2 TIMOTHI 3:1 - Khasi CL Bible (BSI)

¹ To kynmaw ba kin sa wan ki por kiba jynjar ha ki sngi kiba khatduh.

KA BAIBL

¹ Hynrei, to tip ïa kane, ba ha ki sngi ki bakhatduh kin wan ki por bashitom.

2 TIMOTHI 3:1 ပူးပေါင်းရင်းမြစ်များ

JENESIS 49:1

Te u Jakob u khot ïa la ki khun shynrang bad u ong, “Ïalumlang baroh, ba ngan ïathuh aïu kan jia ïa phi ha ka lawei:

ISAÏAH 2:2

Ha ki sngi ban wan u lumbah ha kaba ka Templ ka ïeng un long uba jrong tam na baroh, uba da jrong eh halor ki lumrit baroh. Kiba bun ki jaitbynriew kin tuid sha u,

JEREMAÏAH 48:47

Hynrei ha ki sngi ki ban wan U Trai un pynlong ïa ka Moab kaba dap kyrhai sa shisien. Kane baroh ka long kaei kaba U Trai u la ong ba kan jia ïa ka Moab.

JEREMAÏAH 49:39

Hynrei hadien ngan pynlong ïa ki briew ka Elam ba kin manbha biang. Ma nga, U Trai, nga la kren.”

ESEKIEL 38:16

Men sa tur ïaleh ïa ki briew jong nga ki Israel kum ka 'erïong kaba beh halor ka ri. Haba ka por ka poi, ngan phah ïa me ban hiarthma ïa ka ri jong nga, khnang ban pyn-i ha ki jaitbynriew uei nga long, ban pyn-i ïa ka jinglongkhuid jong nga da kaei kaba nga leh lyngba jong me.

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

DANIEL 12:11

“Naduh ka por ba ki jingkñia ba man ka sngi ki sangeh, kata, naduh ka por jong ka Jingshyrkhei Ba-ijli, shihajar arspah khyndaiphew tylli ki sngi kin ïaid.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 7:8

Katba nga dang khmih ïa ki reng, nga la ïohi ïa ka reng kaba rit, kaba mih napdeng kiwei pat. Ka la tar ïa ki lai tylli ki reng kiba la don lypa hangta. Kane ka reng ka la don ki khmat briew bad ka shyntur kaba kob sarong.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

MIKAH 4:1

Ha ki sngi ki ban wan u lumbah ha kaba ka Templ ka ïeng un long uba jrong tam na baroh, uba tyllep ïa ki lumrit baroh. Ki jaitbynriew kiba bun kin wan tuid sha u,

2 TIMOTHI 4:3

Ka por kan sa poi haba ki briew kin ym shahshkor ïa ka jinghikai shongtynrai badei, hynrei kin kohnguh ïa la ki jingkwah bad kin nang pynbun ïa ki nonghikai ki ban ïathuh ha ki ïa kaei kaba ki shkor ba-dait jong ki, ki kwah ban ïohsngew.

2 PETROS 3:3

Nyngkong eh, phi dei ban sngewthuh ba ha kine ki sngi kiba khatduh yn don ki briew kaba ïa ka jingim jong ki la tyllep da ki jingkwah brai jong ki hi.

1 ÏOANNIS 2:18

Ko ki khun jong nga, kaba kut ka la jan! La ïathuh ha phi ba u Nongshun jong U Khrist un sa wan; bad mynta ki nongshun babun jong U Khrist ki la lah paw, bad kumta ngi tip ba kaba kut ka la jan.

JUDAH 1:17

Hynrei to kynmaw, ko ki paralok jong nga, ïa kaei ba la ïathuh ha phi mynshuwa da ki apostol jong U Jisu Khrist uba U Trai jong ngi.

JUDAH 1:18

Ki la ong ha phi, “Haba ki sngi bakhatduh kin wan, kin mih ki briew ki ban krenbeiñ ïa phi, ki briew kiba ïaid katba kum ki jingkwah brai bymriewblei jong ki hi.”