2 TIMOTHI 1:14 - Khasi CL Bible (BSI)

¹⁴ Da ka bor jong U Mynsiem Bakhuid, uba im hapoh jong ngi, to sumar ïa kiei kiei kiba bha ïa kiba la pynkhamti ha me.

KA BAIBL

¹⁴ Ïa kata ka babha ïa kaba la aiti ha me, to sumar da U Mynsiem Bakhuid uba shong ha ngi.

2 TIMOTHI 1:14 ပူးပေါင်းရင်းမြစ်များ

LOUKAS 16:11

Te lada ym pat lah ban shaniah ïa phi ha kaba pynïaid ïa ka spah pyrthei, kumno yn shaniah ha phi ïa ka spah bashisha?

ÏOANNIS 14:17

Uta u long U Mynsiem uba pynpaw ïa ka jingshisha shaphang U Blei. Ka pyrthei kam lah ban pdiang ïa u, namar ba kam ïohi ïa u lane ithuh ïa u. Hynrei phi ithuh ïa u, namar ba u ïaisah bad phi bad u don hapoh jong phi.

Ka Shithi U Paul Sha Ki Nong Rom 3:2

Ha ka jingshisha, don shibun, ha kiba bun ki liang! Ha kaba nyngkong, U Blei u la aiti ïa ka khubor jong u ha ki Jiw.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

Ka Shithi U Paul Sha Ki Nong Rom 8:13

Naba lada phi im kat kum ka jinglong ba kynja doh, phin sa ïap; hynrei lada da U Mynsiem phi pynïap noh ïa ki jingleh ka pop, phin im.

Ka Shithi U Paul Sha Ki Nong Rom 8:9

Hynrei phim im kumba ka jinglong ba kynja doh jong phi ka ong ïa phi ban leh; pynban, phi im kumba U Mynsiem u ong ïa phi ban leh — lada, shisha, U Mynsiem U Blei u don hapoh jong phi. Uno uno u bym don ïa U Mynsiem jong U Khrist, um long u jong u.

1 KORINTH 3:16

Da shisha phi tip ba phi long ka templ jong U Blei bad ba U Mynsiem U Blei u shong hapoh jong phi!

1 KORINTH 6:19

Hato phim tip ba ka met jong phi ka long ka jaka shong U Mynsiem Bakhuid, uba shong hapoh jong phi bad ïa uba la ai ha phi da U Blei?

1 KORINTH 9:17

Lada nga la trei ïa la ka kam da ka mon sngewbha, te nga la lah ban khmih lynti ban ïoh ïa ka bainong; hynrei nga leh ïa ka tang kum ka kamram, namar U Blei u la aiti ha nga ïa kane ka kam.

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

GALATIA 2:7

Da kumwei pat, ki la ïohi ba U Blei u la ai ha nga ïa ka kam ka jingïalap ïa ka Gospel ha ki Jentil, kumba u la ai ha u Petros ïa ka kam ka jingïalap ïa ka Gospel ha ki Jiw.

EPHESOS 2:22

Ha u, ïa phi ruh la tei lang lem bad kiwei pat da U Mynsiem jong u ha ka jaka ha kaba U Blei u shong.

EPHESOS 5:18

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

KOLOSSAI 4:11

U Joshua, ïa uba la khot ruh u Justos, u phah ruh ïa ki jingai khublei. Kine lai ngut ki long tang ma ki, ki parabangeit Jiw kiba trei bad nga na ka bynta Ka Hima U Blei, bad ki la long ka jingïarap bakhraw ïa nga.

1 THESSALONI 5:19

Wat khang ïa U Mynsiem Bakhuid;

1 TIMOTHI 1:11

Ïa kata ka jinghikai la shem ha ka Gospel ïa kaba la pynkhamti ha nga ban pynbna, ka Khubor Babha na U Blei uba khrawburom bad ba la kyrkhu.

1 TIMOTHI 6:20

Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

2 TIMOTHI 2:2

Shim ïa ki jinghikai kiba me la ïohsngew ba nga pynbna ha khmat ki sakhi babun, bad aiti ïa ki ha ki briew kiba lah ban shaniah, kiba lah ban hikai ïa kiwei ruh.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.