2 TIMOTHI 3:16 - Khasi CL Bible (BSI)

¹⁶ Ka Jingthoh Bakhuid baroh ka long kaba la pyrsad mynsiem da U Blei bad ka long kaba myntoi ban hikai ïa ka jingshisha, ban sneng ïa kaba bakla, ban pynbeit ïa ki jingduna, bad ban ai jingkyntu ïa ka jingim kaba bha,

KA BAIBL

¹⁶ Ka Jingthoh baroh ka long kaba la pyrsad mynsiem da U Blei, bad kaba myntoi ïa ka jinghikai, ïa ka jingsneng, ïa ka jingpynbeit, ïa ka jingpynmlien kaba ha ka hok:

2 TIMOTHI 3:16 ပူးပေါင်းရင်းမြစ်များ

2 SAMUEL 23:2

U Mynsiem jong U Trai u kren lyngba jong nga; ka khubor jong u ka don ha ki rmiang shyntur jong nga.

NEHEMAÏAH 9:20

Ha ka jingbha jong me, me ong ïa ki ïa kaei kaba ki dei ban leh; me la bsa ïa ki da ka manna bad ai um ïa ki ban dih.

SALM 119:11

Nga ri khop ïa ka hukum jong me ha la ka dohnud, khnang ba ngan ym leh pop pyrshah ïa me.

SALM 119:130

Ka jingbatai jong ki jinghikai jong me ka ai jingshai bad ka wallam jingstad ïa ki bymtip ei ei.

SALM 119:9

Da kumno u samla un lah ban sumar khuid ïa la ka jingim? Da kaba kohnguh ïa ki hukum jong me.

PROBERB 15:10

Lada phi leh ïa kaei ka bymdei, yn pynshitom sat ïa phi; phin ïap lada phim ailad ban pynbeit ïa phi.

PROBERB 15:31

Lada phi shahshkor haba phi shah pynbeit, phi long kiba stad.

PROBERB 6:23

Ki jingbthah jong ki, ki long kum ka jingshai ba-thaba; ki jingsneng jong ki, ki hikai ïa phi kumno ban im.

MIKAH 2:7

Hato phi pyrkhat ba ki paid Israel ki don hapoh ka jingtim? Hato U Trai u la duh noh ïa la ka jingïaishah? Hato un da leh shisha ïa kine kiei kiei? Hato um shym kren bha ïa kito kiba leh ïa kaba dei?”

SEPHANAÏAH 3:2

Kam shym la pynshahshkor ïa U Trai lane pdiang ïa ka jingsneng pynbeit jong u. Kam shym la buh ïa la ka jingshaniah ha U Trai lane kyrpad ïa ka jingïarap jong u.

MATHAÏOS 13:52

Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

MATHAÏOS 21:42

U Jisu u la ong ha ki, “Hato phim pat ju pule ïa kaei ba ki Jingthoh Bakhuid ki ong? “ ‘Ïa u maw ba ki nongtei ki la kyntait kum u bymdondor u la kylla long uba donkam tam na baroh. Ïa kane la leh da U Trai; katno ka long kaba itynnat!’ ”

MATHAÏOS 22:43

“Balei, te,” U Jisu u la kylli, “ba U Mynsiem u pynshlur ïa Dabid ban khot ïa u, ‘U Trai’? U Dabid u la ong,

MATHAÏOS 26:54

Hynrei lada ka long kumta, da kumno ki Jingthoh Bakhuid kiba ong ba kane ka long kaei kaba dei ban jia, kin jia long shisha?”

MATHAÏOS 26:56

Hynrei kane baroh ka la lah jia khnang ban pynlong ïa kaei kaba ki nongïathuhlypa ki la thoh ha ki Jingthoh Bakhuid ban jia shisha.” Nangta baroh ki synran ki la iehnoh ïa u bad ki la ïaphet noh.

MARKOS 12:24

U Jisu u la jubab ïa ki, “Katno phi la bakla! Bad phi tip balei? Ka long namar ba phim tip ïa ki Jingthoh Bakhuid lane ïa ka bor jong U Blei.

MARKOS 12:36

U Mynsiem Bakhuid u la pynkhih ïa u Dabid ban kren: “ ‘U Trai u la ong ïa U Trai jong nga; shong hangne sha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.’

ÏOANNIS 10:35

Ngi tip ba ïa kaei kaba ka Jingthoh Bakhuid ka ong, ka long kaba shisha junom; bad U Blei u la khot ïa kito ki briew ki blei, ki briew ha kiba U Blei u la ai ïa ka khubor jong u.

