2 TIMOTHI 2:12 - Khasi CL Bible (BSI)

¹² Lada ngi ïai bteng ban ïaishah, ngin sa synshar ruh lem bad u. Lada ngin len ïa u, u ruh un len ïa ngi.

KA BAIBL

¹² lada ngi ïaishah, ngin ïasynshar ruh lem bad u; lada ngin len ïa u, u ruh un len ïa ngi:

2 TIMOTHI 2:12 ပူးပေါင်းရင်းမြစ်များ

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

MATHAÏOS 10:33

Hynrei lada uno uno u kyntait ïa nga ha kaba paw, ngan kyntait ïa u ha khmat U Kpa jong nga uba ha bneng.

MATHAÏOS 26:35

U Petros u la jubab, “Da lei lei ngan ym ong ïa kata, wat lada nga dei ban ïap lem bad me!” Bad baroh kiwei pat ki synran ki la ïa-ong ïa kajuh.

MATHAÏOS 26:75

bad u Petros u la kynmaw ïa kaei kaba U Jisu u la lah ïathuh ha u: “Shuwa ba u syiar un kyn-ih, men ong lai sien ba mem ithuh ïa nga.” U la mihnoh bad u la ïamkthang.

MARKOS 10:33

“Sngap,” u la ong ïa ki, “ngi dang leit kiew sha Jerusalem ha kaba ïa U Khun U Briew yn sa aiti ha ki rangbah lyngdoh bad ki nonghikai ka Hukum. Kin rai pynrem ban pynïap ïa u bad nangta kin aiti ïa u sha ki Jentil,

MARKOS 8:38

Lada u briew u lehrain ïa nga bad ïa ka jinghikai jong nga ha kane ka sngi jong ka jingbymriewblei bad ka jingbymman, te U Khun U Briew un lehrain ïa u haba un wan ha ka burom jong U Kpa jong u ryngkat bad ki angel bakhuid.”

LOUKAS 12:9

Hynrei uno uno uba kyntait ïa nga ha kaba paw, U Khun U Briew ruh un kyntait ïa u ha khmat ki angel jong U Blei.

LOUKAS 22:29

bad kumba U Kpa jong nga u la ai ha nga ka bor ban synshar, kumta ngan ai ha phi ïa kajuh ka bor.

LOUKAS 22:30

Phin bam bad dih ha ka miej jong nga ha ka Hima jong nga, bad phin shong halor ki khet ban synshar halor ki khat-ar jait ki Israel.

LOUKAS 9:26

Lada u briew u lehrain ïa nga bad ïa ka jinghikai jong nga, te U Khun U Briew un lehrain ïa u haba u wan ha ka burom jong u bad ha ka burom jong U Kpa bad jong ki angel bakhuid.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

Ka Shithi U Paul Sha Ki Nong Rom 5:17

Ka long ka jingshisha ba lyngba ka pop jong uwei u briew, ka jingïap ka la sdang ban synshar, namar jong uta uwei u briew. Hynrei katno kaba kham khraw ka long ka jingmih jong kaei kaba la leh da uwei u briew, U Jisu Khrist! Baroh kiba ïohpdiang ïa jingaiei bakyrhai U Blei bad ba la pynïasuk bad u kin synshar ha ka jingim lyngba U Khrist.

Ka Shithi U Paul Sha Ki Nong Rom 8:17

Naba ngi long ki khun jong U Blei, ngin ïohkynti ïa ki jingkyrkhu kiba u buh na ka bynta ki briew jong u, bad ngin ïohkynti ruh lem bad U Khrist ïa kaei kaba U Blei u la lah buh na ka bynta jong u; naba lada ngi ïadon bynta lem ha ka jingshah shitom U Khrist, ngin ïoh ruh ban ïadon bynta ha ka burom jong u.

PHILIPPI 1:28

Wat sheptieng ïa ki nongshun jong phi; long borabor kiba shlur, bad kane hi kan pynshisha ha ki, ba kin shah rem bad ba phin jop, namar dei U Blei uba ai ïa phi ka jingjop.

1 TIMOTHI 5:8

Hynrei lada uno uno um sumar ïa la ki ba-ha-ïing ha-sem, khamtam ïa ki dkhot ka longïing jong u hi, u la len ïa ka jingngeit bad u kham sniew ban ïa u bymngeit.

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 20:6

Katno kiba suk bad kiba la ïoh jingkyrkhu shikatdei eh ki long kito kiba la kynthup ha kane ka jingpynmihpat banyngkong ïa kiba ïap. Ka jingïap kaba ar kam donbor halor jong ki; kin long ki lyngdoh jong U Blei bad jong U Khrist, bad kin synshar bad u shihajar snem.

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 3:8

Nga tip ïa kaei kaba pha leh; nga tip ba pha don khyndiat ka bor; pha la bud ïa ka jinghikai jong nga bad pha la ïaineh ha nga. Nga la plie ïa ka jingkhang ha khmat jong pha, kaba ym don ba lah ban khang.

JINGPYNPAW 5:10

Me la pynlong ïa ki, ka hima ki lyngdoh ban shakri ïa U Blei jong ngi, bad kin synshar ha ka pyrthei.”