2 TIMOTHI 1:16 - Khasi CL Bible (BSI)

¹⁶ To U Trai un pyn-i ïa ka jinglehisynei ha ka longïing u Onesiphoros, namar ba u la pyntngen ïa nga bunsien.

KA BAIBL

¹⁶ To U Trai un ai ka jingisynei ha ka ïing u Onesiphoros; naba bunsien u la pynpyngngad ïa nga, bad um shym la sngewlehrain ïa ka kynjri jong nga;

2 TIMOTHI 1:16 ပူးပေါင်းရင်းမြစ်များ

2 SAMUEL 2:6

Bad mynta pat, to U Trai un lehsbun bad ïaineh skhem bad phi. Nga ruh ngan lehbha ïa phi namar kaei kaba phi la leh.

NEHEMAÏAH 13:14

To kynmaw, A Blei jong nga, ïa baroh kine kiei kiei kiba nga la leh na ka bynta ka Templ jong me bad ka jingmane jong ka.

NEHEMAÏAH 13:22

Nga la hukum ïa ki Lebi ban pynkhuid ïa lade bad ban leit bad pahara ïa ki khyrdop ban pynthikna ba ïa ka sngi Sabbaton la sumar khuid ïa ka. Kynmaw ïa nga, A Blei, na ka bynta kane ruh, bad tyngkai ïa nga namar ka jingieit bakhraw jong me.

NEHEMAÏAH 13:31

nga pynkhreh ïa ki diengthang na ka bynta ki jingainguh thang ban wallam ha ki por ba la buh, bad na ka bynta ki briew ban wallam ki jingainguh da u kew banyngkong bad ki soh kiba ih nyngkong. To kynmaw ïa kane baroh, A Blei, bad to kyrkhu ïa nga.

NEHEMAÏAH 5:19

Nga duwai ha me, A Blei, to kynmaw ban kyrkhu na ka bynta kaei kaei baroh ba nga la leh na ka bynta kane ka jaitbynriew.

SALM 18:25

A Trai, me long uba ïaineh ha kito kiba ïaineh ha me; uba bha nadong shadong ïa kito kiba janai.

SALM 37:26

Ha ki por baroh u ai ei bad u ai kylliang sha kiwei, bad ki khun ki kti jong u ki long ka jingkyrkhu.

JEREMAÏAH 39:17

Hynrei ma nga, U Trai, ngan ïada, bad ngan ym aiti noh ïa me sha ki briew kiba me sheptieng.

MATHAÏOS 25:17

Ha kajuh ka rukom u shakri uba la ïohpdiang ar hajar tylli ki sbai u la ïohnong sa ar hajar.

MATHAÏOS 5:7

Suk kito kiba isynei ïa kiwei pat; U Blei un isynei ïa ki!

KI KAM 21:33

U rangbah ai hukum u la leit sha u Paul, u la kem ïa u, bad u la hukum ban teh ïa u da ar tylli ki kynjri. Nangta u la kylli, “Uei une u briew, bad u la leh aïu?”

KI KAM 28:20

Dei na kata ka daw nga la kyrpad ban ïakynduh ïa phi bad ban ïakren bad phi. Ha ka jingshisha, la khum kynjri ïa nga kumne na ka bynta jong uta ïa uba ki paid Israel ki kyrmen.”

1 KORINTH 16:18

Ki rangbah kiba kum kine ki dei hok ban ïoh ïa ka jingithuh.

EPHESOS 6:20

Na ka bynta kane ka gospel, nga long u nongkit 'tiensyiem wat la mynta nga don ha ïingbyndi. To duwai ba nga lah ban long uba shlur ha ka jingkren shaphang ka gospel kumba nga dei.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

2 TIMOTHI 1:17

Um shym la sngewlehrain ïa nga ba nga don ha ka ïingbyndi, hynrei mar ïapoi ha Rom, u la sdang ban wad ïa nga haduh ba un da shem.

2 TIMOTHI 1:18

To U Trai un ai ïa ka jinglehisynei ha u ha kata ka Sngi! Bad phi tip shai kdar katno ba u la leh na ka bynta jong nga ha Ephesos.

2 TIMOTHI 1:8

Kumta wat sngewlehrain, ban sakhi na ka bynta U Trai jong ngi, lymne ban sngewlehrain ïa nga, u nongsah byndi na ka bynta U Khrist. Pynban, to shim ïa la ka bynta ha kaba shahshitom na ka bynta ka Khubor Babha, kumba U Blei u ai ïa me ka bor ban leh ïa ka.

2 TIMOTHI 4:19

Nga phah ïa ki jingai khublei ïa ka Priskila bad u Akwila bad ïa ka ïing u Onesiphoros.

PHILEMON 1:20

Kumta, ko para jong nga, sngewbha ban leh ïa kane na ka bynta U Trai; kum u para ha U Khrist, to pynkmen ïa nga!

PHILEMON 1:7

Ka jingieit jong me, ko para ba-ieit, ka la wallam ïa ka jingkmen bakhraw bad jingaimynsiem bajur! Me la pynkmen ïa ki dohnud jong ki briew U Blei baroh.

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

RUTH 1:8

“Khie leit phai noh sha ïing bad sah bad la ki kmie. Ai ba U Trai un lehbha ïa phi kumba phi la leh ïa nga bad ïa kito kiba la ïap.