ÏOANNIS 3:20

Uno uno uba leh ïa kiei kiei kiba sniew u isih ïa ka jingshai bad un ym wan sha ka jingshai, namar um kwah ba ïa ki kam sniew jong u yn paw.

KI KAM 1:16

“Ko hynmen ko para jong nga,” u la ong, “ka Jingthoh Bakhuid ka dei ban urlong shisha ha kaba U Mynsiem Bakhuid u kren lyngba u Dabid, u la pynlong ka jingïathuh lypa shaphang u Judas, uba la long u nongïalam ïa kito kiba la kem ïa U Jisu.

KI KAM 18:25

La hikai ïa u ha ka Lynti jong U Trai, bad da ka jingshitrhem bakhraw u la pynbna bad hikai khlem bakla ïa ki jingshisha shaphang U Jisu. Pynban u la tip tang ïa ka jingpynbaptis jong u Ïoannis.

KI KAM 20:20

Phi ïatip ba ngam shym la buhrieh ïa kano kano ka ban long ka jingïarap ïa phi haba nga ïalap bad hikai ha ki paidbah bad ha ki ïing jong phi.

KI KAM 20:27

Naba ngam shym la buhrieh na kaba pynbna ha phi ïa ka jingthmu baroh ka jong U Blei.

KI KAM 28:25

Kumta ki la leit noh, da ka jingbymïasngewthuh jingmut para ma ki, hadien ba u Paul u la lah ong ïa kane kawei: “Katno kaba dei ba U Mynsiem Bakhuid u la kren ha ki kpa tymmen jong ngi lyngba u Isaïah u nongïathuhlypa!

Ka Shithi U Paul Sha Ki Nong Rom 15:4

Ïa kiei kiei ba la thoh ha ki Jingthoh Bakhuid, la thoh ban hikai ïa ngi, khnang ba ngin don ïa ka jingkyrmen lyngba ka jingïaishah bad ka jingpynshlur kiba ki Jingthoh Bakhuid ki ai ïa ngi.

Ka Shithi U Paul Sha Ki Nong Rom 2:20

u nongbthah ïa kiba bieit, bad u nonghikai ïa ki bym don jingnang jingstad. Phi long thikna ba ha ka Hukum phi don ka thup ba-pura jong ka jingtip bad jong ka jingshisha.

Ka Shithi U Paul Sha Ki Nong Rom 3:2

Ha ka jingshisha, don shibun, ha kiba bun ki liang! Ha kaba nyngkong, U Blei u la aiti ïa ka khubor jong u ha ki Jiw.

Ka Shithi U Paul Sha Ki Nong Rom 4:23

Ïa ki ktien “La pdiang kum uba hok” ym shym la thoh tang na ka bynta jong u marwei.

1 KORINTH 12:7

La pynpaw ïa ka jingdon ryngkat U Mynsiem ha kano kano ka rukom ha uwei pa uwei na ka bynta ka jingbha ïa baroh.

GALATIA 3:8

Ka Jingthoh Bakhuid ka la ong lypa ba U Blei un pynksan ïa ki Jentil ha lade hi da ka jingngeit. Bad kumta ka Jingthoh Bakhuid ka pynbna ïa ka khubor babha ha u Abraham: “Lyngba jong me, U Blei un kyrkhu ïa ka jaitbynriew baroh.”

DEUTERONOMI 29:29

“Don kiei kiei kiba U Trai U Blei jong ngi u dang buhrieh na ka jingtip u briew; hynrei u la pynpaw ïa ka Aiñ jong u, bad ma ngi lem bad ki khun ki ksiew jong ngi, ngi dei ban kohnguh ïa ka junom.

DEUTERONOMI 4:36

U la ailad ïa phi ban ïohsngew ïa ka ktien jong u na bneng khnang ba u lah ban hikai ïa phi; bad hangne ha pyrthei u la ailad ba phin ïohi ïa ka ding kaba kyntang jong u, bad u la kren ha phi na ka.

2 TIMOTHI 2:25

Me dei ban long uba lehsbun ïa baroh, u nonghikai uba bha bad ba-ïaishah, uba jemnud ha kaba pynbeit ïa ki nongïaleh pyrshah jong me, naba ka lah ban long ba U Blei un ai ha ki ïa ka lad ba kin kylla-kaba-mut bad wan sha ka jingtip ïa ka jingshisha.

HEBRU 11:1

Ban ngeit ka long ban sngewskhem ïa kiei kiei ïa kiba ngi kyrmen, ban sngewthikna ïa kiei kiei kiba ngim lah ban ïohi.

HEBRU 3:7

Kumta te, kumba U Mynsiem Bakhuid u ong; “Lada phi ïohsngew ïa ka sur ka jong U Blei ha kane ka sngi,

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.