2 TIMOTHI 4:7 - Khasi CL Bible (BSI)

⁷ Nga la ïaleh tyngeh ïa ka jingïamareh, nga la pyndep ïa ka jingïaphet, nga la ri ïa ka jingngeit.

KA BAIBL

⁷ Nga la ïaleh ïa kata ka jingïaleh babha, nga la pyndep ïa la ka jingphet, nga la ri ïa ka jingngeit.

2 TIMOTHI 4:7 ပူးပေါင်းရင်းမြစ်များ

PROBERB 23:23

Ka jingshisha, ka jingstad, ka jingtip bad ka jingshemphang — kine ki long kiba kordor ba phin siew, hynrei kiba shongdor rem ïa phi ban die.

JINGKHEIÑ 8:25

bad haba u la dap sanphew snem ka rta, un shongthait noh.

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

ÏOANNIS 17:6

“Nga la pynithuh ïa me ha kito ïa kiba me la ai ha nga na ka pyrthei. Ki la long ki jong me, bad me la ai ïa ki ha nga.

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

KI KAM 13:25

Bad haba u Ïoannis u la jan pyndep ïa la ka jingtrei, u la ong ha u paidbah, ‘Phi tharai ba nga dei uei? Ngam long uta uba phi ïa-ap khmih. Hynrei to shahshkor! U da wan hadien jong nga, bad ngam long uba bit ban loit ïa ki juti jong u na ki kjat jong u.’

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

GALATIA 2:2

Nga la leit namar U Blei u la pynpaw ha nga ba nga dei ban leit. Ha ka jingïakynduh bajar jar bad ki nongïalam, nga la batai ïa ka khubor ka Gospel ïa kaba nga ïalap ha ki Jentil. Ngam shym la kwah ba ka jingtrei jong nga kaba mynshuwa bad kaba mynta kin shu sep-ei.

PHILIPPI 1:30

Mynta phi lah ban ïashim bynta lem bad nga ha ka thma. Ka dei kajuh ka thma kaba phi la ïohi ïa nga ba nga la ïaleh ha ki por kiba mynshuwa, bad kumba phi ïohsngew, ïa kata kaba nga dang ïaleh haduh mynta.

1 TIMOTHI 1:18

Ko Timothi, u khun jong nga, nga pynkhamti ha me ïa kane ka hukum, kaba katba kum ki ktien jong ka jingïathuhlypa ba la kren shaphang jong me ha ka por kaba la leit.

1 TIMOTHI 6:12

To men mareh ïa kata ka jingmareh thong jong ka jingngeit, bad ïoh ïa ka jingim bymjukut ïa lade; naba sha kane ka jingim U Blei u la khot ïa me mynba me la phla shai ïa ka jingngeit jong me ha khmat ki sakhi kiba bun.

1 TIMOTHI 6:20

Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

2 TIMOTHI 1:14

Da ka bor jong U Mynsiem Bakhuid, uba im hapoh jong ngi, to sumar ïa kiei kiei kiba bha ïa kiba la pynkhamti ha me.

2 TIMOTHI 3:10

Hynrei ma me, me la bud ïa ka jinghikai jong nga, ka jinglong jingim jong nga, bad ka jingthmu jong nga ha ka jingim; me la khmih ïa ka jingngeit jong nga, ka jingïaishah jong nga, ka jingieit jong nga, ka jingïaineh jong nga, ka jingshah pynshitom jong nga, bad ki jingshah shitom jong nga.

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.

JINGPYNPAW 3:8

Nga tip ïa kaei kaba pha leh; nga tip ba pha don khyndiat ka bor; pha la bud ïa ka jinghikai jong nga bad pha la ïaineh ha nga. Nga la plie ïa ka jingkhang ha khmat jong pha, kaba ym don ba lah ban khang.

JINGPYNPAW 6:11

Ha uwei pa uwei na ki la ai ïa ka jaiñkup balieh, bad la ong ïa ki ba kin shongthait sa shipor, tad ynda la dep kheiñ lut ïa ki para shakri bad parabangeit kiba la shah pynïap, kumba la leh ïa ki.

NONGBISHAR 3:2

U la leh ïa kane khnang ban hikai ïa kawei pa kawei ka pateng jong ki Israel shaphang ka thma, khamtam ïa kito ki bym pat ju mad ïa ka thma mynshuwa.