2 TIMOTHI 2:14 - Khasi CL Bible (BSI)

¹⁴ To pynkynmaw ïa ki briew jong me ïa kane, bad to ai ha ki ïa ka jingkyntu bajai jai ha khmat U Blei ba kin ym ïa-wohnia halor ki kyntien ba ki ïakren. Kam long kaba pynmyntoi, hynrei tang ban pynjot ïa ki briew kiba sngap.

KA BAIBL

¹⁴ To pynkynmaw ïa ki shaphang kine kiei kiei ruh, da kaba hukum jur ïa ki ha khmat U Trai ban ym ïa-pyneh shaphang ki ktien, ïa ka ban ym myntoi ei ei ruh em, hynrei, tang ïa ka ban pynbakla ïa kiba ïohsngew.

2 TIMOTHI 2:14 ပူးပေါင်းရင်းမြစ်များ

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 2:11

Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 23:32

To sngew ïa kaei kaba ma nga, U Trai, nga ong! Nga long pyrshah ïa kito ki nongïathuhlypa kiba ïathuh ïa la ki jingphohsniew kiba dap da ki jinglamler. Ki ïathuh ïa kine ki jingphohsniew bad ïalam bakla ïa ki briew jong nga da ka jinglamler bad ka jingsngewmeng jong ki. Ngam shym la phah ne hukum ïa ki ban leit, bad kim shym la long satia ka jingïarap ïa ki briew. Ma nga, U Trai, nga la kren.”

JEREMAÏAH 23:36

Kumta kim dei shuh ban pyndonkam ïa ki ktien, ‘Ka jingkit U Trai,’ namar lada uno uno u leh kumta, ngan pynlong ïa ka khubor jong nga ka jingkit kaba khia shisha ïa u. Ki briew ki la pynkylla khongpong ïa ki ktien U Blei jong ki, U Blei uba im, U Trai Badonbor Baroh.

JEREMAÏAH 7:8

“Ha khmih, phi buh ïa la ka jingshaniah ha ki kyntien shukor.

HABAKKUK 2:18

Kaei ka jingdonkam jong ka bleithaw? Ka long tang kaei kaei kaba la thaw da u briew, bad kam kren ei ei hynrei ka shukor. Kaei kaba bha ba ka leh ïa u nongthaw ba un shaniah ha ka — U Blei u bym lah wat ban kren!

MATHAÏOS 16:26

Hato u briew u ïohnong ei ei lada u jop ïa ka pyrthei baroh kawei hynrei u duh noh ïa la ka jingim? Em ym kumta! Kam don kano kano kaba u lah ban ai ban ïoh pat ïa la ka jingim.

KI KAM 13:10

“Me u khun jong u Ksuid! Me long u nongshun ïa kaei kaei baroh kaba bha. Me long uba dap da kiba bun jait ki buit bymman, bad me ju ïai pyrshang ban pynphai ïa ki jingshisha jong U Trai sha ki jinglamler!

KI KAM 15:24

Ngi la ïohsngew ba katto katne ngut kiba la leit na ka kynhun jong ngi kiba la pynjynjar bad pynkhuslai ïa phi da kaei kaba ki la ong; pynban, kim shym la ïohpdiang kano kano ka jingbthah na ngi.

Ka Shithi U Paul Sha Ki Nong Rom 14:1

To pdiang sngewbha ïa u briew uba tlot ha ka jingngeit, hynrei wat ïania bad u shaphang ki jingpyrkhat bashimet jong u.

GALATIA 1:7

Ha ka jingshisha, ym don “kawei pat ka Gospel,” hynrei nga ong ïa kane namar don katto katne ngut ki briew kiba la pynkulmar ïa phi bad kiba la pyrshang ban pynkylla ïa ka Gospel U Khrist.

EPHESOS 4:17

Ha ka kyrteng U Trai, te, nga maham ïa phi; wat ïai im kum kiba mane blei thala, kiba ki jingpyrkhat jong ki kim donbor, bad kiba ki jingmut jong ki, ki long ha ka jingdum.

1 THESSALONI 4:1

Ha kaba wai noh, ko parabangeit jong ngi, phi la ïohnang na ngi kumno phi dei ban im khnang ban pynsngewbha ïa U Blei. Kane ka long da shisha, kumno phi la ju im. Bad mynta ngi kyrpad bad kyntu ïa phi ha ka kyrteng jong U Trai Jisu ban leh kham bha shuh shuh.

2 THESSALONI 3:6

Ko parabangeit jong ngi, ngi hukum ïa phi ha ka kyrteng jong U Jisu Khrist uba U Trai jong ngi ban kiar noh na ki bangeit baroh kiba im ka jingim bajaipdeh bad ki bym bud ïa ki jingbthah kiba ngi ai ha ki.

1 TIMOTHI 1:4

Ong ïa ki ban iehnoh ïa kito ki puriskam bad kito ki thup bajrong jong ka jinghiarpateng, kiba pynmih tang ïa ki jingïania; kim ïadei ei ei bad ka jingthmu U Blei, ïa kaba lah ban tip da ka jingngeit.

1 TIMOTHI 1:6

Don ki briew kiba la phai dien noh na kine bad ki la jah lynti ha ki jingïatainia ba-bieit.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

1 TIMOTHI 5:21

Ha khmat jong U Blei bad jong U Khrist Jisu bad jong ki angel to kohnguh ïa kine ki jinghikai khlem jingujor lane khlem shah shiliang ïano ïano ha kano kano kaba me leh.

1 TIMOTHI 6:13

Ha khmat U Blei, uba ai jingim ïa kiei kiei baroh, bad ha khmat U Khrist Jisu, uba phla shai ïa la ka jingngeit ha khmat u Pontios Pilat, nga hukum ïa me ba men kohnguh ïa la ki hukum bad ban sumar hok ïa ki haduh kata ka Sngi haba U Jisu Khrist uba U Trai jong ngi un paw.

2 TIMOTHI 1:6

Na kane ka daw nga pynkynmaw ïa me ban ïai pynrhem ïa kata ka jingai kaba U Blei u la ai ha me mynba la buh ïa ki kti jong nga ha me.

2 TIMOTHI 2:16

To kiar noh na ki jingïakren ba-thala bad ba-bieit, tang ban ïalam ïa ki briew kham jngai na U Blei.

2 TIMOTHI 2:23

Hynrei to kiar noh na ki jingïatainia ba-bieit bad ba khlem jingmut; me tip ba ki kut ha ka jingïakajia.

2 TIMOTHI 4:1

Ha khmat jong U Blei bad jong U Khrist Jisu, u ban sa bishar ïa kiba im bad ïa kiba ïap, bad namar ba un sa wan ban synshar kum u Syiem, nga kyrpad da kaba jai jai ïa me ba men ïalap ïa ka khubor, ban ïai kyntu ha kaba pynbna ïa ka (haba dei por ne ha bym dei por), ban pynkynduh, ban pynbeit bad ban pynshlur, da ka jingïaishah baroh haba me hikai.

TITOS 3:1

To pynkynmaw ïa la ki briew ban pyndem ha ki nongsynshar bad ki bor synshar, ban kohnguh ïa ki, bad ban long kiba kloi ban leh ïa kaba bha da ki lad baroh.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

2 PETROS 1:13

Nga pyrkhat ïa kane ba ka long kaba dei ïa nga ban pynkhih ïa ka jingkynmaw jong phi ïa kine kiei kiei katba nga dang im.

1 SAMUEL 12:21

Wat ïabeh ïa ki blei thala; kim lah ïarap ïa phi ne pynim ïa phi namar kim dei kiba shisha.