2 TIMOTHI 4:1 - Khasi CL Bible (BSI)

^1-2 Ha khmat jong U Blei bad jong U Khrist Jisu, u ban sa bishar ïa kiba im bad ïa kiba ïap, bad namar ba un sa wan ban synshar kum u Syiem, nga kyrpad da kaba jai jai ïa me ba men ïalap ïa ka khubor, ban ïai kyntu ha kaba pynbna ïa ka (haba dei por ne ha bym dei por), ban pynkynduh, ban pynbeit bad ban pynshlur, da ka jingïaishah baroh haba me hikai.

KA BAIBL

¹ Nga hukum ha khmat U Blei, bad U Jisu Khrist uba U Trai, u ban sa bishar ïa kiba im bad ïa ki baïap, bad da kata ka jingmihpaw jong u bad ka hima jong u,

2 TIMOTHI 4:1 ပူးပေါင်းရင်းမြစ်များ

SALM 50:6

Ki bneng ki pynbna ba U Blei u long uba hok, ba ma u hi da lade u long u nongbishar.

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

LOUKAS 19:12

Kumta u la ong, “La don shisien uwei u briew uba heh kyrdan uba dang leit sha ka ri kaba jngai bah ban shah thung syiem, hadien kata, u la thmu ban wan phai pat sha ïing.

LOUKAS 19:15

“Ïa uta u briew la thung syiem bad u la wan phai pat. Mar kumta hi, u la hukum ïa ki shakri ban wan mih ha khmat jong u, khnang ban shem haduh katno ki la kamai.

LOUKAS 23:42

Bad u la ong ha U Jisu, “To kynmaw ïa nga, ko Jisu, haba me wan kum u Syiem!”

KI KAM 10:42

Bad u la hukum ïa ngi ban ïalap ïa ka Gospel ha ki briew, bad ban sakhi ba u long uta ïa uba U Blei u la thung ban long u Nongbishar ïa kiba im bad kiba ïap.

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

Ka Shithi U Paul Sha Ki Nong Rom 2:16

Bad kumta, kat kum ka Khubor Babha kaba nga ïalap, kane ka dei kaba kumno ka long ha kata ka Sngi ha kaba U Blei lyngba U Jisu Khrist un bishar ïa ki jingmut barieh jong ki briew baroh.

KOLOSSAI 3:4

Ka jingim bashisha jong phi ka long U Khrist, bad haba u mihpaw, te ma phi ruh phin mihpaw lem bad u bad ïoh bynta ïa ka burom jong u!

2 THESSALONI 2:8

Te ïa Uta u Basniew yn sa pynpaw, hynrei haba U Trai Jisu u wan, Un pynïap ïa u da ka jingpynhiar mynsiem na ka shyntur jong U bad pynjot ïa u da ka jingthaba ka jingdon ryngkat jong U.

1 TIMOTHI 5:21

Ha khmat jong U Blei bad jong U Khrist Jisu bad jong ki angel to kohnguh ïa kine ki jinghikai khlem jingujor lane khlem shah shiliang ïano ïano ha kano kano kaba me leh.

2 TIMOTHI 1:10

U la ai ha ngi ïa kane ka jingaiei lyngba U Khrist Jisu ha shuwa ban sdang ka pyrthei, hynrei mynta la pynpaw da ka jingwan U Nongpynim jong ngi, U Khrist Jisu. U la pynkut noh ïa ka bor jong ka jingïap bad lyngba ka Gospel la pynpaw ïa ka jingim bymïap shuh.

2 TIMOTHI 2:14

To pynkynmaw ïa ki briew jong me ïa kane, bad to ai ha ki ïa ka jingkyntu bajai jai ha khmat U Blei ba kin ym ïa-wohnia halor ki kyntien ba ki ïakren. Kam long kaba pynmyntoi, hynrei tang ban pynjot ïa ki briew kiba sngap.

2 TIMOTHI 4:18

Bad U Trai un pyllait im ïa nga na ka jingmynsaw baroh bad un ri pynim bad ïalam ïa nga sha ka hima jong u ha bneng.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

TITOS 2:13

katba ngi dang ap ïa ka jingwan jong kata ka Sngi ba la kyrkhu kaba ngi ap kyrmen, haba ka burom U Blei bakhraw bad U Jisu Khrist U Nongpynim jong ngi kan paw.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

1 PETROS 4:5

Hynrei kin sa hap ban ai jingkheiñ ïa lade ha U Blei, uba la kloi ban bishar ïa kiba im bad ïa kiba ïap.

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.

2 PETROS 1:11

Ha kane ka rukom, phin ïoh ïa ka hok ba-pura ban rung sha ka Hima bymjukut jong U Jisu Khrist uba U Trai bad U Nongpynim jong ngi.

2 PETROS 1:17

Ngi la don hangta mynba la ai ïa ka burom bad ïa ka jingpyndonburom ha u da U Blei uba U Kpa, haba ka sur ka la wan sha u na ka Burom Bahakhlieh Tam Eh, kaba ong, “Une u long U Khun ba-ieit jong nga hi, ha uba nga sngewbha eh!”

1 ÏOANNIS 2:28

Ho-oid, ko ki khun jong nga, to ïaisah ha u, khnang ba ynda u wanpaw, ngin long kiba dap da ka jingshlur bad ngim donkam ban rieh ha ka jinglehrain na u ha ka Sngi kaba u wan.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!