2 TIMOTHI 4:10 - Khasi CL Bible (BSI)

¹⁰ U Demas u la kham noh ha ki kam pyrthei bad u la iehnoh ïa nga, bad u la leit noh sha Thessaloni. U Kreskens u la leit sha Galatia; u Titos sha Dalmatia.

KA BAIBL

¹⁰ namar u Demas u la iehnoh ïa nga, bad u la ieit ïa kane ka pyrthei, bad u la leit noh sha Thessaloni; u Kresen sha Galatia; u Titos sha Dalmatia.

2 TIMOTHI 4:10 ပူးပေါင်းရင်းမြစ်များ

MATHAÏOS 12:32

Uno uno uba kren ei ei pyrshah ïa U Khun U Briew u lah ban ïoh jingmap; hynrei uno uno uba kren ei ei pyrshah ïa U Mynsiem Bakhuid un ym ïoh jingmap — mynta lane junom.

MATHAÏOS 26:56

Hynrei kane baroh ka la lah jia khnang ban pynlong ïa kaei kaba ki nongïathuhlypa ki la thoh ha ki Jingthoh Bakhuid ban jia shisha.” Nangta baroh ki synran ki la iehnoh ïa u bad ki la ïaphet noh.

LOUKAS 14:33

Ha kajuh ka rukom,” U Jisu u la pynkut, “ym don uno uno na phi uba lah ban long u synran jong nga lymda u iehnoh ïa kiei kiei baroh kiba u don.

LOUKAS 16:13

“Ym don u shakri uba lah ban long u mraw jong ki ar ngut ki kynrad; un isih ïa uwei bad un ieit ïa uwei pat; un kohnguh ïa uwei bad un ñiewbeiñ ïa uwei pat. Phim lah ban shakri ïa U Blei bad ïa ka spah.”

LOUKAS 17:32

Kynmaw ïa ka tnga u Lot!

KI KAM 13:13

U Paul bad ki paralok jong u ki la leit da ka lieng na Paphos, bad ki la wan poi sha Perga, ka nongbah ha Pamphylia, ha kaba u Ïoannis Markos u la iehnoh ïa ki bad u la leit phai pat sha Jerusalem.

KI KAM 15:38

hynrei u Paul um shym pyrkhat ba ka long kaba dei ban ïalam ïa u, namar um shym la sah bad ki haduh kaba kut ka kam jong ki, hynrei u la leit phai pat bad u la iehnoh ïa ki ha Pamphylia.

KI KAM 16:6

Ki la leit lyngba ki thain ka Phrygia bad Galatia namar U Mynsiem Bakhuid um shym la shah ïa ki ban ïalap ïa ka khubor ha ka probins jong ka Asia.

KI KAM 17:1

U Paul bad u Silas ki la leit lyngba ka Amphipolis bad ka Apollonia, bad ki la wan poi sha Thessaloni, ha kaba la don ka synagog.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

KI KAM 17:13

Hynrei haba ki Jiw ha Thessaloni ki la ïohsngew ba u Paul u la ïalap ïa ka ktien U Blei ha Beria ruh, ki la ïawan shata bad ki la sdang ban pynkhih bad pynkulmar ïa u paidbhur.

KI KAM 18:23

Hadien ba u la pynlut katto katne por hangta, u la mihnoh bad u la leit lyngba ka thain jong ka Galatia bad Phrygia, da kaba pynkhlaiñ ïa ki parabangeit baroh.

2 KORINTH 2:13

Hynrei nga la khuslai jur eh, namar ngam shym ïashem ïa u para jong ngi, u Titos. Kumta nga la kren khatduh ïa ki briew hangto bad nga la leit noh sha Makedonia.

2 KORINTH 7:6

Hynrei U Blei, uba pynshlur ïa kita kiba la duh jingkyrmen, u la pynshlur ïa ngi da ka jingwan u Titos.

2 KORINTH 8:16

Katno ngi ainguh ïa U Blei ba u la pynlong ïa u Titos ban thrang kum ma ngi ban ïarap ïa phi.

2 KORINTH 8:23

Shaphang u Titos, u long u nongïatrei lang bad nga bad u ïatrei bad nga ban ïarap ïa phi; bad shaphang kiwei pat ki parabangeit kiba ïaleit lang bad u, ki mihkhmat ïa ki balang bad ki wallam ka burom ïa U Khrist.

2 KORINTH 8:6

Kumta ngi la kyntu ïa u Titos, uba la sdang ïa kane ka kam, ban bteng ïa ka bad ban ïarap ïa phi ban pyndep ïa kane ka jingshakri bakyrpang jong ka jingieit.

GALATIA 1:2

Ki parabangeit baroh kiba don hangne ki ïasnohkti lang bad nga ha kaba phah ïa ki jingai khublei sha ki balang ha Galatia:

PHILIPPI 2:21

Uwei pa uwei u sngewkhia tang ïa la ki jong ki kam, ym ïa kiei kiei ki jong U Jisu Khrist.

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

2 TIMOTHI 1:15

Me tip ba uwei pa uwei uba don ha ka probins jong ka Asia, ba kynthup ïa u Phygelos bad u Hermogenes, ki la iehnoh ïa nga.

2 TIMOTHI 4:16

Ym don ba kyrshan ïa nga haba nga ïasaid da ïa lade nyngkong eh ha khmat ki bor synshar; baroh ki la iehnoh ïa nga. Nga duwai ba U Blei un ym thew pyrshah ïa ki!

TITOS 1:4

Nga thoh sha u Titos, u khun bashisha jong nga ha ka jingngeit kaba ngi ïadon lang. To U Blei uba long U Kpa bad U Khrist Jisu uba long U Nongpynim jong ngi un ai ha phi ïa ka jingaiei bad ka jingsuk.

PHILEMON 1:24

bad kumjuh ruh ki para ba-ïatrei lem bad nga u Markos, u Aristarkhos, u Demas, bad u Loukas.

2 PETROS 2:15

Ki la iehnoh ïa ka lynti kaba beit bad ki la jah lynti; ki la bud ïa ka lynti jong u Balaam, u khun jong u Beor, uba ieit ïa ka pisa kaba u ïoh da ka kam bymhok