2 TIMOTHI 4:18 - Khasi CL Bible (BSI)

¹⁸ Bad U Trai un pyllait im ïa nga na ka jingmynsaw baroh bad un ri pynim bad ïalam ïa nga sha ka hima jong u ha bneng.

KA BAIBL

¹⁸ Bad U Trai un pyllait ïa nga na ka jingleh basniew baroh, bad un ri pynim ïa nga sha kata ka hima jong u kaba ha bneng: ha uba to long ka burom ha la ka rta: Amen.

2 TIMOTHI 4:18 ပူးပေါင်းရင်းမြစ်များ

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

1 KHRONIKL 4:10

Hynrei u Jabes u la duwai ha U Blei ki Israel, “To kyrkhu ïa nga, A Blei, bad ai ha nga bun ka khyndew. To long bad nga bad sumar ïa nga na kano kano kaba sniew kaba lah ban pynshitom ïa nga.” Bad U Blei u la ai ha u ïa kaei kaba u la kyrpad.

SALM 121:7

U Trai un ïada ïa phi na ka jingma baroh; un sumar kyndong ïa phi.

SALM 37:28

Naba U Trai u ieit ïa kaei kaba dei; bad un ym iehnoh ïa ki briew jong u kiba ïaineh skhem. U ïada ïa ki junom, hynrei ïa ki khun ki ksiew jong ki bymman yn beh noh.

SALM 73:24

Me kdew lynti ïa nga da ka jingbthah jong me bad ha kaba kut men pdiang ïa nga da kaba donburom.

SALM 92:10

Me la pynlong ïa nga uba khlaiñ kum u masi prut; me la kyrkhu ïa nga da ka jingsuk.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

MATHAÏOS 13:43

Nangta ki briew jong U Blei kin tyngshaiñ kum ka sngi ha ka Hima jong U Kpa jong ki. To shahshkor, te, lada phi don ki shkor!

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

LOUKAS 11:4

To map ïa ki pop jong ngi, naba ngi map ïa uwei pa uwei uba leh bakla ïa ngi. Bad wat ïalam ïa ngi sha ka jingtynjuh kaba eh.’ ”

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

LOUKAS 22:29

bad kumba U Kpa jong nga u la ai ha nga ka bor ban synshar, kumta ngan ai ha phi ïa kajuh ka bor.

ÏOANNIS 17:15

Ngam kyrpad ba men shim noh ïa ki na ka pyrthei, hynrei nga da kyrpad ba men ri kyndong ïa ki na uta u bymman.

Ka Shithi U Paul Sha Ki Nong Rom 11:36

Naba ïa baroh kiei kiei la thaw da u, bad baroh kiei kiei ki long lyngba jong u bad na ka bynta jong u. Ha U Blei, to long ka burom junom! Amen.

Ka Shithi U Paul Sha Ki Nong Rom 16:27

Ha U Blei uba long tang ma u, uba tang ma u marwei uba stad baroh, to long ka burom lyngba U Jisu Khrist junom! Amen.

1 KORINTH 1:21

Naba U Blei ha ka jingstad jong u, um shym la pynlah ïa ki briew ban ithuh ïa u da ka jingstad jong ki hi. Pynban da kata kaba la khot ka khubor “ba-ibieit” kaba ngi ïalap, U Blei u la ibit ban pynim ïa kito kiba ngeit ïa ka.

1 KORINTH 10:13

Man la ka jingtynjuh kaba phi la mad ka long kata kaba ju wan ha ki briew. Hynrei U Blei u long uba bat ïa la ka kular, bad un ym shah ban tynjuh ïa phi sha palat ka bor jong phi ba phin ïoh ïaineh skhem; ha ka por ba phi shah tynjuh, un ai ha phi ïa ka bor ba phi lah ban shah ïa ka, bad kumta un thaw ïa ka lad ba phi lah ban lait na ka.

1 KORINTH 15:50

Kaei kaba nga mut, ko parabangeit, ka long ba kaei kaba la thaw da ka doh bad ka snam kam lah ban ïadon bynta ha ka Hima U Blei, bad kaei kaba dei ban ïap kan ym ïohkynti ïa ka jingbymïap shuh.

2 KORINTH 1:10

Na kiba kum kita ki jingma bashyrkhei jong ka jingïap u la pynim ïa ngi, bad un pynim ïa ngi; bad ngi la buh ïa ka jingkyrmen jong ngi ha u ba un pynim biang ïa ngi, kumba phi ïarap ïa ngi lyngba ki jingduwai lem jong phi na ka bynta jong ngi.

GALATIA 1:5

Ha U Blei long ka burom junom la junom! Amen.

1 THESSALONI 5:23

To U Blei uba ai ha ngi ka jingsuk un pynlong ïa phi kiba khuid ha ki liang baroh bad un sumar ïa ka longrynïeng jong phi — ka mynsiem, ka jingim, bad ka met — kaba lait na kano kano ka jingbakla ha ka jingwan jong U Jisu Khrist uba U Trai jong ngi.

2 THESSALONI 3:3

Hynrei U Trai u long uba ïaineh, bad un pynshaitbor ïa phi bad ri sumar ïa phi na Uta u Basniew.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

2 TIMOTHI 4:1

Ha khmat jong U Blei bad jong U Khrist Jisu, u ban sa bishar ïa kiba im bad ïa kiba ïap, bad namar ba un sa wan ban synshar kum u Syiem, nga kyrpad da kaba jai jai ïa me ba men ïalap ïa ka khubor, ban ïai kyntu ha kaba pynbna ïa ka (haba dei por ne ha bym dei por), ban pynkynduh, ban pynbeit bad ban pynshlur, da ka jingïaishah baroh haba me hikai.

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

HEBRU 12:22

Pynban, phi la wan sha u lum Seïon bad sha ka nongbah jong U Blei uba im, ka Jerusalem kaba kynja bneng, ha kaba la don bun hajar ki angel.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

1 PETROS 5:11

Ha u to ai ba kan long ka bor junom! Amen.

2 PETROS 1:11

Ha kane ka rukom, phin ïoh ïa ka hok ba-pura ban rung sha ka Hima bymjukut jong U Jisu Khrist uba U Trai bad U Nongpynim jong ngi.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.

JUDAH 1:1

Na u Judah, u shakri jong U Jisu Khrist, bad u para jong u Jakob — Sha kito kiba la khot da U Blei, kiba im hapoh ka jingieit jong U Blei U Kpa bad ha ka jingsumar U Jisu Khrist:

1 SAMUEL 17:37

U Trai uba la pyllait im ïa nga na ki sing bad na ki dngiem; un pyllait im ïa nga na une u Philistia.” “To kata,” u Saul u jubab. “Khie leit, bad U Trai un long ryngkat bad me.”

1 SAMUEL 25:39

Haba u Dabid u ïohsngew ba u Nabal u la ïap, u ong, “Ïaroh ïa U Trai! U la pynhiarkput ïa u Nabal namar ba u la ñiewbeiñ ïa nga, bad ba u la khang ïa nga u shakri jong u na kaba leh bakla. U Trai u la pynshitom ïa u Nabal namar ka jingbymman jong u.” Nangta u Dabid u phah ka jingtyrwa sha ka Abigail ban ïakyntiew kurim.