2 TIMOTHI 3:6 - Khasi CL Bible (BSI)

^6-7 Katto katne na ki leit rung sha ki ïingbriew bad pynshohbieit ïa ki kynthei kiba tlot ba la bankhia da ka jingpynrem jong ki pop jong ki bad kiba la shah ringmraw ha ki jingkwah ba har rukom, ki kynthei kiba pyrshang borabor ban shah hikai hynrei ki bym lah ban tip da lei lei ïa ka jingshisha.

KA BAIBL

⁶ Namar na jong kine long kita kiba par sian sha ki ïing, bad kiba ïalam mraw ïa ki kynthei babieit ba la pynkit khia da ki pop, ba la ïalam noh da ki bun jaid ki jingkwah sat,

2 TIMOTHI 3:6 ပူးပေါင်းရင်းမြစ်များ

SALM 38:4

Nga la jyllop ha ka jingshlei ki pop jong nga; ki long ka jingkit kaba khia eh ban bah.

ISAÏAH 1:4

Phi long ba la tim, phi ka jaitbynriew bapop, phi ki riew jakhlia bad bymman! Ki pop jong phi ki tan ïa phi sha trai. Phi la kyntait ïa U Trai, U Blei bakhuid jong ki Israel, bad phi la pynphai ïa la ki ingdong sha u.

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 23:14

A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi shim kabu ïa ki riewkynthei bad phi knieh noh ïa ki ïing jong ki, bad nangta phi pyn-i ïa ka jingduwai bajlan! Namar kane, ka jingpynshitom ïa phi kan long kaba kham sniew!

MATHAÏOS 4:24

Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh.

MARKOS 4:19

hynrei ki jingpynkhuslai jong kane ka jingim, ka jingieit ïa ka spah, bad baroh kiwei ki jait jingkwah ki tap bad kjap noh ïa ka khubor, bad kim seisoh satia.

1 KORINTH 12:2

Phi tip ba mynba phi dang long kiba mane bleithaw, la ïalam sakma ïa phi ha ki rukom kiba bun sha ki jingmane ïa ki bleithaw ki bym don jingim.

1 TIMOTHI 5:6

Hynrei ka riewkynthei kaba im ha ki jingsngewbha ka la lah ïap lypa, wat haba ka dang im.

1 TIMOTHI 6:9

Hynrei kito kiba kwah ban riewspah ki hap ha ka jingpynshoi bad ki ngat ha ka jingriam jong ki jingkwah ba-bieit bad ki jingkwah ba-pynmynsaw, kiba tan ïa ki sha ka jingjot bad ka jingpynjot.

TITOS 1:11

Ka long kaba donkam ban pynsngap jar ïa ka jingïathuh jong ki, namar ki pynkylla khongpong ïa ki longïing baroh da kaba hikai ïa kaei kaba kim dei ban hikai, bad baroh ka long ïa ka jingthmu basngewlehrain ban thaw pisa.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.

2 PETROS 3:17

Hynrei ma phi, ko ki paralok jong nga, phi la tip lypa ïa kane. To sumar ïa lade, namarkata, ba phin ym shah ïalam bakla da ki jingpynbakla ki briew ki bym bat aiñ bad phi hap noh na ka jaka ba la shongshngain kaba phi don.

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.

JUDAH 1:18

Ki la ong ha phi, “Haba ki sngi bakhatduh kin wan, kin mih ki briew ki ban krenbeiñ ïa phi, ki briew kiba ïaid katba kum ki jingkwah brai bymriewblei jong ki hi.”

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.