2 TIMOTHI 4:5 - Khasi CL Bible (BSI)

⁵ Hynrei ma me to da sumar adkar ïa lade ha ki jingjia baroh; to ïaishah shitom, trei ïa ka kam u nongïalap jong ka Khubor Babha, bad to pyndep ïa la ka kam baroh kum u shakri jong U Blei.

KA BAIBL

⁵ Hynrei, ma me, to sharai ha kiei kiei baroh, to shah shitom, to leh ïa ka kam u nongïathuhkhana, to pyndep ïa kata ka kam jong me.

2 TIMOTHI 4:5 ပူးပေါင်းရင်းမြစ်များ

ISAÏAH 62:6

Ha ki kynroh jong pha, ko Jerusalem, nga la buh ïa ki nongap phira; mynsngi ne mynmiet kin ym sngap jar. Kin pynkynmaw ïa U Trai ïa ki kular jong u, bad kin ym shah ba un klet ïa ki.

JEREMAÏAH 6:17

Nangta U Trai un thung ki rangbah nongap phira ban shahshkor ïa ka jingmaham jong ka turoi. Hynrei ki ong, “Ngin ym shahshkor.”

ESEKIEL 3:17

“Ko khun u briew,” u ong, “ngan buh ïa me kum u nongap phira na ka bynta ka jaitbynriew Israel. Men pynsngew ha ki ïa ki jingmaham kiba nga ai ïa me.

ESEKIEL 33:2

“Ko khun u briew”, u la ong, ïathuh ha ki briew jong me ïa kaei kaba jia haba nga wanrah ïa ka thma ha ka ri. Ki briew ha kata ka ri ki jied ïa uwei napdeng jong ki ban long u nongap.

ESEKIEL 33:7

“Mynta, ko khun u briew, nga la pynlong ïa me u nongap ïa ka jaitbynriew Israel. Me dei ban pynpoi sha ki ïa ki jingmaham ba nga ai ha me.

MATHAÏOS 25:16

U shakri uba la ïohpdiang san hajar tylli ki sbai u la leit shisyndon bad u la khaïi ïa la ka pisa bad u la ïohnong sa san hajar.

MARKOS 13:34

Kan long kumba u briew uba mih na ïing ban leit jingleit, bad u iehnoh ha ki shakri ban khmih ïa ka kam, hadien ba u ai ha uwei pa uwei ïa ka kam jong u ban leh, bad hadien ba u ong ïa u nongap khyrdop ban peit bha.

MARKOS 13:37

Kaei kaba nga ong ïa phi, te, nga ong ïa baroh: To khmih bha!”

LOUKAS 12:37

A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki.

KI KAM 21:8

Ha ka sngi kaba bud ngi la mihnoh bad ngi la poi ha Kaisaria. Hangta ngi la sah ha ka ïing jong u Philip u ebanjelist, uwei na ki hynñiew ngut ki rangbah ba la jied kum ki nongïarap ha Jerusalem.

Ka Shithi U Paul Sha Ki Nong Rom 15:19

da ka bor jong ki kambah bad ki jingphylla, bad da ka bor jong U Mynsiem jong U Blei. Bad kumta, ha ka jingleit baroh shi lynter lynti naduh Jerusalem sha Illyrikom, nga la pynbna pura ïa ka Khubor Babha shaphang U Khrist.

EPHESOS 4:11

U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

EPHESOS 4:12

U la leh ïa kane ban pynkhreh ïa ki briew jong U Blei baroh na ka bynta ka kam jong ka jingshakri ba kynja mynsiem, khnang ban tei ïa ka met U Khrist.

KOLOSSAI 1:25

Bad ïa nga la pynlong u shakri jong ka balang da U Blei, uba la ai ha nga ïa kane ka kam ban trei na ka bynta ka jingbha jong phi. Ka long ka kam ban pynbna pura ïa ka khubor jong u,

KOLOSSAI 4:17

Bad ong ïa u Arkhippos, “Pynthikna ban pyndep ïa ka kam kaba la ai ha me ha ka jingshakri ïa U Trai.”

1 THESSALONI 5:6

Kumta te, ngim dei ban ïohthiah kum kiwei pat; ngi dei ban peitmat bad pyngngad.

1 TIMOTHI 4:12

Wat ai ïano ïano ban ñiewbeiñ ïa me namar ba me long uba dang samla, hynrei to long ka nuksa ïa ki bangeit ha ka ktien, ha ka jinglong jingim, ha ka jingieit, ha ka jingngeit, bad ka jinglongkhuid jong me.

1 TIMOTHI 4:15

To leh minot ha kine kiei kiei bad to aiti ïa lade ha ki, ba baroh kin ïohi ïa ka jingroi jong me.

2 TIMOTHI 1:8

Kumta wat sngewlehrain, ban sakhi na ka bynta U Trai jong ngi, lymne ban sngewlehrain ïa nga, u nongsah byndi na ka bynta U Khrist. Pynban, to shim ïa la ka bynta ha kaba shahshitom na ka bynta ka Khubor Babha, kumba U Blei u ai ïa me ka bor ban leh ïa ka.

2 TIMOTHI 2:10

Hynrei ka ktien jong U Blei kam shah teh ha ki kynjri, bad kumta nga ïaishah ha kiei kiei baroh na ka bynta ki briew ba la jied jong U Blei, khnang ba ma ki ruh kin ïohpdiang ïa ka jingpynim kaba wan lyngba U Khrist Jisu bad kaba wallam ïa ka burom bymjukut.

2 TIMOTHI 2:3

To shim bynta lem ha ka jingshah shitom, kum u shipai baïaineh jong U Khrist Jisu.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

HEBRU 13:17

To kohnguh ïa ki nongïalam jong phi da kaba bud ïa ki hukum jong ki. Ki sharai ïa ki mynsiem jong phi khlem da thait, namar ki dei ban ai jingkheiñ ïa ka kam jong ki sha U Blei. Lada phi kohnguh ïa ki, kin trei ïa ka kam da kaba kmen; lada phim kohnguh, kin trei ïa ka kam da kaba sngewsih, bad kata kan ym ïarap ïa phi.

1 PETROS 1:13

Kumta te, to ai ba ki jingmut jong phi kin pynkhreh ban treikam. To long adkar bad buh ïa ka jingngeit jong phi baroh phar ha ka jingkyrkhu ïa kaba yn sa ai ha phi haba ïa U Jisu Khrist yn pynpaw.

JINGPYNPAW 3:2

Kumta kyndit bynriew noh, bad pynkhlaiñ ïa kaei kaba pha dang don ha shuwa ba kan jah noh khoit. Naba nga shem ba kaei kaba pha la leh kam long kaba janai ha khmat jong U Blei jong nga.