2 TIMOTHI 1:5 - Khasi CL Bible (BSI)

⁵ Nga kynmaw ïa ka jingngeit basngur kaba me don, ka jingngeit kaba kum ka jong ka kmierad jong me ka Lois bad kaba ka kmie jong me ka Ïuniki ruh ka don. Nga sngewthikna ba me ruh me don ïa ka.

KA BAIBL

⁵ haba nga la kynmaw ïa kata ka jingngeit bakhlem arsap kaba ha me, kaba la shong nyngkong ha ka kiaw jong me ka Lois, bad ka kmie jong me ka Ïuniki; bad nga ngeit skhem, ha me ruh.

2 TIMOTHI 1:5 ပူးပေါင်းရင်းမြစ်များ

SALM 116:16

Nga long u shakri jong me, ko Trai; nga shakri ïa me, kumba ka kmie jong nga ka la leh. Me la pyllait im ïa nga na ka jingïap.

SALM 17:1

To shahshkor, A Trai, ïa ka jingkyrpad jong nga ïa ka jingbishar hok; to sngap ïa ka jingkyang jong nga ban ïoh jingïarap! To shahshkor ïa ka jingduwai sngur mynsiem jong nga.

SALM 18:44

Ki nongwei ki dem ngon ha khmat jong nga; haba ki ïohsngew ïa nga, ki kohnguh.

SALM 22:10

Nga la shaniah ha me naduh ka sngi ba kha ïa nga, bad me la ju ïailong U Blei jong nga.

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

SALM 77:6

Nga pynlut ïa ka miet ha ka jingpyrkhat bajylliew; nga puson, bad kane ka dei kaei kaba nga kylli ïa lade:

SALM 81:15

Kito kiba isih ïa nga kin dem ngon ha ka jingsheptieng ha khmat jong nga, ka jingpynshitom ïa ki kan neh junom.

SALM 86:16

To phai sha nga bad to isynei ïa nga; to pynkhlaiñ ïa nga bad to pynim ïa nga, namar nga shakri ïa me, kumba ka kmie jong nga ka leh.

JEREMAÏAH 3:10

Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

ÏOANNIS 1:47

Haba U Jisu u la ïohi ïa u Nathanael ba u wan sha u, u la ong shaphang jong u, “Une u dei u kynja Israel uba shisha, ym don kano kano ka bymshisha ha u!”

KI KAM 16:1

U Paul u la nang leit sha Derbe bad Lystra, ha kaba uwei u Khristan uba kyrteng u Timothi u shong u sah. Ka kmie jong u, kaba long ruh ka Khristan, ka long ka Jiw, hynrei u kpa jong u, u long u Grik.

KI KAM 26:26

Ko syiem Agrippa! Nga lah ban kren ha me da ka jingshlur, namar ba me tip ïa kine kiei kiei. Nga sngewskhem ba me la bat bha ïa kawei pa kawei na ki, naba kane kaei kaei kam shym jia ha kaba rieh ha kyndong.

Ka Shithi U Paul Sha Ki Nong Rom 14:14

Ka jingïasoh jong nga bad U Trai Jisu ka pynlong thikna ïa nga ba ym don ka jingbam ha ka hi, kaba long bymkhuid kat kum ka jinglehniam; hynrei lada u briew u ngeit ba katto katne ka jingbam ka long ka bymkhuid, te ka long bymkhuid ïa u.

Ka Shithi U Paul Sha Ki Nong Rom 14:5

Uwei u briew u pyrkhat ba kawei ka sngi ka kham donkam ban ïa kiwei pat ki sngi, katba uwei pat u pyrkhat ba baroh ki sngi ki ïalong kumjuh. Uwei pa uwei u dei ban skhem ha la ka jong ka jingmut.

Ka Shithi U Paul Sha Ki Nong Rom 15:14

Ko ki parabangeit jong nga: Nga hi nga sngewskhem ba phi dap da ka jingbha, ba phi don ka jingtip baroh, bad ba phi lah ban hikai iwei ïa iwei pat.

Ka Shithi U Paul Sha Ki Nong Rom 4:21

U la thikna bha ba U Blei un leh ïa kaei kaba u la kular.

Ka Shithi U Paul Sha Ki Nong Rom 8:38

Naba nga long thikna ba ym don kaba lah ban pynïakhlad ïa ngi na ka jingieit jong u: Ym ka jingïap lymne ka jingim, lymne ki angel, lymne kiwei ki nongsynshar ba kynja bneng lane ki bor lymne jong kaba mynta lymne ka ban sa wan,

2 KORINTH 6:6

Da ka jinglong sngur jong ngi, ka jingtip, jingïaishah, bad jingsbun ngi la pyn-i ïa lade ba ngi long ki shakri U Blei — da U Mynsiem Bakhuid, da ka jingieit bashisha jong ngi, da ka khubor jong ka jingshisha jong ngi, bad da ka bor U Blei.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

2 TIMOTHI 3:15

Me tip mano ba la hikai ïa me, bad me kynmaw ba naduh me dang long u khynnah, me la tip ïa ki Jingthoh Bakhuid, kiba lah ban ai ha me ïa ka jingstad kaba ïalam sha ka jingpynim da ka jingngeit ha U Khrist Jisu.

HEBRU 11:13

Dei ha ka jingngeit ba kine ki briew baroh ki la ïap. Kim shym la ïohpdiang ïa kiei kiei ïa kiba U Blei u la kular, hynrei na sha jngai ki ïohi ïa ki bad ki pdiang sngewbha ïa ki, bad ki la pynbna paidbah ba ki la long ki nongwei bad ki sohshnong ha kane ka pyrthei.

HEBRU 6:9

Hynrei wat lada ngi kren kumne, ko paralok ba-ieit, ngi sngewskhem shaphang jong phi. Ngi tip ba phi ïoh ïa ki jingkyrkhu kiba kham bha kiba ïadei bad ka jingpynim jong phi.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.