2 TIMOTHI 2:19 - Khasi CL Bible (BSI)

¹⁹ Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

KA BAIBL

¹⁹ Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”

2 TIMOTHI 2:19 ပူးပေါင်းရင်းမြစ်များ

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 1:6

Ïa kiba hok la ïalam lynti bad ïada da U Trai, hynrei kiba sniew ki don ha ka lynti sha ka jingjot jong ki.

SALM 112:6

U briew uba bha un ym bakla da lei lei; yn ïai kynmaw borabor ïa u.

SALM 34:14

To phai noh na kaba sniew bad leh ïa kaba bha; wad ïa ka jingsuk da ka dohnud jong phi baroh.

SALM 37:18

U Trai u sumar ïa kito kiba kohnguh ïa u, bad ka ri kan long ka jong ki junom.

SALM 97:10

U Trai u ieit ïa kito kiba isih ïa kaba sniew; u ïada ïa ka jingim jong ki briew jong u; u pyllait im ïa ki na ka bor jong ki bymman.

PROBERB 10:25

Ki 'erïong ki wan, bad ki bymman ki shah rong noh; hynrei ki briew kiba hok ki shngain borabor.

PROBERB 3:7

Wat buh ka jingpyrkhat ha lade ba phi kham stad ban ïa kaba phi long; shu kohnguh beit ïa U Trai, bad kiar ban leh ïa kaba sniew.

ISAÏAH 14:32

Kumno ngin jubab ïa ki nonglamktien kiba wan sha ngi na ki Philistia? Ngin ïathuh ïa ki ba U Trai u la seng nongrim ïa ka Seïon bad ba ki briew jong u kiba shahshitom kin shem ka jingshngain hangta.

ISAÏAH 28:16

Kane, mynta, ka dei kaei kaba U Trai Nongsynshar u ong: “Ngan buh ha Seïon ka nongrim kaba skhem bad bakhlaiñ. Ha ka ngan buh ïa u mawdong baskhem ha uba yn thoh ïa ki ktien, ‘Ka jingngeit kaba skhem ka long ruh kaba ïaishah.’

ISAÏAH 63:19

Me ñiew ïa ngi kumba mem ju long u nongsynshar jong ngi, kumba ngim pat la ju long ki briew jong me.

ISAÏAH 65:15

Ki briew ba la jied jong nga kin pyndonkam ïa ka kyrteng jong phi kum ka jingtim. Ma nga, U Trai nongsynshar ngan pynïap ïa phi. Hynrei ngan ai ka kyrteng bathymmai ha kito kiba kohnguh ïa nga.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

NAHUM 1:7

U Trai u long uba bha; u ïada ïa ki briew jong u ha ki por ka jingjynjar; u ri sumar ïa kito kiba phai sha u.

HAGGAI 2:23

Ha kata ka sngi ngan shim ïa me, ko Serubbabel u shakri jong nga, bad ngan thung ïa me ban synshar ha ka kyrteng jong nga. Me long uta uba nga la jied.” U Trai Badonbor Baroh u la kren.

SEKHARAÏAH 3:9

Nga buh ha khmat jong u Joshua ïa uwei u maw uba don hynñiew tylli ki dong. Ngan shniah ka jingthoh halor jong u bad ha ka shi sngi ngan shim noh ïa ka pop jong kane ka ri.

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

JINGKHEIÑ 6:27

Bad U Trai u ong, “Lada ki pynbna ïa ka kyrteng jong nga kum ka jingkyrkhu halor ki Israel, ngan kyrkhu ïa ki.”

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

MATHAÏOS 7:23

Nangta ngan ong ha ki, ‘Ngam ju la ithuh ïa phi. Khie leit noh na nga, phi ki briew bymman!’

MATHAÏOS 7:25

U slap u la hap, ki wah ki la shlei, bad ka lyer ka la beh jur pyrshah ïa kata ka ïing. Hynrei kam shym la khyllem, namar la tei ïa ka halor u mawsiang.

MARKOS 12:16

Ki la wallam ïa kawei ka sbai rupa, bad u la kylli, “Ka durkhmat bad ka kyrteng jongno kine?” “Ka jong u patsha,” ki la ong.

MARKOS 13:22

Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah.

LOUKAS 13:27

Hynrei un ong biang, ‘Ngam ithuh nangno phi ïawan. Khie leit noh na nga, phi baroh ki briew kiba bymman!’

LOUKAS 6:48

U long kum u briew uba, ha kaba tei ïa la ka ïing, u la tih jylliew bad u la pynshong nongrim halor u mawsiang. Ka wah ka la shlei bad ka la lynshop ïa kata ka ïing hynrei kam lah ban pynkhih ïa ka, namar la shna bha ïa ka.

ÏOANNIS 10:14

Nga, nga long u nongaplangbrot uba bha. Kumba U Kpa u ithuh ïa nga bad nga, nga ithuh ïa U Kpa, ha kajuh ka rukom nga ithuh ïa la ki langbrot bad ki ithuh ïa nga. Bad nga kloi ban ïap na ka bynta jong ki.

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 3:33

Hynrei uno uno uba pdiang ïa ka khubor jong u, u pynskhem da kane ba U Blei u long uba shisha.

