2 TIMOTHI 1:2 - Khasi CL Bible (BSI)

² Ha u Timothi, u khun ba-ieit jong nga: To ai ba U Blei uba U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei, bad ka jingsuk.

KA BAIBL

² Ha u Timothi, u khun ba-ieit jong nga: Ka jingaiei, ka jingisynei, ka jingsuk, na U Blei uba U Kpa bad U Khrist Jisu uba U Trai jong ngi.

2 TIMOTHI 1:2 ပူးပေါင်းရင်းမြစ်များ

KI KAM 16:1

U Paul u la nang leit sha Derbe bad Lystra, ha kaba uwei u Khristan uba kyrteng u Timothi u shong u sah. Ka kmie jong u, kaba long ruh ka Khristan, ka long ka Jiw, hynrei u kpa jong u, u long u Grik.

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”

1 KORINTH 4:17

Na ka bynta kane ka jingthmu nga phah ha phi ïa u Timothi, uba long u khun ba-ieit bad baïaineh jong nga ha ka jingim kum uba ngeit. Un pynkynmaw ïa phi ïa ki nongrim kiba nga bud ha ka jingim kaba thymmai ha U Khrist Jisu bad kaba nga hikai ha ki balang baroh kiba don kylleng.

PHILIPPI 4:1

Kumta te, ko parabangeit jong nga, haduh katno phi long kiba ieit ïa nga bad haduh katno nga la sngewtmang ïa phi! Haduh katno phi pynkmen ïa nga, bad haduh katno nga sngewsarong namar jong phi! Kane te, ko ki parabangeit ba-ieit, ka long kumno phi dei ban ïeng skhem ha ka jingim jong phi ha U Trai.

1 TIMOTHI 1:2

Ha u Timothi, u khun bashisha jong nga ha ka jingngeit: To U Blei U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei bad ka jingsuk.

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

TITOS 1:4

Nga thoh sha u Titos, u khun bashisha jong nga ha ka jingngeit kaba ngi ïadon lang. To U Blei uba long U Kpa bad U Khrist Jisu uba long U Nongpynim jong ngi un ai ha phi ïa ka jingaiei bad ka jingsuk.

TITOS 2:13

katba ngi dang ap ïa ka jingwan jong kata ka Sngi ba la kyrkhu kaba ngi ap kyrmen, haba ka burom U Blei bakhraw bad U Jisu Khrist U Nongpynim jong ngi kan paw.

3 ÏOANNIS 1:4

Kam don kano kano kaba kham pynkmen ïa nga ban ïa kaba ïohsngew ba ki khun jong nga ki im ha ka jingshisha.