2 TIMOTHI 4:16 - Khasi CL Bible (BSI)

¹⁶ Ym don ba kyrshan ïa nga haba nga ïasaid da ïa lade nyngkong eh ha khmat ki bor synshar; baroh ki la iehnoh ïa nga. Nga duwai ba U Blei un ym thew pyrshah ïa ki!

KA BAIBL

¹⁶ Ha kata ka jingïasaid-da nyngkong jong nga, ym don mano mano ba la ïarap ïa nga; hynrei, baroh ki la iehnoh ïa nga: wat ai ba yn ñiew ïa kata ha ki.

2 TIMOTHI 4:16 ပူးပေါင်းရင်းမြစ်များ

MARKOS 14:50

Te baroh ki synran ki la iehnoh ïa u bad ki la ïaphet noh.

LOUKAS 12:11

“Haba ki wallam ïa phi ban shah tian bishar ha ki synagog lane ha khmat ki lyngskor lane ki nongsynshar, wat sngewkhuslai shaphang kumno phin ïasaid da ïa lade lane ïa kaei phin kren.

ÏOANNIS 16:32

Ka por kan poi, bad ka la lah long mynta, haba ïa phi baroh yn sa pynsakma, uwei pa uwei sha la ka jong ka ïing, bad ngan shah iehnoh tang marwei. Hynrei ngam long shisha marwei, namar U Kpa u long lem bad nga.

KI KAM 22:1

“Ko ki para nong Israel jong nga, to shahshkor ïa nga katba nga dang pynlong ka jingïasaid na ka bynta ïa lade ha khmat jong phi!”

KI KAM 25:16

Hynrei nga la ïathuh ïa ki ba ma ngi ki nong Rom ngim ju mlien ban aiti ïa uno uno uba la shah kynnoh ha ka kam runar ha shuwa ba un ïakynduh ïa ki nongmudui jong u markhmat bad ba u la ïoh ka lad ban ïasaid da ïa lade pyrshah ïa ka jingkynnoh.

KI KAM 7:60

U la dem khohsiew bad u la kyang da ka ktien bajam, “A Trai! wat kynmaw ïa kane ka pop pyrshah ïa ki!” U la ong ïa kane bad u la ïap.

1 KORINTH 13:5

ka jingieit kam leh khlem akor lane wad ïa la ka jingmyntoi lane khapnap; ka jingieit kam ju buh jingkynmaw ïa ki jingbakla;

1 KORINTH 9:3

Haba ki briew ki wohnia ïa nga, kane ka long kumno ba nga ïasaid da ïa lade:

2 KORINTH 7:11

Phi ïohi aïu U Blei u la leh lyngba kane ka jingsngewsih jong phi: Katno ka la pynlong smat ïa phi. Katno phi kwah ban pynshisha ïa ka jinglong balui lui jong phi! Kaba haduh katno ka jingsngew bitar, ka jingpeit pyrman halor kaba la jia, bad phi la sngew ka jingsngew, ka jingaiti, ka jinglong ba la kloi ban pynshitom ïa ka jingleh bakla! Phi la pynpaw ïa lade kiba khlem bakla ha kane ka kam baroh.

PHILIPPI 1:17

Kiwei pat, kim ïalap ïa U Khrist da kaba sngur, hynrei na ka mynsiem ka jingkwah rhah; ba ki da pyrkhat ba kin nang pynjynjar shuh shuh ïa nga katba nga dang don ha byndi.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

2 TIMOTHI 1:15

Me tip ba uwei pa uwei uba don ha ka probins jong ka Asia, ba kynthup ïa u Phygelos bad u Hermogenes, ki la iehnoh ïa nga.

2 TIMOTHI 4:10

U Demas u la kham noh ha ki kam pyrthei bad u la iehnoh ïa nga, bad u la leit noh sha Thessaloni. U Kreskens u la leit sha Galatia; u Titos sha Dalmatia.

2 TIMOTHI 4:15

Na u ruh men kiar, namar u la kren pyrshah ïa ka jingïalap jong ngi.

1 PETROS 3:15

Hynrei to tiengburom ïa U Khrist ha ki dohnud jong phi, bad pyndonburom ïa u kum U Trai. To long kiba la kloi ha ki por baroh ban ai ka jubab ïa uno uno uba kylli ïa phi ban batai ïa ka jingkyrmen kaba don ha phi,