2 TIMOTHI 2:18 - Khasi CL Bible (BSI)

¹⁸ Ki la iehnoh ïa ka lynti ka jingshisha bad pynkylla khongpong ïa ka jingngeit jong ki katto katne ki bangeit da kaba ong ba ka jingpynmihpat ïa ngi ka la dep jia.

KA BAIBL

¹⁸ ki briew kiba la bakla noh shaphang ka jingshisha, ki da ong, ba kata ka jingmihpat ka la long lypa; bad ki ïa-pynkyllon khram ïa ka jingngeit jong kiwei.

2 TIMOTHI 2:18 ပူးပေါင်းရင်းမြစ်များ

MATHAÏOS 15:13

“Ïa u jingthung baroh ïa uba U Kpa jong nga uba ha bneng um shym la thung, yn rat noh,” la jubab U Jisu.

MATHAÏOS 22:29

U Jisu u la jubab ïa ki, “A katno phi long kiba bakla! Ka long namar ba phim tip ïa ki jingthoh bakhuid lane ïa ka bor U Blei.

LOUKAS 8:13

Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

KI KAM 5:39

hynrei lada ka wan na U Blei, phim lah ban jop ïa ki. Phi lah ban shem ïa lade kiba ïaleh pyrshah ïa U Blei!” Ka Dorbar ka la kohnguh ïa ka jingai jingmut jong u Gamaliel.

1 KORINTH 11:19

(Khlem artatien ka don ka jingïapait hapdeng jong phi khnang ba yn ithuh shai ïa kita kiba leh ïa kaba dei.)

1 KORINTH 15:12

Mynta, namar ka khubor jong ngi ka long ba ïa U Khrist la pynmihpat na ka jingïap, kumno ba katto katne ngut na phi ki ong ba yn ym don ka jingmihpat na ka jingïap?

KOLOSSAI 3:1

Ïa phi la pynmihpat lem bad U Khrist, kumta pynbeit ïa ka dohnud jong phi ha kiei kiei kiba ha bneng, ha kaba U Khrist u shong ha la ka khet ha ka liang kamon jong U Blei.

1 TIMOTHI 1:19

To pyndonkam ïa kito ki ktien kum ki jingkieng atiar khnang ba me lah ban ïaleh shlur, bad sumar ïa la ka jingngeit bad ïa ka jingïatiplem bakhuid. Don ki briew ki bymshahskhor ïa la ka jingïatiplem bad ki la pyntroiñ ïa la ka jingngeit.

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.

1 TIMOTHI 6:21

Don kiba kam ba ki don ïa ka, bad kaba mih ka long ba ki jah noh na ka lynti jong ka jingngeit. Ka jingaiei jong U Blei to kan long bad phi baroh.

2 TIMOTHI 2:14

To pynkynmaw ïa ki briew jong me ïa kane, bad to ai ha ki ïa ka jingkyntu bajai jai ha khmat U Blei ba kin ym ïa-wohnia halor ki kyntien ba ki ïakren. Kam long kaba pynmyntoi, hynrei tang ban pynjot ïa ki briew kiba sngap.

TITOS 1:11

Ka long kaba donkam ban pynsngap jar ïa ka jingïathuh jong ki, namar ki pynkylla khongpong ïa ki longïing baroh da kaba hikai ïa kaei kaba kim dei ban hikai, bad baroh ka long ïa ka jingthmu basngewlehrain ban thaw pisa.

HEBRU 3:10

Bad kumta nga la bitar ïa kita ki briew bad nga la ong, ‘Ki la iehnoh ïa nga borabor bad ki la kyntait ban kohnguh ïa ki hukum jong nga.’

JAKOB 5:19

Ko parabangeit jong nga, lada uwei na phi u ïaid sakma na ka jingshisha bad uwei pat u pynphai pat ïa u, to kynmaw ïa kane: Uno uno uba pynphai pat ïa u nongpop na ka lynti kaba bakla un pynim ïa ka mynsiem jong uta u nongpop na ka jingïap bad yn map ïa ki pop kiba bun byllien jong u.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.