa kaei kaba ka pyrthei ka kheiñ ba ka long kaba tlot khnang ban pynlehrain ïa kiba donbor.