2 TIMOTHI 1:9 - Khasi CL Bible (BSI)

⁹ U la pynim ïa ngi bad u la khot ïa ngi ban long ki briew jong u hi, ym namar ïa kaei kaba ngi la leh, hynrei namar ka jingthmu jong u hi bad ka jingaiei.

KA BAIBL

⁹ uba la pynim ïa ngi, bad uba la khot ïa ngi da ka jingkhot bakhuid, ym katba kum ki jingleh jong ngi, hynrei, katba kum ka jingthmu bad ka jingaiei jong u hi, ïa kaba la ai ha ngi ha U Khrist Jisu mynshuwa ki Ïa bymjukut,

2 TIMOTHI 1:9 ပူးပေါင်းရင်းမြစ်များ

MATHAÏOS 1:21

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

LOUKAS 10:21

Ha kata ka por la pyndap ïa U Jisu da ka jingkmen da U Mynsiem Bakhuid bad u la ong, “Ko Kpa, U Trai jong ka bneng bad ka pyrthei! Nga ainguh ïa me namar ba me la pyn-i ha ki bymnang bymstad ïa kaei kaba me la buhrieh na kiba stad bad kiba shemphang. Ho-oid, ko Kpa, kane ka la long kumno me la kwah ïa ka ba kan jia.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

ÏOANNIS 17:9

“Nga duwai na ka bynta jong ki. Ngam duwai na ka bynta ka pyrthei hynrei na ka bynta kito ïa kiba me la ai ha nga, namar ki long ki jong me.

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

KI KAM 15:18

Kumta ong U Trai, uba la pyntip ïa kane slem bah mynshuwa.’

KI KAM 2:47

da kaba ïaroh ïa U Blei, bad lehkmen ha ka jingbhasbun jong ki briew baroh. Bad man ka sngi U Trai u nang pynïasoh ha ka kynhun jong ki ïa kito kiba la pynim.

Ka Shithi U Paul Sha Ki Nong Rom 11:14

Lehse, nga lah ban pynlong ïa ki briew jong ka jaitbynriew jong nga hi ban sngewbishni, ba kumta yn lah ban pynim katto katne na ki.

Ka Shithi U Paul Sha Ki Nong Rom 11:29

Naba U Blei um shym la pynkylla ïa ka jingmut jong u shaphang jongno ba u jied bad u kyrkhu.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

Ka Shithi U Paul Sha Ki Nong Rom 3:20

Naba ym don uno uno ruh uba hok ha khmat U Blei da kaba leh ïa kaei kaba ka Hukum ka dawa; kaei kaba ka Hukum ka leh ka long ban pynlong ïa u briew ban tip ba u la leh pop.

Ka Shithi U Paul Sha Ki Nong Rom 9:11

Hynrei khnang ba ka jingjied ïa uwei u khun shynrang kan long nadong shadong ka jingmih jong ka jingthmu U Blei hi, U Blei u la ong ïa ka, “U hynmen un shakri ïa u para.” U la ong ïa kane shuwa ba yn kha ïa ki, shuwa ba ki la leh ïa kano kano kaba bha ne kaba sniew; kumta ïa ka jingjied U Blei la pynshong nongrim ha ka jingkhot jong u, bad ym ha kano kano kaba ki la lah leh.

Ka Shithi U Paul Sha Ki Nong Rom 9:24

Naba ngi long ki briew kiba u la khot, ym tang napdeng ki Jiw hynrei napdeng ki Jentil ruh.

1 KORINTH 1:18

Naba ka khubor shaphang ka jingïap U Khrist halor ka diengphna ka long ka jingibieit ha kito kiba jot noh; hynrei ïa ngi kiba la pynim, ka long ka bor U Blei.

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

EPHESOS 1:9

U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

EPHESOS 3:11

U Blei u la leh ïa kane kat kum ka jingthmu bymjukut kaba u la pyndep lyngba U Khrist Jisu uba U Trai jong ngi.

PHILIPPI 3:14

Kumta nga mareh beit sha pyrshah ka thong khnang ban ïoh ïa ka prais, kaba long ka jingkhot U Blei da U Khrist Jisu sha ka jingim kaba shaneng.

1 THESSALONI 4:7

U Blei um shym la khot ïa ngi ban im ha ka jingthala, hynrei ha ka jinglongkhuid.

1 TIMOTHI 1:1

Na u Paul, u apostol jong U Khrist Jisu kat kum ka hukum U Blei u Nongpynim jong ngi bad U Khrist Jisu uba long ka jingkyrmen jong ngi —

2 TIMOTHI 1:1

Na u Paul, u apostol U Khrist Jisu da ka mon U Blei, ha uba la phah pynbna ïa ka jingim ba la kular kaba ngi don ha U Khrist Jisu —

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

1 PETROS 1:20

La jied ïa u da U Blei ha shuwa ka jingpynlong ïa ka pyrthei bad la pynpaw ha kine ki sngi kiba khatduh na ka bynta jong phi.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.