2 TIMOTHI 3:3 - Khasi CL Bible (BSI)

³ kin long ki bym lehsbun, ki bym ïamap, kiba kren sniew, kiba thala, bad kiba runar; kin isih ïa kaba bha,

KA BAIBL

³ kiba khlem ieit ïa la ka kynja, kiba khlem map, kiba kren siar, ki bymsuidñiew, kiba runar, ki bymieit ïa ka babha,

2 TIMOTHI 3:3 ပူးပေါင်းရင်းမြစ်များ

JENESIS 49:7

Long ba la tim ïa ka jingbitar jong ki, Naba ka long kaba ishyrkhei; Bad long ba la tim ïa ka jingbitar shla jong ki, Naba ka long kaba shyrkhei katta katta. Kylleng ka ri Israel ngan pynsakma ïa ki, Bad hapdeng ki briew jong ka ngan pynsakma ïa ki.

SALM 15:4

U ibeiñ ïa kito kiba U Blei u la kyntait, hynrei u ai burom ïa kito kiba kohnguh ïa U Trai. U ïai pyndep ïa kaei kaba u kular, kam pher katno ka shongdor.

SALM 22:6

Hynrei ngam dei shuh u briew; nga dei u khñiang, ba la ñiewbeiñ bad isih da baroh!

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

ISAÏAH 60:14

Ki khun shynrang jong kito kiba la banbeiñ ïa pha kin sa wan ban dem khrup ban burom ïa pha. Baroh kito kiba la ju ibeiñ ïa pha kin dem ngon ha ki kjat jong pha. Kin khot ïa pha, ‘Ka Nongbah U Trai,’ ‘Ka Seïon, ka nongbah U Blei U Bakhuid ki Israel.’

DANIEL 8:23

“Haba ka jingkut jong kito ki hima ka la jan bad ki la long bymman katta katta ba ki la dei ban shah pynshitom, yn don u syiem uba mutlop, uba runar eh, bad uba dap da ka jingshukor.

MATHAÏOS 10:21

“Ki rangbah kin aiti noh ïa la ki jong ki hynmen bad para ïa ka ban pynïap ïa ki, bad ki kpa kin leh kumjuh ïa la ki khun; ki khun kin phai ïaleh pyrshah ïa la ki kmie ki kpa bad kin phah pynïap ïa ki.

MATHAÏOS 4:1

Nangta U Mynsiem u la ïalam ïa U Jisu sha ka ri shyiap ba yn pynshoi u da u Soitan.

LOUKAS 10:16

U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

ÏOANNIS 6:70

U Jisu u la phai ktien, “Hato ngam shym la jied ïa phi baroh khat-ar ngut? Pynban uwei na phi u long u ksuid!”

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

Ka Shithi U Paul Sha Ki Nong Rom 1:31

kim don ka jingïatiplem; kim bat ïa la ki kular, bad kim pyn-i jingsbun lane jingisynei ïa kiwei pat.

1 KORINTH 7:5

Wat ju kyrngah iwei ïa iwei pat, lait noh tang haba phi la ïamynjur shuwa ban leh kumta shipor khnang ba phi lah ban pynlut ïa ka por jong phi ha ka jingduwai; hynrei nangta ban phai biang sha ka jingïadei para ma phi. Ha kane ka rukom yn ïada ïa phi na ki jingpynshoi jong u Soitan namar ka jingbymlah jong phi ban synshar ïa lade.

1 KORINTH 7:9

Hynrei lada phim lah ban synshar ïa la ki jingkwah, kan bha ban ïaid shaphrang bad ban shongkurim — ka kham bha ban shongkurim ban ïa kaba ing da ka jingkwah brai.

1 THESSALONI 4:8

Kumta te, uno uno uba kyntait ïa kane ka jinghikai, um kyntait ïa u briew, hynrei ïa U Blei, uba ai ha phi ïa U Mynsiem Bakhuid jong u.

1 TIMOTHI 3:11

Ki tnga jong ki ruh, ki dei ban don ka jinglong babha bad kim dei ban ïakren lorni; ki dei ban long kiba adkar bad kiba hok ha kiei kiei baroh.

TITOS 1:8

U dei ban long uba lehsbun bad uba ieit ïa kaei kaba bha. U dei ban long uba synshar ïa lade, uba beit, u bakhuid, bad uba leh ryntih.

TITOS 2:3

Kumjuh ruh hikai ïa ki kynthei kiba la kham san ba kin im donakor kum ki kynthei kiba dei ban leh, kiba im ka jingim bakhuid. Kim dei ban long kiba kren siar lane kiba kyrni ha ka dih waiñ.

JAKOB 2:6

Hynrei phim ñiewburom ïa kiba duk! Kiei kita kiba khñiot beiñ ïa phi bad ba ïalam ïa phi ha khmat ki nongbishar? Kiba riewspah keiñ!

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!

2 PETROS 2:19

Ki kular ha ki ïa ka jinglaitluid katba ma ki, ki long ki mraw jong ki jingmlien bapynjot — naba u briew u long u mraw ha kano kano kaba la jop ïa u.

2 PETROS 3:3

Nyngkong eh, phi dei ban sngewthuh ba ha kine ki sngi kiba khatduh yn don ki briew kaba ïa ka jingim jong ki la tyllep da ki jingkwah brai jong ki hi.

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.

JUDAH 1:18

Ki la ong ha phi, “Haba ki sngi bakhatduh kin wan, kin mih ki briew ki ban krenbeiñ ïa phi, ki briew kiba ïaid katba kum ki jingkwah brai bymriewblei jong ki hi.”

JINGPYNPAW 13:15

La shah ïa u mradkhlaw uba ar ban pyrsad jingim ha kata ka dur jong u mradkhlaw uba nyngkong, khnang ba ka durblei ka lah ban kren bad pynïap ïa kito baroh ki ban ym mane ïa ka.

JINGPYNPAW 13:17

Ym don mano mano ba lah ban thied ne die khlem don kane ka shab, kaba long, ka kyrteng jong u mradkhlaw lane u dak jingkheiñ uba ïeng na ka bynta ka kyrteng jong u.

JINGPYNPAW 16:6

Ki la theh noh ïa ka snam jong ki briew jong U Blei bad jong ki nongïathuhlypa, bad kumta me la ai ha ki ïa ka snam ban dih. Ki la ïoh ïa kaba ki dei hok ban ïoh!”

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.