2 TIMOTHI 4:17 - Khasi CL Bible (BSI)

¹⁷ Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

KA BAIBL

¹⁷ Hynrei, U Trai u la ïeng hajan jong nga, bad u la ai bor ha nga; khang ba da nga yn ïoh pyndep biang ïa kata ka jingïalap, bad ba ki Jentil baroh kin ïohsngew: te la pyllait ïa nga na ka shyntur u sing.

2 TIMOTHI 4:17 ပူးပေါင်းရင်းမြစ်များ

SALM 109:31

namar u kyrshan ïa u briew uba duk bad u pynim ïa u na kito kiba pynrem ïa u sha ka jingïap.

SALM 22:21

Pyllait ïa nga na kine ki sing; ngam lah leh ei ei ha khmat kine ki masi prut.

PROBERB 20:2

To sheptieng ïa u syiem uba bitar kumba phi leh ïa u sing bakyrhuh; kaba pynbitar ïa u ka long kaba pynïap ïa lade.

PROBERB 28:15

Ki briew kiba duk ki long khlem jingïarap ha khmat u nongsynshar uba sniew; u long uba shyrkhei kum u sing uba kyrhuh ne ka dngiem kaba tur.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

DANIEL 6:22

U Blei u la phah ïa u angel jong u ban set ïa ki shyntur jong ki sing khnang ba kin ym pynmynsaw ïa nga. U la leh ïa kane namar u tip ba nga la long uba lui lui bad namar ba ngam shym la leh kano kano kaba bakla ïa phi, ko Syiem Kynrad.”

DANIEL 6:27

U pynim bad u pyllait im; u leh ïa ki jingphylla bad ki kambah ha bneng bad ha pyrthei. U la pynim ïa u Daniel na kaba shah pynïap ha ki sing.”

MATHAÏOS 10:19

Haba ki tian bishar ïa phi, wat khuslai shaphang kaei kaba phin ong lane kumno phin ong; haba ka por ka poi, yn sa ai ha phi ïa kaei kaba phin ong.

LOUKAS 1:1

Thiophilos badonburom: Bun ki briew ki la leh ïa kaba bha tam ban thoh ka jingïathuh ïa kiei kiei kiba la lah jia hapdeng jong ngi.

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

KI KAM 23:11

Ha kata ka miet U Trai u la ïeng hajan u Paul bad u la ong, “Wat sheptieng! Me la ai ka jingsakhi na ka bynta jong nga hangne ha Jerusalem, bad me dei ban leh kumjuh ruh ha Rom.”

KI KAM 9:15

U Trai u la ong ha u, “Khie leit, namar ba nga la jied ïa u ban shakri ïa nga, ban pyntip ïa ka kyrteng jong nga ha ki Jentil bad ha ki syiem bad ha ki paid Israel.

Ka Shithi U Paul Sha Ki Nong Rom 15:31

To duwai ba ngan lait na ka jingma na ki bymngeit kiba don ha Judia bad ba ka jingshakri jong nga ha Jerusalem kan long kaba la pdiang da ki briew jong U Blei hangta.

2 KORINTH 12:9

Hynrei ka jubab jong u ka la long: “Ka jingaiei jong nga ka long baroh kaba me donkam, naba ka bor jong nga ka khraw tam dei haba me tlot.” Nga kmen eh, namarkata, ban sngewsarong ha ki jingtlot jong nga, khnang ban mad ïa ka jingïada ka bor jong U Khrist halor jong nga.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

1 TIMOTHI 1:12

Nga ai ïa ka jingnguh sha U Khrist Jisu uba U Trai jong ngi, uba la ai ha nga ïa ka jingkhlaiñ na ka bynta ka kam jong nga. Nga ainguh ïa u ba la ñiew ïa nga uba bit bad la thung ïa nga ban shakri ïa u, wat la ha ka por ba la leit noh nga la kren sniew ïa u bad pynshitom beiñ bad krenbeiñ ïa u.

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

2 TIMOTHI 2:9

Namar ba nga ïalap ïa ka Khubor Babha, nga shahshitom bad nga shah teh kynjri ruh kum u riewrunar.

2 TIMOTHI 3:11

Me tip lut ïa baroh kaba la jia ha nga ha Antiokh, Ikoniom, bad Lystra, ki jingpynshitom bashyrkhei kiba nga la ïaishah! Hynrei u Trai u la pyllait ïa nga na ki baroh.

2 TIMOTHI 4:5

Hynrei ma me to da sumar adkar ïa lade ha ki jingjia baroh; to ïaishah shitom, trei ïa ka kam u nongïalap jong ka Khubor Babha, bad to pyndep ïa la ka kam baroh kum u shakri jong U Blei.

TITOS 1:3

bad ha ka por kaba biang u la pynpaw ïa ka ha ka khubor jong u. Ïa kane la pynkhamti ha nga, bad nga pynbna ïa ka da ka hukum U Blei U Nongpynim jong ngi.

HEBRU 11:33

Da ka jingngeit ki la ïaleh pyrshah ïa baroh ki hima bad ki la jop. Ki la leh ïa kaei kaba dei hok bad ki la ïohpdiang ïa kaei kaba U Blei u la kular.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.

1 SAMUEL 17:37

U Trai uba la pyllait im ïa nga na ki sing bad na ki dngiem; un pyllait im ïa nga na une u Philistia.” “To kata,” u Saul u jubab. “Khie leit, bad U Trai un long ryngkat bad me.”