2 TIMOTHI 1:13 - Khasi CL Bible (BSI)

¹³ To batskhem ïa ki ktien bashisha kiba nga la hikai ïa me, kum ka nuksa ïa me ban bud, bad ban ïaisah ha ka jingngeit bad ka jingieit kiba long ki jong ngi ha U Khrist Jisu.

KA BAIBL

¹³ To ïaibat ïa ka rukom ki ktien bajanai, ïa kiba me la ïohsngew na nga, ha ka jingngeit bad ka jingieit kaba ha U Khrist Jisu.

2 TIMOTHI 1:13 ပူးပေါင်းရင်းမြစ်များ

PROBERB 23:23

Ka jingshisha, ka jingstad, ka jingtip bad ka jingshemphang — kine ki long kiba kordor ba phin siew, hynrei kiba shongdor rem ïa phi ban die.

PROBERB 3:18

Kito kiba stad ki suk mynsiem; ka jingstad kan ai ha ki ïa ka jingim.

PROBERB 3:21

Ko khun jong nga, batskhem ïa la ka jingstad bad ka jingsngewthuh. Wat shah lano lano ba kin lait noh na phi.

PROBERB 4:13

Kynmaw borabor ïa kaei kaba phi la nang. Ka jingnang jingtip jong phi ka dei ka jingim jong phi — ri kyndong ïa ka.

PROBERB 8:14

Nga don ki jingthmu bad nga pyntreikam ïa ki; nga don ka jingshemphang, bad nga don ka bor.

Ka Shithi U Paul Sha Ki Nong Rom 2:20

u nongbthah ïa kiba bieit, bad u nonghikai ïa ki bym don jingnang jingstad. Phi long thikna ba ha ka Hukum phi don ka thup ba-pura jong ka jingtip bad jong ka jingshisha.

Ka Shithi U Paul Sha Ki Nong Rom 6:17

Hynrei long ka jingnguh ïa U Blei! Naba wat mynshuwa haba phi la long ki mraw jong ka pop, phi la kohnguh da la ka dohnud baroh ïa ki jingshisha ba la shem ha ka jinghikai kaba phi la ïohpdiang.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

PHILIPPI 4:9

Pyntreikam ïa kaei kaba phi la nang bad ïohpdiang na nga, na ki ktien jong nga bad ki kam jong nga. Bad U Blei uba ai ha ngi ka jingsuk, un long lem bad phi.

KOLOSSAI 1:4

Naba ngi la ïohsngew ïa ka jingngeit jong phi ha U Khrist Jisu bad ïa ka jingieit jong phi ïa ki briew baroh ki jong U Blei.

1 THESSALONI 5:21

Da tynjuh ïa kiei kiei baroh: Bat ïa kaei kaba bha

1 TIMOTHI 1:14

Bad U Trai jong ngi u la theh noh buk ïa ka jingaiei ba-dap kyrhai ha nga bad u la ai ha nga ïa ka jingngeit bad ïa ka jingieit kiba long ki jong ngi ha U Khrist Jisu.

1 TIMOTHI 6:3

Uno uno uba hikai ïa ka jinghikai shongtynrai kaba pher bad um mynjur ïa ki ktien bashisha jong U Jisu Khrist uba U Trai jong ngi bad ïa ki jinghikai jong ka jingngeit jong ngi u long uba dap da ka jingsarong bad u bymtip ei ei.

2 TIMOTHI 1:1

Na u Paul, u apostol U Khrist Jisu da ka mon U Blei, ha uba la phah pynbna ïa ka jingim ba la kular kaba ngi don ha U Khrist Jisu —

2 TIMOTHI 1:14

Da ka bor jong U Mynsiem Bakhuid, uba im hapoh jong ngi, to sumar ïa kiei kiei kiba bha ïa kiba la pynkhamti ha me.

2 TIMOTHI 2:2

Shim ïa ki jinghikai kiba me la ïohsngew ba nga pynbna ha khmat ki sakhi babun, bad aiti ïa ki ha ki briew kiba lah ban shaniah, kiba lah ban hikai ïa kiwei ruh.

2 TIMOTHI 3:14

Hynrei ma me, to ïaineh ha ki jingshisha kiba me la ïoh jinghikai bad kiba me ngeit skhem.

2 TIMOTHI 4:3

Ka por kan sa poi haba ki briew kin ym shahshkor ïa ka jinghikai shongtynrai badei, hynrei kin kohnguh ïa la ki jingkwah bad kin nang pynbun ïa ki nonghikai ki ban ïathuh ha ki ïa kaei kaba ki shkor ba-dait jong ki, ki kwah ban ïohsngew.

TITOS 1:9

U dei ban long uba batskhem ïa ka khubor kaba lah ban shaniah bad kaba ïadei bad ka jinghikai shongtynrai. Ha kane ka rukom un lah ban ai mynsiem ïa kiwei da ka jinghikai bashisha bad ban pyn-i ruh ïa ka jingbakla jong kito kiba ïeng pyrshah ïa ka.

TITOS 2:1

Hynrei me dei ban hikai ïa kaei kaba ïahap bad ka jinghikai shongtynrai kaba skhem.

TITOS 2:8

Pyndonkam da ki ktien kiba shongnia ïa kiba yn ym don ba wad daw, khnang ba yn ïoh pynlehrain ïa ki nongshun jong me da ka bym don ei ei kaba sniew ban ïoh kren pyrshah shaphang jong ngi.

HEBRU 10:23

To ngin batskhem da ka jingkyrmen ïa kaba ngi ïaphla, namar ngi lah ban shaniah ba U Blei u bat ïa la ka kular.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

HEBRU 4:14

Te, to ngin batskhem ïa ka jingngeit ïa kaba ngi phla. Naba ngi don U Rangbah Lyngdoh uba khraw uba la leit haduh ka jingdon ryngkat U Blei — U Jisu, U Khun U Blei.

JUDAH 1:3

Ko ki paralok ba-ieit jong nga, nga la leh ïa kaba bha tam ban thoh sha phi shaphang ka jingpynim kaba ngi ïoh lang, haba nga la shem ïa ka jingdonkam ban thoh shisyndon ban pynshlur ïa phi, ban ïaleh na ka bynta ka jingngeit kaba U Blei u la ai shisien ai ha ki briew jong u.

JINGPYNPAW 2:25

Hynrei tad ynda ngan wan, pha dei ban batskhem ïa kaei kaba pha don.

JINGPYNPAW 3:11

Ngan wan kloi. Sumar kyndong ïa kaei kaba pha don, khnang ba yn ym don uno uno u ban lute na pha ïa ka bainong jong ka jingjop.

JINGPYNPAW 3:3

Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.