2 TIMOTHI 4:3 - Khasi CL Bible (BSI)

³ Ka por kan sa poi haba ki briew kin ym shahshkor ïa ka jinghikai shongtynrai badei, hynrei kin kohnguh ïa la ki jingkwah bad kin nang pynbun ïa ki nonghikai ki ban ïathuh ha ki ïa kaei kaba ki shkor ba-dait jong ki, ki kwah ban ïohsngew.

KA BAIBL

³ Namar ka por kan jia, haba kin ym shahshkor ïa ka jinghikai bajanai; hynrei, haba ki don ki shkor ba-dait, kin ïakynton ha lade ïa ki nonghikai katba kum ki jingkwah brai jong ki hi;

2 TIMOTHI 4:3 ပူးပေါင်းရင်းမြစ်များ

1 SYIEM 18:22

Nangta u Elijah u ong, “Nga don sa tang ma nga u nongïathuhlypa jong U Trai uba dang sah, hynrei ki don sawspah sanphew ngut ki nongïathuhlypa jong u Baal.

1 SYIEM 22:18

U Ahab u ong ha u Jehoshaphat, “Hato ngam shym la ïathuh ïa phi ba um ju ïathuhlypa ei ei kaba bha ïa nga? Ka long borabor kaba sniew!”

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

EKSODOS 32:33

U Trai u la jubab, “Dei ïa kito kiba la leh pop pyrshah ïa nga kiba ngan weng noh ïa ki kyrteng jong ki na ka kitab jong nga.

ISAÏAH 28:12

U la ai ka jingshongthait bad ka jingjahthait ïa phi baroh, hynrei phi kyntait ban shahshkor ïa u.

ISAÏAH 30:10

Ki ong ïa ki nongïathuhlypa ban sngap jar. Ki ong, “Wat kren ha ngi shaphang kaei kaba dei. Ïathuh ha ngi ïa kaei kaba ngi kwah ban ïohsngew. Ai ba ki jingïohi rngai jong ngi kin sah bad ngi.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 27:9

Wat shahshkor ïa ki nongïathuhlypa jong phi lane ïa uno uno uba kam ba u lah ban ïathuh lypa ïa la lawei, la ka long da ki jingphohsniew lane da kaba khot ïa ki mynsiem jong kiba ïap lane da ka myntor. Ma ki baroh kim ong ïa phi ban pyndem ha u syiem jong ka Babilonia.

JEREMAÏAH 29:8

Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

LOUKAS 20:19

Ki nonghikai ka Hukum bad ki rangbah lyngdoh ki la pyrshang ban kem ïa U Jisu hangta hi, namar ki la tip ba u la ïathuh ïa kane ka pharshi pyrshah ïa ki; hynrei ki la ïasheptieng ïa ki paidbah.

LOUKAS 6:26

“Katno kaba shyrkhei haba baroh ki briew ki kren bha shaphang jong phi; ki kpa tymmen jong ki, ki la kren ïa kijuh kiei kiei shaphang ki nongïathuhlypa lamler.”

ÏOANNIS 8:45

Hynrei nga ïathuh ïa ka jingshisha, bad na kata ka daw balei ba phim ngeit ïa nga.

KI KAM 17:21

(Naba baroh ki traishnong jong ka Athens bad ki nongwei kiba shong basah hangta ki sngewtynnat ban pynlut ïa ka por jong ki baroh ha kaba ïathuh bad sngap ïa kaei kaei kaba thymmai tam.)

1 KORINTH 2:1

Haba nga la wan sha phi, ko parabangeit jong nga, ban ïalap ïa ka jingshisha barieh jong U Blei, ngam shym la pyndonkam da ki kyntien kiba eh bad ka jingtip kaba khraw.

GALATIA 4:16

Hato nga la kylla long mynta u nongshun jong phi da kaba ïathuh ha phi ïa ka jingshisha?

2 TIMOTHI 1:13

To batskhem ïa ki ktien bashisha kiba nga la hikai ïa me, kum ka nuksa ïa me ban bud, bad ban ïaisah ha ka jingngeit bad ka jingieit kiba long ki jong ngi ha U Khrist Jisu.

JUDAH 1:18

Ki la ong ha phi, “Haba ki sngi bakhatduh kin wan, kin mih ki briew ki ban krenbeiñ ïa phi, ki briew kiba ïaid katba kum ki jingkwah brai bymriewblei jong ki hi.”