KI KAM 11:26

Haba u la shem ïa u, u la ïalam ïa u sha Antiokh, bad baroh shisnem kine ar ngut ki la ïakynduh ïa ki briew ka balang bad ki la hikai ïa ka kynhun kaba heh. Ka la long ha Antiokh ba ïa ki parabangeit la khot nyngkong eh “Ki Khristan”.

KI KAM 15:17

Bad kumta baroh kiba sah na u bynriew kin wan sha nga, baroh ki Jentil ïa kiba nga la khot ban long ki jong nga.

KI KAM 9:14

Bad u la wan poi sha Damaskos lem bad ka bor na ki rangbah lyngdoh ban kem ïa baroh kiba mane ïa me.”

Ka Shithi U Paul Sha Ki Nong Rom 11:2

U Blei um shym la kyntait ïa la ki jong ki briew, ïa kiba u la jied naduh kaba sdang. Phi tip ïa kaei kaba ka Jingthoh Bakhuid ka ong ha ka jingïathuh shaphang u Elijah ba u ïasaid bad U Blei pyrshah ïa ki Israel:

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

Ka Shithi U Paul Sha Ki Nong Rom 15:20

Ka jingangnud jong nga borabor ka long ban pynbna ïa ka Khubor Babha ha ki jaka ha kiba ïa U Khrist ym pat shym la ïohsngew, khnang ban ym tei halor ka nongrim ba la seng da kiwei pat.

Ka Shithi U Paul Sha Ki Nong Rom 15:9

bad ban pynlah wat ïa ki Jentil ban ïaroh ïa U Blei na ka bynta ka jingisynei jong u. Kumba ka Jingthoh Bakhuid ka ong, “Bad kumta ngin ïaroh ïa me hapdeng ki Jentil; ngan rwai ki jingïaroh ïa me.”

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

Ka Shithi U Paul Sha Ki Nong Rom 9:11

Hynrei khnang ba ka jingjied ïa uwei u khun shynrang kan long nadong shadong ka jingmih jong ka jingthmu U Blei hi, U Blei u la ong ïa ka, “U hynmen un shakri ïa u para.” U la ong ïa kane shuwa ba yn kha ïa ki, shuwa ba ki la leh ïa kano kano kaba bha ne kaba sniew; kumta ïa ka jingjied U Blei la pynshong nongrim ha ka jingkhot jong u, bad ym ha kano kano kaba ki la lah leh.

1 KORINTH 1:2

Sha ka balang U Blei kaba ha Korinth, ha kito baroh kiba la khot ban long ki briew bakhuid jong U Blei, kiba dei ki jong u ha U Khrist Jisu, lem bad ki briew baroh kylleng kiba mane ïa U Jisu Khrist uba U Trai jong ngi, uba long U Trai jong ki ruh:

1 KORINTH 8:3

Hynrei ïa u briew uba ieit ïa U Blei la ithuh da u.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

GALATIA 4:9

Hynrei mynta ba phi la ithuh ïa U Blei — lane, nga dei ban ong, mynta ba U Blei u la ithuh ïa phi — kumno ka long kata ba phi dang kwah ban phai pat sha kita ki bor mynsiem kiba tlot bad kiba isangsot? Balei phi kwah ban long mraw pat sa shisien ha ki?

EPHESOS 2:20

Ïa phi ruh, la tei ha ka nongrim ba la buh da ki apostol bad ki nongïathuhlypa, u mawdong uba long U Khrist Jisu hi.

EPHESOS 3:15

na uba man la ka longïing ha bneng bad ha ka pyrthei ka ïohpdiang ïa la ka kyrteng kaba shisha.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

1 TIMOTHI 3:15

Hynrei lada la kum pyntud ïa nga, kane ka shithi kan ïathuh ïa me kumno ba ïa lade ngi dei ban long ha ka longïing jong U Blei, kaba long ka balang jong U Blei uba im, ka rijied bad nongkyrshan jong ka jingshisha.

1 TIMOTHI 6:19

Ha kane ka rukom kin kynshew ïa lade ka spah ka ban long ka nongrim kaba skhem na ka bynta ka lawei. Bad nangta kin lah ban jop ïa ka jingim kaba long ka jingim kaba shisha.

HEBRU 11:10

Naba u Abraham u la ap khmih ïa ka nongbah kaba U Blei u la pynwandur bad u la tei, ka nongbah kaba don ki nongrim baneh.

2 PETROS 3:14

Bad kumta, ko ki paralok jong nga, katba phi dang ap ïa kata ka Sngi, to leh ïa kaba bha tam ka jong phi ban long kiba khlem thohbria bad kiba khlem shah kynnoh pop ha khmat U Blei bad ban don ka jingïasuk bad u.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 21:14

Ïa ka kynroh jong ka nongbah la tei halor ki khat-ar tylli ki maw nongrim, kiba halor jong ki la thoh ïa ki kyrteng jong ki khat-ar ngut ki apostol jong U Khunlangbrot.

JINGPYNPAW 22:4

Kin ïohi ïa ka durkhmat jong u, bad ïa ka kyrteng jong u yn thoh ha ki shyllangmat jong ki.

JINGPYNPAW 3:8

Nga tip ïa kaei kaba pha leh; nga tip ba pha don khyndiat ka bor; pha la bud ïa ka jinghikai jong nga bad pha la ïaineh ha nga. Nga la plie ïa ka jingkhang ha khmat jong pha, kaba ym don ba lah ban khang.