2 SAMUEL 9:7 - Khasi CL Bible (BSI)

⁷ “Wat sheptieng,” u Dabid u jubab. “Ngan lehbha ïa phi na ka bynta u Jonathan, u kpa jong phi. Ngan ai pat ha phi ïa ka khyndew ka shyiap baroh kaba dei ka jong u Saul, u kparad jong phi, bad phin long uba la pdiang sngewbha borabor ha ka miej bam jong nga.”

KA BAIBL

⁷ Bad u Dabid u la ong ha u, “Wat sheptieng: naba ngan leh isynei keiñ ïa me shisha na ka bynta u Jonathan u kpa jong me, bad ngan ai noh pat ha me ïa ka khyndew baroh ka jong u Saul u kpa jong me; bad men ïoh bam kpu ha ka miej jong nga ha la ka sngi.”

2 SAMUEL 9:7 ပူးပေါင်းရင်းမြစ်များ

JENESIS 43:18

Haba la ïalam ïa ki sha ka ïing, ki la sheptieng bad ki la ïa-pyrkhat, “La ïalam ïa ngi shane imat namar kito ki pisa ba la pynphai ha ki byrni jong ngi ha ka sien kaba nyngkong. Kin sa kynrup kynsan ïa ngi, kin shim noh ïa ki kada jong ngi, bad kin pynlong ïa ngi ki mraw jong u.”

JENESIS 43:23

Uta u shakri u ong, “Wat khuslai. Wat sheptieng ruh. Dei U Blei jong phi, U Blei jong u kpa jong phi, uba la thep ïa ki pisa ha ki byrni jong phi na ka bynta jong phi. Nga la ïohpdiang ïa ka dor ba phi la siew.” Nangta u wan ïalam ïa u Simeon sha ki.

2 SAMUEL 12:8

Nga la ai ha me ïa ka hima jong u bad ïa ki tnga jong u; nga la pynlong ïa me u syiem halor ki Israel bad ki Judah. Lada kane kam pat biang, ngan jin da la ai shuh sa ar shah ïa me.

2 SAMUEL 19:28

Baroh kiba na ka longïing jong i pa jong nga ki dei hok ban shah pynïap ha phi ko Syiem Kynrad, hynrei phi ai ha nga ka hok ban bam ha ka miej bam jong phi. Ngam don hok ban pan shuh shuh ïa ki jinglehbha na u Syiem Kynrad.”

2 SAMUEL 19:29

U syiem u jubab, “Mem donkam ban ong ei ei shuh shuh. Nga la rai ba ma me bad u Siba men ïabynta ïa ka jingdon jingem jong u Saul.”

2 SAMUEL 19:33

U syiem u ong ha u, “Ale bad nga ha Jerusalem, bad ngan khmih sumar ïa phi.”

2 SAMUEL 21:7

Hynrei namar ka kular kaba kyntang kaba ma u bad u Jonathan ki la pynlong uwei ïa uwei pat, u Dabid u la pyllait ïa u Mephibosheth, u khun jong u Jonathan bad u ksiew jong u Saul.

2 SAMUEL 9:1

Ha kawei ka sngi, u Dabid u kylli, “Don mano mano ba dang sah na ka longïing jong u Saul? Lada don, nga kwah ban pyn-i ka jingbhasbun ïa u na ka bynta u Jonathan.”

2 SAMUEL 9:10

Ma me, ki khun shynrang jong me, bad ki shakri jong me, phin ïarep ha ka khyndew na ka bynta ka longïing jong u Saul, u kynrad jong phi, bad wallam ïa ka jingmih nangta ban pynbiang bam ïa ki. Hynrei u Mephibosheth hi un ïailong uba shah khot sngewbha sha ka miej bam jong nga.” (U Siba u don khatsan ngut ki khun shynrang bad arphew ngut ki shakri.)

2 SAMUEL 9:11

U Siba u jubab, “Ngan leh ïa kaei kaei baroh kaba ma phi Syiem Kynrad phi hukum.” Kumta u Mephibosheth u ïabam lang ha ka miej bam jong u syiem, kum uwei na ki khun shynrang jong u syiem.

2 SAMUEL 9:13

Kumta u Mephibosheth, uba la dkoh ki kjat baroh ar tylli, u la shong la sah ha Jerusalem, u da bam ïa baroh ki jingbam jong u ha ka miej bam jong u syiem.

2 SAMUEL 9:3

U syiem u kylli ïa u, “Don mano mano ba dang sah na ka longïing u Saul ïa uba nga lah ban pyn-i ka jingïaineh bad ka jingbhasbun ïa u, kumba nga la kular ha U Blei ba ngan leh?” U Siba u jubab, “Don sa tang uwei na ki khun shynrang jong u Jonathan. U dei uba dkoh.”

1 SYIEM 2:7

“Hynrei pyn-i ka jinglehsbun ïa ki khun shynrang jong u Barsillai uba na Gilead bad ri sumar ïa ki, namar ki la lehsbun ïa nga mynba nga la phet krad na u Absalom, u hynmen jong me.

2 SYIEM 25:29

Kumta u la shah ïa u Jehoïakhin ban kylliang ïa ki jaiñ koidi jong u bad ban ïabam ha ka miej jong u syiem haduh ba kut ka jingim jong u.

SALM 41:9

Wat u paralok babha tam jong nga, uta uba nga shaniah tam, uta uba ju ïadon bynta na ka jingbam jong nga, u la phai pyrshah ïa nga.

JEREMAÏAH 52:33

Kumta ïa u Jehoïakhin la shah ba un law noh ïa ki jaiñphong byndi bad ban ïabam lang ha ka miej jong u syiem shi lynter ka jingim jong u.

SEKHARAÏAH 7:9

“La slem bah nga la ai ïa kine ki hukum ha ki briew jong nga: ‘Phi dei ban peit ba ïa ka jinglehhok la pyndep, bad phi dei ban pyn-i ka jingbhasbun bad ka jingisynei iwei ïa iwei pat.

MATHAÏOS 6:11

To ai ha ngi mynta ka jingbam kaba ngi donkam.

LOUKAS 22:30

Phin bam bad dih ha ka miej jong nga ha ka Hima jong nga, bad phin shong halor ki khet ban synshar halor ki khat-ar jait ki Israel.

JINGPYNPAW 3:20

Shahshkor! Nga ïeng ha ka jingkhang bad nga tied; lada uno uno u sngew ïa ka sur jong nga bad plie ïa ka jingkhang, ngan wan rung shapoh ka ïing jong u bad ngan ïabam bad u, bad ma u ruh un ïabam lem bad nga.

1 SAMUEL 12:24

Kohnguh ïa U Trai bad shakri hok ïa u da ka dohnud jong phi baroh. To kynmaw ïa kiei kiei kiba khraw kiba u la leh na ka bynta jong phi.

1 SAMUEL 20:15

pynpaw ïa kajuh ka jingïaineh skhem ïa ka ïing ka sem jong nga shi junom. Bad haba U Trai u la pynjot thiaw ïa ki nongshun jong phi baroh,

1 SAMUEL 22:23

To sah noh bad nga bad wat sheptieng. U Saul u kwah ban pynïap ïa phi bad ïa nga, hynrei phin lait na ka jingma bad nga.”