2 TIMOTHI 2:24 - Khasi CL Bible (BSI)

²⁴ Kum u shakri jong U Trai, mem dei ban ïakajia.

KA BAIBL

²⁴ Te kam dei keiñ ïa u shakri U Trai ban ïania; hynrei, ban long uba jemnud ïa ki briew baroh, uba nang hikai, uba shah jem,

2 TIMOTHI 2:24 ပူးပေါင်းရင်းမြစ်များ

2 KHRONIKL 24:6

kumta u phah khot ïa u Jehoïada, u nongïalam jong ki, bad u dawa, “Balei ba phim peit ïa kane ba ki Lebi ki lum na Judah bad Jerusalem ïa ka khajna kaba u Moses, u shakri jong U Trai, u la pan na ki briew ban siew ïa ka ban kyrshan ïa ka Ïingjaiñ Ka Jingdon Ryngkat U Trai?”

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

DANIEL 6:20

Haba u la poi hangta, u la khot jam da ka jingkhmih lynti, “Ko Daniel, u shakri jong U Blei uba im! Hato U Blei uba me shakri hok katta katta u la lah mo ban pyllait im ïa me na ki sing?”

MATHAÏOS 12:19

Un ym ïakajia lane pyrta, lane kren ki jingkren bajam ha ki lynti bah.

ÏOANNIS 6:52

Kane ka la pynmih ïa ka jingïatainia kaba tyngeh hapdeng jong ki. “Kumno une u briew u lah ban ai ha ngi ïa ka doh jong u ban bam?” ki la kylli.

KI KAM 15:2

U Paul bad u Barnabas ki la poi sha ka jingïasaid nia kaba jur bad ki shaphang kane, kumta la ïakut ba u Paul bad u Barnabas bad katto katne ngut kiwei pat ha Antiokh ki dei ban leit sha Jerusalem bad ïakynduh ïa ki apostol bad ki nongsharai balang shaphang kane ka kam.

KI KAM 23:9

Ka jingpyrta ka la kham jam, bad katto katne ngut na ki nonghikai ka Hukum kiba dei ki jong ka kynhun ki Pharisi ki la ïeng bad ki la pyrshah jur: “Ngim shem kano kano kaba bakla bad une u briew! Lehse u mynsiem lane u angel u la kren shisha ha u!”

KI KAM 7:26

Ha ka sngi kaba bud u la ïohi ar ngut ki Israel kiba dang ïashoh, bad u la pyrshang ban pynïasuk ïa ki u da ong, ‘Shahshkor, ko rangbah,’ u la ong, ‘phi ïalong para Israel; balei ba phi ïashoh kumne?’

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 10:4

Ki atiar kiba ngi pyndonkam ha ka jingïaleh jong ngi kim long ki atiar jong ka pyrthei hynrei ki atiar kiba donbor jong U Blei, ïa kiba ngi pyndonkam ban pynpra ïa ki kut baskhem.

2 KORINTH 6:4

Pynban, ha kiei kiei baroh kiba ngi leh ngi pyn-i ba ngi long ki shakri U Blei da kaba ïaishah slem ha ki jingjynjar, ki jingeh, bad ki jingshitom.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

EPHESOS 4:2

To long borabor kiba sngewrit, kiba jemnud, bad kiba ïaishah. To pyn-i ïa ka jingieit jong phi da kaba ïaishah iwei ïa iwei pat.

DEUTERONOMI 34:5

Kumta u Moses, u shakri U Trai, u la ïap hangta ha ri Moab, kumba U Trai u la ong.

PHILIPPI 2:14

To leh ïa kiei kiei baroh khlem da khñium ne khlem ïania,

PHILIPPI 2:3

Wat leh ei ei na ka jingkhwan myntoi lane na ka jingkwah bymmyntoi ban sngewsarong, hynrei, to long kiba sngewrit iwei ïa iwei pat, kiba ñiew borabor ïa kiwei kiba kham bha ban ïa lade.

KOLOSSAI 3:13

To ïaishah iwei ïa iwei pat, bad ïamap iwei ïa iwei pat ha man ba uno uno na phi u don ka jingmudui pyrshah ïa uno uno uwei pat. Phi dei ban ïamap iwei ïa iwei pat kumba U Trai u la map ïa phi.

1 THESSALONI 2:7

wat la kum ki apostol jong U Khrist ngi lah ban dawa na phi. Hynrei ngi la long kiba jai jai mynba ngi la don bad phi, kumba ka kmie ka sumar ïa ki khun jong ka.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

TITOS 1:1

Na u Paul, u shakri jong U Blei bad u apostol jong U Jisu Khrist. Ïa nga la jied bad la phah ban ïarap ïa ka jingngeit jong ki briew ba la jied jong U Blei bad ban ïalam ïa ki sha ka jingshisha ba la hikai kat kum ka jingngeit jong ngi,

TITOS 1:7

Namar ba u nongïalam balang u long uba pynïaid ïa ka kam U Blei, u dei ban long u bym don jingshah kynnoh pop. Um dei ban long uba leh meng ne uba bitar shen, ne uba buaid ne uba leh jubor ne uba lalot pisa.

TITOS 1:9

U dei ban long uba batskhem ïa ka khubor kaba lah ban shaniah bad kaba ïadei bad ka jinghikai shongtynrai. Ha kane ka rukom un lah ban ai mynsiem ïa kiwei da ka jinghikai bashisha bad ban pyn-i ruh ïa ka jingbakla jong kito kiba ïeng pyrshah ïa ka.

TITOS 3:2

Ong ïa ki ban ym kren sniew ïano ïano, hynrei ban long kiba shongsuk bad ïadei paralok, bad ban pyn-i borabor da ka jinglong bajemnud sha baroh.

JAKOB 1:1

Na u Jakob, u shakri jong U Blei bad U Jisu Khrist uba U Trai: Ka jingai khublei ïa baroh ki briew jong U Blei ba la pynsakma sha kylleng ka pyrthei.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

JAKOB 4:2

Phi kwah ei ei, hynrei phim ïoh ïa kita, kumta phi pynïap; phi da kwah eh, hynrei phim lah ban ïoh ïa kita, kumta phi ïania bad phi ïaleh thma. Phim ïoh ïa kaei kaba phi kwah, namar ba phim pan na U Blei ïa ka.

JOSHUA 1:1

Hadien ka jingïap u Moses, u shakri jong U Trai; U Trai u la kren ha u nongïarap lem jong u Moses, u Joshua u khun jong u Nun.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.

JUDAH 1:3

Ko ki paralok ba-ieit jong nga, nga la leh ïa kaba bha tam ban thoh sha phi shaphang ka jingpynim kaba ngi ïoh lang, haba nga la shem ïa ka jingdonkam ban thoh shisyndon ban pynshlur ïa phi, ban ïaleh na ka bynta ka jingngeit kaba U Blei u la ai shisien ai ha ki briew jong u.